ព័ត៌មានអន្ដរជាតិ
បៃដិនដកខ្លួន មានន័យថា លោក ត្រាំ ជួបគ្រោះធំក្នុងដំណើរទៅអង្គុយកៅអីសេតវិមានជាថ្មី
អតីតប្រធានាធិបតីសហរដ្ឋអាមេរិក លោក ដូណាល់ ត្រាំ ដែលគ្រាមួយហាក់មានតម្រុយខ្លះក្នុងការឈ្នះឆ្នោតក្នុងខែវិច្ឆិកាខាងមុខនេះ ដរាបណាគូប្រជែងដែលធ្លាក់ប្រជាប្រិយរបស់លោក គឺលោក ចូ បៃដិន នៅបន្ត។
ប៉ុន្តែផ្លូវទៅកាន់កៅអីសេតវិមានជាថ្មីនៅដើមខែមករាឆ្នាំ២០២៥ ទំនងជាមិនងាយស្រួលឡើយ ក្រោយប្រធានាធិបតីកំពុងកាន់អំណាច លោក ចូ បៃដិន ប្រកាសបោះបង់ការប្រឡូកសម្រាប់អាណត្តិទី២របស់លោកកាលពីថ្ងៃទី២១ខែកក្កដានេះ ដើម្បីបើកផ្លូវឱ្យសមាជគណបក្សប្រជាធិបតេយ្យដែលគ្រោងរៀបចំនៅសប្តាហ៍ទី៣ខែក្រោយ ជ្រើសរើសបេក្ខភាពថ្មីជំនួសរូបលោក។
លោក ដូណាល់ ត្រាំ ដែលឡើងកូដខ្លាំងក្រោយការជជែកដេញដោលជាសាធារណៈលើកដំបូងសម្រាប់បេក្ខភាពប្រធានាធិបតីកាលពីខែមិថុនាតទល់ជាមួយប្រធានាធិបតីកំពុងកាន់អំណាច លោក ចូ បៃដិន ហាក់មានមោទនភាពខ្លាំងក្រោយទទួលបានប្រជាប្រិយភាព និងនិយាយរិះគន់លោក ចូ បៃដិន មិនសំចៃមាត់ក្នុងសមាជរបស់គណបក្សសាធារណរដ្ឋដែលទើបបញ្ចប់ទៅកាលពីសប្តាហ៍មុននេះ។
ក្រោយទទួលការតែងតាំងជាបេក្ខជនតំណាងគណបក្សសាធារណរដ្ឋសម្រាប់ការបោះឆ្នោតនៅខែវិច្ឆិកា លោក ដូណាល់ ត្រាំ បានថ្លែងសារនយោបាយជាង១ម៉ោងទៅកាន់អង្គសមាជដែលមានសមាជិកបក្សជាង២០០០នាក់ចូលរួម។
ក្នុងសារនយោបាយរបស់លោកដែលរៀបរាប់តាំងពីជីវិតមានសំណាងដែលអាចរស់រានបានឡើងទៅកាន់វេទិកានិយាយ ក្រោយប៉ុន្មានថ្ងៃពីការបាញ់ប្រហារប៉ុងធ្វើឃាត។ លោក បានរំឭកឡើងវិញនូវវិបត្តិបទល្មើសកើតឡើងនៅសហរដ្ឋអាមេរិកកើនកើនឡើងខ្ពស់ បញ្ហាសេដ្ឋកិច្ចធ្លាក់ដុនដាប បញ្ហាជនអន្តោប្រវេសន៍ សង្គ្រាមសកលលោក ការដកទាហានចេញពីអាហ្វហ្គានីស្ថានដែលបណ្តាលឱ្យទាហានអាមេរិកបាត់បង់ជីវិត ការកើនឡើងសេដ្ឋកិច្ចរបស់អ៊ីរ៉ង់ ការកើនឡើងឥទ្ធិពលរបស់ប្រទេសចិន និងរឿងរ៉ាវផ្ទាល់ខ្លួនជាច្រើនទៀត។
លោក ដូណាល់ ត្រាំ មានចេតនាទម្លាក់កំហុសឲ្យអ្នកស្តាប់ជឿថា ការដឹកនាំរបស់លោក ចូ បៃដិន គឺអាក្រក់ និងងាកទៅគាំទ្រលោកសម្រាប់ការបោះឆ្នោតប្រធានាធិបតីដែលកាន់តែខិតជិតមកដល់ក្នុងរង្វង់ប្រហែល៣ខែទៀតប៉ុណ្ណោះ។
ពេលរដ្ឋអាមេរិកហាក់មើលឃើញថា លោក ដូណាល់ ត្រាំ ជាជម្រើសប្រសើរជាងលោក ចូ បៃដិន នៅក្នុងដំណាក់កាលនេះ ដោយសារលោក ចូ បៃដិន មានវ័យកាន់តែច្រើនគឺ៨១ឆ្នាំ និងមានការភ័ន្តច្រឡំក្នុងការនិយាយជាញឹកញាប់។ កត្តានេះបានធ្វើឱ្យលោក ដូ ណាល់ត្រាំទទួលបានប្រជាប្រិយភាពកាន់តែខ្លាំងនិងយល់ថាការប្រជែងកៅអីប្រធានាធិបតីនាខែវិច្ឆិកាខាងមុខនឹងងាយស្រួលសម្រាប់គណបក្សសាធារណរដ្ឋរបស់លោក។
ប៉ុន្តែអ្វីៗត្រូវបានផ្លាស់ប្តូរទាំងស្រុងនៅថ្ងៃអាទិត្យទី២១ខែកក្កដា ពេលដែល លោក ចូ បៃដិន បានប្រកាសដ៏គួរឱ្យភា្ញក់ផ្អើលនិងនឹកស្មានមិនដល់មួយ អំពីការដកបេក្ខភាពរបស់លោកពីការប្រកួតប្រជែងជាមួយគូប្រជែងចាស់ គឺ លោក ដូណាល់ ត្រាំ។
ថ្វីបើ លោក ចូ បៃដិន បានប្រកាសគាំទ្រអនុប្រធានាធិបតី កាម៉ាឡា ហារីស សម្រាប់បេក្ខភាពប្រធានាធិបតី ក៏គណបក្សសាធារណរដ្ឋមានពេលវេលាច្រើនទៀតក្នុងការជ្រើសរើសបេក្ខជនថ្មីដែលនឹងត្រូវបង្ហាញជាផ្លូវការនៅក្នុងសមាជថ្នាក់ជាតិគណបក្សនៅថ្ងៃទី១៩ដល់ថ្ងៃ២២ខែសីហា ដោយមានសមាជិក៤៧០០នាក់ចូលរួម។
គិតត្រឹមពេលនេះ លោកស្រី កាម៉ាឡា ហារីស នៅតែជាបេក្ខនារីប្រធានាធិបតីដីមានសក្តានុពលដែលលោកត្រាំ អាចពិបាកយកឈ្នះ ដោយសារតែប្រវត្តិខ្លាំងរបស់ស្រ្តីម្នាក់នេះក្នុងការតស៊ូមតិ និងប្រជាប្រិយភាពរបស់លោកស្រីក្នុងការជជែកដេញដោល រួមទាំងការជជែកដេញដោលជាមួយលោក ចូ បៃដិន ក្នុងពេលកន្លងមក។
ក្រោយការប្រកាសរបស់លោក ចូ បៃដិន កំសួលនៃការគាំទ្រ លោកស្រី កាម៉ាឡា ហារីស បានហក់ឡើងជាខ្លាំង សូម្បីតារាចម្រៀងល្បីៗ កីឡាករ និងអង្គការសង្គមស៊ីវិលក៏បានចេញមុខជាបន្តបន្ទាប់។
ប៉ុន្តែតាមការចុះផ្សាយរបស់ ញូវយ៉កប៉ុស្តិ៍ ឥស្សរជនរបស់គណបក្សប្រជាធិបតេយ្យ មានលោក បារ៉ាក់ អូបាម៉ា ជាដើមមិនទាន់អនុម័តទទួលយកលោកស្រី កាម៉ាឡា ហារីស ជាបេក្ខនារីនោះទេ ដោយអះអាងពីការជ្រើសរើសបេក្ខជនដ៏មានសក្តានុពលបំផុត។
យ៉ាងណាក៏ដោយ គេនៅតែរង់ចាំអ៊ុតមើលបេក្ខជនផ្លូវការរហូតដល់ការតែងតាំងនិងការទទួលយកការតែងតាំងពីសមាជរបស់គណបក្សប្រជាធិបតេយ្យនៅខែសីហាក្រោយនេះ៕
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?