ព័ត៌មានអន្ដរជាតិ
មនុស្ស៦នាក់ស្លាប់និង៦នាក់របួសក្នុងហេតុការណ៍បាញ់ប្រហារនៅមណ្ឌលថែទាំមនុស្សចាស់នៅក្រូអាស៊ី
ខ្មាន់កាំភ្លើងម្នាក់បានបាញ់សម្លាប់មនុស្ស៦នាក់ រួមទាំងម្តាយខ្លួនឯងផង និងបណ្តាលឲ្យមនុស្ស៦ទៀតរបួសធ្ងន់និងស្រាលនៅក្នុងមណ្ឌលថែទាំមនុស្សចាស់ ដែលបង្កឲ្យមានការភ្ញាក់ផ្អើលពេញតំបន់ប្រជុំជនដារុវ៉ា (Daruvar) ស្ថិតនៅភាគឦសាន្តនៃប្រទេសក្រូអាស៊ីនៅតំបន់បាល់កង់នៃទ្វីបអឹរ៉ុប។ យោងតាមការចេញផ្សាយរបស់សារព័ត៌មានជាច្រើននៅបច្ចិមប្រទេស។
សារព័ត៌មាន AP បានដកស្រង់សម្តីមន្រ្តីប៉ូលិសដែលនិយាយថា មនុស្សប្រាំនាក់បានបាត់បង់ជីវិតភ្លាមៗនៅនឹងកន្លែងកើតហេតុ ខណៈមនុស្សម្នាក់ទៀតបានស្លាប់នៅក្នុងមន្ទីរពេទ្យ។ ជនរងគ្រោះភាគច្រើនមានអាយុចន្លោះពី ៨០ដល់៩០ ឆ្នាំ។ លើសពីនេះក៏មានមនុស្ស៦នាក់ផ្សេងទៀតរងរបួសដោយ៤នាក់ក្នុងចំណោមនោះមានរបួសធ្ងន់ធ្ងរ។
បន្ទាប់ពីការបាញ់ប្រហារភ្លាមៗ ជនសង្ស័យបានរត់គេចខ្លួន ប៉ុន្តែប៉ូលិសបានចាប់ខ្លួនជនបង្កនៅក្នុងហាងកាហ្វេមួយក្នុងក្រុងភាគឦសាន្ត Daruvar។ បើយោងតាមទូរទស្សន៍N1 ក្នុងតំបន់ក្នុងតំបន់នោះ បានរាយការណ៍ថា ជនសង្ស័យកើតនៅឆ្នាំ១៩៧៣ និងជាអតីតប៉ូលិសដែលបានចូលបម្រើការក្នុងសង្គ្រាមឆ្នាំ ១៩៩១-៩៥ នៅប្រទេសក្រូអាស៊ី ហើយត្រូវបានតែងតាំងជាអតីតយុទ្ធជនសង្គ្រាម។
ប៉ូលិសបន្ថែមថា ម្តាយរបស់ជនសង្ស័យបានមករស់នៅមណ្ឌលថែទាំមនុស្សចាស់នេះអស់រយៈពេល១០ឆ្នាំមកហើយ។ចំណែកអ្នកស្រុកដែលធ្លាប់ស្គាល់ជនសង្ស័យពីសម័យសង្រ្គាមបានឲ្យដឹងថា ជនសង្ស័យជាមនុស្សឆេវឆាវ ផឹកគ្រឿងស្រវឹង និងកន្លងធ្លាប់បានបង្កឧបទ្ទវហេតុជាច្រើនមកហើយ។
មកទល់ពេលនេះប៉ូលិសកំពុងស៊ើបអង្កេតពីមូលហេតុពិតប្រាកដនៃការបាញ់ប្រហានេះ។ យ៉ាងណាមិញ មន្ត្រីប៉ូលិសថា ជនសង្ស័យបានប្រើកាំភ្លើងដែលមិនបានចុះបញ្ជីត្រឹមត្រូវនោះទេ។
តាមសេចក្តីរាយការណ៍ សព្វាវុធជាច្រើនត្រូវបានរក្សាទុកជាលក្ខណៈឯកជននៅក្នុងផ្ទះក្នុងប្រទេសនេះ បន្ទាប់ពីការសង្គ្រាមបង្ហូរឈាមជាមួយប្រទេសយូហ្គោស្លាវីក្នុងទសវត្សរ៍ឆ្នាំ១៩៩០ ហើយការកាន់កាប់កាំភ្លើងឯកជនគឺស្របច្បាប់ក្នុងប្រទេសនេះ។
ជាមួយគ្នានេះ ប្រធានាធិបតីក្រូអាស៊ី លោក Zoran Milanovic បាននិយាយថា លោកមានការតក់ស្លុតចំពោះ «ឧក្រិដ្ឋកម្មដ៏ព្រៃផ្សៃនិងមិនធ្លាប់មានពីមុនមក»នេះជាខ្លាំង។ លោកក៏បានអំពាវនាវដល់ស្ថាប័នមានសមត្ថកិច្ចទាំងអស់ បង្កើនការយកចិត្តទុកដាក់បន្ថែមទៀត ដើម្បីទប់ស្កាត់អំពើហឹង្សាក្នុងសង្គម រួមទាំងការគ្រប់គ្រងឱ្យកាន់តែម៉ត់ចត់លើសិទ្ធិកាន់កាប់កាំភ្លើង៕
អត្ថបទ៖ ប៊ុន សុភាព
ជាងក្រឡឹងម្នាក់នៅស្រុកអូយ៉ាដាវ ខេត្តរតនគីរី ឈ្នះរង្វាន់ ១២៥លានរៀល ពីភេសជ្ជៈប៉ូវកម្លាំង ខារ៉ាបាវ
ផ្លូវថ្មើរជើង (Walk street) តាមបណ្តោយមាត់ទន្លេចាប់មុខប្រៃសណីយ៍ ដល់មុខព្រះបរមរាជវាំង នឹងដាក់ឱ្យដំណើរការនៅចុងខែមករា២០២៥ខាងមុខនេះ
ប្រធានគណបក្សខ្មែរតែមួយ អំពាវនាវដល់យុវជនជំនាន់ក្រោយចងចាំ«ទិវាសន្ដិភាពនៅកម្ពុជា»
ត្បិតទំហំពាណិជ្ជកម្ពុជា-ឥណ្ឌា កើនឡើង តែសម្ដេចតេជោ ថាមិនទាន់សមនឹងសក្តានុពលប្រទេសទាំងពីរ និងបានស្នើឱ្យពង្រីកការផ្លាស់ប្តូរសេដ្ឋកិច្ច និងការវិនិយោគ
ប្រធានគណបក្សខ្មែរតែមួយ ហៅទណ្ឌិត សម រង្ស៊ី ជាអ្នកនយោបាយប្រើគំនុំសងសឹក ធ្វើជាដើមទុនបោកប្រាស់ពលរដ្ឋ
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
អ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
បុរសម្នាក់ បើករថយន្តធុនធំ ងោកមួយភាំង រេចង្កូតបុកស្លាកប៉ាណូអស់ ០២ ដើម និងរបងដីឡូត៍ពលរដ្ឋរងការខូចខាត
ដំណឹងល្អ! វ៉ាក់សាំងមហារីករុស្ស៊ី ព្យាបាលអ្នកជំងឺជាសះស្បើយ៧នាក់ហើយ និងគ្រោងដាក់លក់លើទីផ្សារនៅឆ្នាំក្រោយ
បុរសកម្សត់ម្នាក់ អួលដើមកសម្រក់ទឹកភ្នែក លើកដៃទទួលទឹកចិត្តឧកញ៉ា ព្រាប សុវត្ថិ ដែលជូនថវិកាដល់គ្រួសារខ្លួន
-
ព័ត៌មានជាតិ៦ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៦ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម២១ ម៉ោង agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម២ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៥ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៥ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានអន្ដរជាតិ១ សប្តាហ៍ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ១ សប្តាហ៍ agoលោក Zelensky៖ រុស្ស៊ីដុតមុខសាកសពទាហានកូរ៉េខាងជើង ដើម្បីលាក់អត្តសញ្ញាណ (វីដេអូ)