ព័ត៌មានអន្ដរជាតិ

ទេសចរជិត៦០០០នាក់ជាប់នៅលើកោះវៀតណាមព្រោះព្យុះវាយប្រហារខ្លាំង

បានផុស

៥ ខែ មុន

នៅ

ថ្ងៃអង្គារ ២៣ កក្កដា ២០២៤

ដោយ

Chheang

ភ្ញៀវទេសចរវៀតណាមនិងបរទេសប្រមាណជិត៦ពាន់នាក់បានជាប់នៅលើកោះចំនួន២រួមមាន កោះ Cat Ba និងកោះ Co To នៅប្រទេសវៀតណាម ក្រោយពីរងការវាយប្រហារដោយខ្យល់ព្យុះព្រះភិរុណដែលនាំទៅដល់ការផ្អាកសេវាកម្មទូកដឹកអ្នកដំណើរបណ្តោះអាសន្ននៅលើសមុទ្រ។ នេះបើយោងតាមការចុះផ្សាយរបស់សារព័ត៌មាន VN Express កាលពីរសៀលថ្ងៃចន្ទទី២២ខែកក្កដាឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមរសៀលថ្ងៃចន្ទ មានទេសចរចំនួន ៣ ៨៨៥នាក់ បានជាប់ខ្លួនលើកោះ Cat Ba ដោយក្នុងនោះមាន ទេសចរអន្តរជាតិចំនួន៤៣៥នាក់។ ចំណែកនៅលើកោះ Co To វិញ មានទេសចរជាប់នៅទីនោះចំនួន ៨៨៨នាក់រួមទាំងទេសចរបរទេស៩នាក់។ អាជ្ញាធរវៀតណាម បានអំពាវនាវឲ្យម្ចាស់ផ្ទះសំណាក់ និងសណ្ឋាគារនៅលើកោះបញ្ចុះតម្លៃបន្ទប់ស្នាក់នៅចំនួន៥០% ដើម្បីសម្រួលដល់ក្រុមអ្នកទេសចរដែលជាប់គាំងនៅលើកោះ។

សូមបញ្ជាក់ថា ព្យុះព្រះពិរុណកំពុងវាយប្រហារខេត្ត Quang Ninh ភាគខាងជើងប្រទេសវៀតណាម ដោយបណ្តាលឲ្យមានភ្លៀងធ្លាក់ខ្លាំង និងបំណាក់ដី ព្រមទាំងបង្កការបំផ្លិចបំផ្លាញជាច្រើន។ ព្យុះនេះវាយប្រហារនៅ Quang Ninh នាវេលាម៉ោង ៦:៣០នាទីព្រឹកថ្ងៃអង្គារ ហើយសូម្បីទីក្រុង ហាណូយ ព្រមទាំងខេត្តជិតខាងនោះ ដូចជា ខេត្ត Thai Binh និងខេត្ត Nam Dinh ក៏រងគ្រោះដោយភ្លៀងធ្លាក់យ៉ាងគំហុកផងដែរ។ ឥទ្ធពិលនៃពលនៃព្យុះនេះ បានបង្កជាទឹកជំនន់តាមដងផ្លូវ ព្រមទាំងបោកបំបាក់ដើមឈើទៀតផង ជាហេតុបណ្តាលឲ្យមានការកកស្ទះចរាចរណ៍នៅតាមផ្លូវមួយចំនួន៕

ដោយ៖ ឈាង

ចុចអាន៖ ព្យុះព្រះភិរុណ បង្កការបំផ្លិចបំផ្លាញនៅភាគខាងជើង ប្រទេសវៀតណាម