ព័ត៌មានអន្ដរជាតិ
អ្នកជំងឺអេដស៍ជាង៩លាននាក់ មិនទទួលការព្យាបាល ហើយមានអ្នកជំងឺម្នាក់ស្លាប់ជារៀងរាល់នាទី
របាយការណ៍របស់អង្គការសហប្រជាជាតិ ដែលចុះផ្សាយកាលពីថ្ងៃទី២២ ខែកក្កដា បានបង្ហាញថា មនុស្សជិត ៤០លាននាក់ កំពុងរស់នៅជាមួយមេរោគអេដស៍ កាលពីឆ្នាំ២០២៣កន្លងទៅ ដោយក្នុងនោះមានជាង ៩លាននាក់មិនបានទទួលការព្យាបាលណាមួយឡើយ ហើយជាលទ្ធផលគឺរៀងរាល់នាទី មានមនុស្សម្នាក់បានស្លាប់ដោយសារជំងឺដ៏កាចសាហាវនេះ។
របាយការណ៍ដដែល បានឲ្យដឹងថា ដំណើរការទប់ស្កាត់ការរាតត្បាតនៃជំងឺអេដស៍បានថយចុះ ហើយការផ្តល់មូលនិធិនៃដំណើរការនេះទៀតសោតក៏បានធ្លាក់ចុះផងដែរ ខណៈការឆ្លងថ្មីកំពុងកើនឡើងគួរឲ្យកត់សម្គាល់នៅក្នុងតំបន់ចំនួន៣ ដូចជា មជ្ឈិមបូព៌ានិងអាហ្វ្រិកខាងជើង, អឺរ៉ុបខាងកើតនិងអាស៊ីកណ្តាល ព្រមទាំងអាមេរិកឡាទីន។
នៅឆ្នាំ២០២៣ មនុស្សប្រហែល ៦៣ម៉ឺននាក់បានស្លាប់ ដោយសារជំងឺផ្សេងៗបង្កដោយមេរោគអេដស៍។ បើធៀបនឹងទិន្នន័យកាលពីឆ្នាំ២០០៤ ដែលមានអ្នកជំងឺអេដស៍ស្លាប់ចំនួន២,១លាននាក់ វាគឺជាការថយចុះគួរឲ្យកត់សម្គាល់មួយ។ ប៉ុន្តែ តួលេខចុងក្រោយនេះ មានចំនួនច្រើនជាងទ្វេដងនៃគោលដៅសម្រាប់ឆ្នាំ២០២៥ ដែលបានកំណត់តួលេខអ្នកស្លាប់តិចជាង ២៥ម៉ឺននាក់នៅក្នុងរបាយការណ៍របស់ UNAIDS ដែលជាទីភ្នាក់ងារអង្គការសហប្រជាជាតិដឹកនាំកិច្ចខិតខំប្រឹងប្រែងជាសកលដើម្បីបញ្ចប់ជំងឺរាតត្បាត។
របាយការណ៍ បានបង្ហាញទៀតថា វិសមភាពយេនឌ័រកំពុងបង្កើនហានិភ័យសម្រាប់ក្មេងស្រី និងស្ត្រី ដោយលើកឡើងពីអត្រាខ្ពស់នៃការឆ្លងមេរោគអេដស៍ក្នុងចំណោមមនុស្សវ័យជំទង់ និងស្ត្រីវ័យក្មេងនៅក្នុងតំបន់មួយចំនួននៃទ្វីបអាហ្រ្វិក។
ប្រភពថ្មីនៃការចម្លងមេរោគអេដស៍នៅទូទាំងពិភពលោក ស្ថិតក្នុងចំណោមសហគមន៍ដែលក្រីក្រ ហើយប្រឈមមុខនឹងការរើសអើង ដែលមានដូចជា អ្នករកស៊ីផ្លូវភេទ និងក្រុមបុរសរួមភេទជាមួយបុរស។ បន្ថែមពីនេះ ប្រភពចម្លងក៏កើតឡើងតាមរយៈការចាក់ថ្នាំម្ជុលមិនត្រឹមត្រូវផងដែរ ដោយតួលេខបង្ហាញថា ករណីឆ្លងនេះបានកើនពី ៤៥% នៅក្នុងឆ្នាំ២០១០ ឡើងដល់ ៥៥% នៅក្នុងឆ្នាំ២០២៣។
លោក César Núñez នាយកការិយាល័យ UNAIDS នៅទីក្រុងញូវយ៉ក ធ្លាប់ប្រកាសប្រាប់សន្និសីទសារព័ត៌មានមួយថា មានការរីកចម្រើនល្អក្នុងការព្យាបាលមេរោគអេដស៍ ដោយការចាក់ថ្នាំម្ដងអាចមានប្រសិទ្ធភាពដល់ទៅ៦ខែ ប៉ុន្តែថ្នាំប្រភេទនេះ មានតម្លៃ ២ម៉ឺនដុល្លារក្នុងការចាក់ម្ដង ហើយក្នុង១ឆ្នាំ ត្រូវចំណាយអស់ ៤ម៉ឺនដុល្លារ។ លោក ថា ថ្នាំប្រភេទនេះ បច្ចុប្បន្នប្រើប្រាស់សម្រាប់តែអ្នកជំងឺអេដស៍ដែលមានទ្រព្យសម្បត្តិស្ដុកស្ដម្ភប៉ុណ្ណោះ ខណៈតម្លៃវាហួសពីលទ្ធភាពមនុស្សភាគច្រើន។
លោក បាននិយាយថា UNAIDS បាននិងកំពុងស្នើសុំក្រុមហ៊ុនផលិតជួយធ្វើយ៉ាងណាឲ្យថ្នាំប្រភេទនេះមានតម្លៃថោកជាងមុនសម្រាប់ប្រទេសដែលមានប្រាក់ចំណូលទាប និងមធ្យម។
បច្ចុប្បន្ននេះ ការព្យាបាលជាប្រចាំថ្ងៃដោយថ្នាំគ្រាប់ មានតម្លៃប្រហែល ៧៥ដុល្លារសម្រាប់អ្នកជំងឺម្នាក់ក្នុងមួយឆ្នាំ ដែលតម្លៃប៉ុណ្ណេះបានជួយបង្កើនតួលេខអ្នកជំងឺក្នុងបណ្ដាប្រទេសជាច្រើនឲ្យទៅទទួលយកការព្យាបាល៕
ដោយ៖ ឈាង
សម្ដេចធិបតី៖ កម្ពុជា-ចិននៅតែបន្តជំរុញការផ្សព្វផ្សាយវប្បធម៌ ប្រពៃណី និងវប្បធម៌ជាមួយគ្នាទៀត
ឯកឧត្តម ហ៊ុន ម៉ានិត៖ កត្តាសន្តិភាពជាមូលដ្ឋានគ្រឹះនៃការអភិវឌ្ឍលើគ្រប់វិស័យ
ស.ស.យ.ក ប្រកាសប្រកួតរកស្ដេចអុកឆ្នាំ២០២៥ចាប់ពីក្មេងអាយុ៨ឆ្នាំឡើង
កម្ពុជា-ចិន ប្តេជ្ញាបង្កើនកិច្ចសហប្រតិបត្តិការភាពជាដៃគូយុទ្ធសាស្រ្តគ្រប់ជ្រុងជ្រោយ
អាមេរិក ពន្លឿនការផ្ដល់ជំនួយយោធា ៤ពាន់លានដុល្លារឲ្យអ៊ីស្រាអែល
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ