ព័ត៌មានអន្ដរជាតិ
២១ កក្កដា គឺជាថ្ងៃក្តៅបំផុត ចារក្នុងប្រវត្តិសាស្រ្តផែនដី
ពីមួយឆ្នាំទៅមួយឆ្នាំ កម្តៅផែនដីចេះតែកើនឡើង ដោយមិនមើលឃើញសញ្ញាថមថុះបន្តិចសោះ ជាក់ស្តែងបើយោងតាមទិន្នន័យបឋមពីភ្នាក់ងារតាមដានបម្រែបម្រួលអាកាសធាតុ Copernicus របស់សហភាពអឺរ៉ុប បានបង្ហាញថា ថ្ងៃទី២១ខែកក្កដា គឺជាថ្ងៃក្តៅបំផុត ចារក្នុងប្រវត្តិសាស្រ្តផែនដី។

ក្នុងសេចក្តីថ្លែងការណ៍មួយ ដែលផ្សាយដោយ Al Jazeera កាលពីថ្ងៃអង្គារ ទី២៣ ខែកក្កដា Copernicus និយាយថា សីតុណ្ហភាពខ្យល់ជាមធ្យមលើផ្ទៃដីសកលលោកកាលពីថ្ងៃអាទិត្យសប្តាហ៍មុន បានឡើងដល់១៧,០៩អង្សាសេ ដែលនេះជាកម្តៅក្តៅបំផុត មិនធ្លាប់ជួបប្រទះសោះ ចាប់តាំងពីកំណត់ត្រាចាប់ផ្តើមគិតនៅឆ្នាំ១៩៤០ ហើយវាបានបំបែកកំណត់ត្រាចាស់ កាលពីខែកក្កដាឆ្នាំមុន ដែលសីតុណ្ហភាពឡើងដល់ ១៧,០៨អង្សាសេ។
ស្របពេលជាមួយគ្នានោះដែរ លោក Carlo Buontempo នាយក Copernicus បានព្រមានថា មិនមែនត្រឹមប៉ុណ្ណឹងទេ ប៉ុន្មានឆ្នាំទៅមុខទៀត កម្តៅនឹងបន្តកើនឡើងបំបែកកំណត់ត្រាជាបន្តបន្ទាប់ ដូច្នេះ គ្រប់គ្នាគួរតែត្រៀមខ្លួននិងប្រុងប្រយ័ត្នឲ្យហើយ។

សូមបញ្ជាក់ថា ក្នុងរយៈពេលប៉ុន្មានសប្តាហ៍ចុងក្រោយនេះ អាកាសធាតុក្តៅបានដុតរោលទូទាំងសហរដ្ឋអាមេរិក អឺរ៉ុប និងរុស្ស៊ី ចំណែកតំបន់ហ្គាហ្សា ក៏រងការវាយប្រហារដោយរលកកម្ដៅដែរ ដែលធ្វើឲ្យជីវភាពរស់នៅរបស់ប្រជាជនប៉ាឡេស្ទីន កាន់តែលំបាក ខណៈពួកគេកំពុងរងទុក្ខរួចទៅហើយ ដោយសារតែការរត់ភៀសខ្លួន ក្នុងសង្គ្រាមអ៊ីស្រាអែល-ហាម៉ាស។
ជារៀងរាល់ខែ ចាប់តាំងពីខែមិថុនាឆ្នាំ២០២៣មក អាកាសធាតុក្តៅ បានឈានដល់កម្រិតបំបែកកំណត់ត្រាពិភពលោកជាបន្តបន្ទាប់ បើធៀបនឹងឆ្នាំមុនៗ ហើយក្រុមអ្នកវិទ្យាសាស្ត្រ បានចង្អុលចំៗថា គ្មានអ្វីត្រូវសង្ស័យឡើយ រឿងគួរឲ្យព្រួយបារម្ភនេះ គឺបង្កឡើងដោយមនុស្សខ្លួនឯងនេះហើយ៕
អត្ថបទ៖ សុខ សុវណ្ណ
ចុចអាន៖ វៀតណាម ព្រមានឲ្យពលរដ្ឋត្រៀមខ្លួន ព្រោះថា រលកកម្តៅនឹងវាយប្រហារក្នុងសប្តាហ៍នេះ

-
ព័ត៌មានអន្ដរជាតិ២០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?