ព័ត៌មានអន្ដរជាតិ
ប្រធានចារកម្មអាមេរិកលាលែងពីតំណែង ព្រោះការពារលោក ត្រាំ មិនបានល្អ
ប្រធានភ្នាក់ងារចារកម្មរបស់សហរដ្ឋអាមេរិក នឹងចុះចេញពីតំណែង បន្ទាប់ពីកើតមានហេតុការណ៍ប៉ុនប៉ងធ្វើឃាតលោក ដូណាល់ ត្រាំ បូករួមទាំងការរិះគន់ និងការដាក់សម្ពាធចេះតែកើនឡើងនារយៈពេលប៉ុន្មានថ្ងៃកន្លងទៅ ចំពោះការបរាជ័យក្នុងការទប់ស្កាត់ការបាញ់ប្រហារទៅលើអតីតប្រធានាធិបតីអាមេរិក។
ទីភ្នាក់ងារសារព័ត៌មាន Associated Press បានរាយការណ៍ថា លោកស្រី Kimberly Cheatle បានផ្ញើអ៊ីម៉ែលបញ្ជាក់ពីគម្រោងចុះចេញពីតំណែងកាលពីថ្ងៃអង្គារ ខណៈលោកស្រីបានរងសម្ពាធពីសមាជិកសភាអាមេរិក នៅអំឡុងសវនាការកាលពីថ្ងៃចន្ទកន្លងទៅ ជុំវិញផែនការសន្ដិសុខរបស់ទីភ្នាក់ងារចារកម្ម ព្រមទាំងភាពបរាជ័យក្នុងសេវាកម្មសន្តិសុខ បណ្ដាលឲ្យលោក ត្រាំ ត្រូវបានគេបាញ់ចំត្រចៀកនៅឯពិធីជួបជុំកាលពីថ្ងៃទី១៣ ខែកក្កដា នៅរដ្ឋ Pennsylvania។
លោកស្រី Cheatle បានប្រាប់សមាជិកសភាក្នុងសវនាការគណៈកម្មាធិការត្រួតពិនិត្យ និងគណនេយ្យភាពរបស់សភាថា៖«ការប៉ុនប៉ងធ្វើឃាតលើអតីតប្រធានាធិបតី លោក ដូណាល់ ត្រាំ កាលពីថ្ងៃទី១៣ ខែកក្កដា គឺជាការបរាជ័យប្រតិបត្តិការដ៏ធំបំផុតរបស់ទីភ្នាក់ងារចារកម្ម នៅក្នុងរយៈពេលជាច្រើនទសវត្សរ៍កន្លងមកនេះ។ វាជាកំហុសយ៉ាងពិតប្រាកដមែន ហើយយើងនឹងប្រឹងប្រែងធ្វើឲ្យប្រាកដថា រឿងនេះមិនកើតឡើងម្ដងទៀតទេ»។
នៅក្នុងសារអេឡិចត្រូនិក(អ៊ីម៉ែល)ដែលផ្ញើទៅកាន់ក្រុមបុគ្គលិក លោកស្រី Cheatle បានរៀបរាប់ថា៖«ខ្ញុំទទួលខុសត្រូវទាំងស្រុងចំពោះការបរាជ័យផ្នែកសន្តិសុខ។ ពាក់ព័ន្ធនឹងព្រឹត្ដិការណ៍ថ្មីៗនេះ វាជារឿងគួរឲ្យសោកស្ដាយណាស់ ដែលខ្ញុំត្រូវធ្វើការសម្រេចចិត្តដ៏លំបាកក្នុងការចុះចេញពីតំណែងជាប្រធានរបស់អ្នករាល់គ្នា»។
ជុំវិញរឿងលាលែងនេះ ប្រធានាធិបតីសហរដ្ឋអាមេរិក លោក ចូ បៃដិន បានថ្លែងអំណរគុណដល់ប្រធានចារកម្ម សម្រាប់សេវាកម្មសាធារណៈជាច្រើនឆ្នាំរបស់លោកស្រី Cheatle ហើយបាននិយាយថា លោកគ្រោងនឹងតែងតាំងអ្នកជំនួសលោកស្រីក្នុងពេលឆាប់ៗនេះ។
ចំណែក រដ្ឋមន្ត្រីសន្តិសុខមាតុភូមិអាមេរិក លោក Alejandro Mayorkas ក៏បានប្រកាសដែរថា លោកបានតែងតាំងលោក Ronald L Rowe ដែលជាអនុប្រធានចារកម្មអាមេរិក ឲ្យធ្វើជាប្រធានស្ដីទី បន្ទាប់ពីលោកស្រី Cheatle បានលាលែងពីតំណែង។
សូមបញ្ជាក់សាជាថ្មី លោក ត្រាំ ត្រូវខ្មាន់កាំភ្លើងឈ្មោះ Thomas Matthew Crooks លបបាញ់ប្រហារចំនួន៩គ្រាប់ ខណៈពេលលោកចូលរួមក្នុងពិធីជួបជុំអ្នកគាំទ្រសម្រាប់យុទ្ធនាការឃោសនាបោះឆ្នោតនៅទីក្រុង Butler នៃរដ្ឋ Pennsylvania កាលពីថ្ងៃសៅរ៍ទី១៣ ខែកក្កដា ឆ្នាំ២០២៤។
ក្នុងហេតុការណ៍បាញ់ប្រហារនោះ មនុស្ស២នាក់ត្រូវបានសម្លាប់ ក្នុងនោះមានម្នាក់ជាខ្មាន់កាំភ្លើង និងម្នាក់ជាអ្នកចូលរួមពិធីជួបជុំ ខណៈ២នាក់ទៀត រងរបួសធ្ងន់។ ទោះបីយ៉ាងណា លោក ត្រាំ មិនគ្រោះថ្នាក់ដល់អាយុជីវិតទេ គ្រាន់តែរបួសត្រង់ត្រចៀកប៉ុណ្ណោះ៕
ដោយ៖ ឈាង
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
ទីផ្សារបុរី ខុនដូ ទំនងកើនឡើងវិញនៅឆ្នាំ ២០២៥ ខណៈតម្លៃប្រហាក់ប្រហែលឆ្នាំមុន
ស្អែកនេះ ក្រុមហ៊ុនធំៗ ៦ នឹងផ្ដល់ឱកាសការងារជាង ១ ពាន់កន្លែង ពីវេទិកាការងារ NEA
ផែនការប្រែក្លាយខេត្តបាត់ដំបងជាទីក្រុង Smart city កំពុងអនុវត្តដូចភ្លៀងរលឹម
រាជនីសម្រស់ Song Hye Kyo និង តួឯកប្រុស Lee Byung Hun ស្ទើតែក្លាយជាប្ដីប្រពន្ធ បើកុំតែ…
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
រថយន្ត៤៣គ្រឿងបុកបន្តគ្នាក្នុងក្រុង Goyang នៅកូរ៉េខាងត្បូង អ្នកបើកបរ៩នាក់របួស
រុស្ស៊ី ប្រកាសផ្តល់ទីជ្រកកោនដល់ជនរងគ្រោះដោយភ្លើងឆេះព្រៃនៅកាលីហ្វ័រញ៉ា តែមានលក្ខខណ្ឌ
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៧ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១៧ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ចរាចរណ៍២ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ