ព័ត៌មានអន្ដរជាតិ
អត្តពលិកអ៊ីស្រាអែល នឹងទទួលបានការការពារពិសេសជាងគេ ក្នុងព្រឹត្តិការណ៍អូឡាំពិកនៅបារាំង
រដ្ឋមន្ត្រីក្រសួងមហាផ្ទៃបារាំង ប្រកាសនឹងផ្ដល់សេវាកម្មការពារពិសេសចំពោះក្រុមអត្តពលិកអ៊ីស្រាអែល នៅអំឡុងពេលចូលរួមប្រកួតក្នុងព្រឹត្តិការណ៍កីឡាអូឡាំពិកក្រុងប៉ារីស ដែលត្រៀមនឹងប្រព្រឹត្តទៅចាប់ពីថ្ងៃទី២៦ ខែកក្កដា ដល់ថ្ងៃទី១១ ខែសីហា ឆ្នាំ២០២៤។
ការប្រកាសរបស់លោក Gerald Darmanin រដ្ឋមន្ត្រីក្រសួងមហាផ្ទៃបារាំង កាលពីថ្ងៃទី២១ ខែកក្កដា ធ្វើឡើងបន្ទាប់ពីសមាជិកសភាឆ្វេងនិយមម្នាក់បានលើកឡើងថា ក្រុមគណៈប្រតិភូរបស់អ៊ីស្រាអែលមិនត្រូវបានស្វាគមន៍នៅក្នុងប្រទេសបារាំង ហើយបានអំពាវនាវឲ្យមានបាតុកម្មប្រឆាំងនឹងវត្តមានរបស់ពួកគេថែមទៀតផង។ លោក Darmanin ថា ក្រុមអត្តពលិកអ៊ីស្រាអែល នឹងទទួលបានការការពាររយៈពេល២៤ម៉ោងពេញក្នុង១ថ្ងៃរហូតដល់ចប់ព្រឹត្តិការណ៍អូឡាំពិក ដើម្បីបង្ការកុំឲ្យកើតមានហេតុការណ៍អាក្រក់ដូចកាលពី៥២ឆ្នាំមុននៅក្នុងប្រទេសអាល្លឺម៉ង់ ដែលកាលណោះក្រុមភេរវករប៉ាឡេស្ទីនបានសម្លាប់អត្តពលិកអ៊ីស្រាអែលចំនួន១១នាក់។
ព្រឹត្តិការណ៍កីឡាអូឡាំពិកនៅបារាំងលើកនេះ ធ្វើឡើងចំពេលមានការព្រួយបារម្ភផ្នែកសន្តិសុខ និងភាពតានតឹងភូមិសាស្ត្រនយោបាយជុំវិញសង្គ្រាមនៅអ៊ុយក្រែន និងសង្គ្រាមនៅហ្គាហ្សា។ ក្រុមឆ្វេងនិយមនៅបារាំង បានប្រឆាំងនឹងការវាយប្រហាររបស់អ៊ីស្រាអែលលើក្រុមហាម៉ាស់ក្នុងតំបន់ហ្គាហ្សា។
លោក Thomas Portes សមាជិកសភាមកពីគណបក្សឆ្វេងនិយម France Unbowed Insoumise បានបង្ហោះសារនៅលើបណ្ដាញសង្គមថា៖«យើងនៅតែប៉ុន្មានថ្ងៃទៀតពីព្រឹត្តិការណ៍អន្តរជាតិ ដែលនឹងប្រារព្ធនៅក្នុងទីក្រុងប៉ារីស ដែលនោះគឺជាព្រឹត្តិការណ៍កីឡាអូឡាំពិក។ ហើយខ្ញុំនៅទីនេះសូមនិយាយថាទេ ប្រតិភូអ៊ីស្រាអែលមិនត្រូវបានស្វាគមន៍នៅក្នុងប៉ារីសទេ។ អត្តពលិកអ៊ីស្រាអែល មិនត្រូវបានស្វាគមន៍នៅព្រឹត្តិការណ៍អូឡាំពិកនៅប៉ារីសឡើយ»។ បន្ថែមពីនេះ លោក Portes ក៏បានអំពាវនាវឲ្យមានបាតុកម្មប្រឆាំងនឹងវត្តមានរបស់អ៊ីស្រាអែលផងដែរ។
ពាក់ព័ន្ធនឹងបញ្ហានេះ លោក Stephane Sejourne រដ្ឋមន្ត្រីការបរទេសបារាំង បាននិយាយនៅក្នុងកិច្ចប្រជុំជាមួយដៃគូនៅក្នុងសហភាពអឺរ៉ុបនៅក្នុងរដ្ឋធានីព្រុចសែល ប្រទេសបែលហ្ស៊ិក កាលពីថ្ងៃចន្ទទី២២ ខែកក្កដាថា៖«ខ្ញុំចង់និយាយតំណាងឲ្យប្រទេសបារាំងទៅកាន់ប្រតិភូអ៊ីស្រាអែល យើងស្វាគមន៍អ្នករាល់គ្នាទៅកាន់បារាំងសម្រាប់ព្រឹត្តិការណ៍កីឡាអូឡាំពិកនេះ»។ លោក Sejourne ក៏បានប្រាប់ដែរថា លោកបាននិយាយតាមរយៈទូរសព្ទជាមួយភាគីអ៊ីស្រាអែលរួចមកហើយទាក់ទិននឹងការធានាជូននូវសេវាសន្តិសុខចំពោះប្រតិភូរបស់ពួកគេ។
ចំណែកឯ គណៈកម្មាធិការអូឡាំពិករបស់ប៉ាឡេស្ទីន កាលពីថ្ងៃចន្ទក៏បានចូលរួមអំពាវនាវនៅក្នុងលិខិតផ្ញើទៅកាន់ប្រធានគណៈកម្មាធិការរៀបចំអូឡាំពិកអន្តរជាតិ លោក Thomas Bach ដោយស្នើឲ្យមានការដកវត្តមានក្រុមអត្តពលិកអ៊ីស្រាអែល។ ក្នុងលិខិតរបស់ប៉ាឡេស្ទីន បានចោទប្រកាន់អ៊ីស្រាអែលថាបានបំពានបទឈប់បាញ់សម្រាប់អូឡាំពិក ដែលគ្រោងធ្វើឡើងតាំងតែពីថ្ងៃទី១៩ ខែកក្កដា រហូតដល់ចប់ប៉ារ៉ាឡាំពិក នាពាក់កណ្ដាលខែកញ្ញាខាងមុខ ខណៈអ៊ីស្រាអែលនៅតែបន្តប្រតិបត្តិការយោធារបស់ខ្លួនដដែលនៅក្នុងតំបន់ហ្គាហ្សា៕
ដោយ៖ ឈាង
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?