ព័ត៌មានអន្ដរជាតិ
ពូទីនបញ្ជាក់ទំនាក់ទំនងវិស័យថាមពលជាមួយចិនកាន់តែរឹងមាំនិងមានផលិតភាព
ស្របពេលដែលរដ្ឋមន្ត្រីការបរទេសអ៊ុយក្រែន Dmytro Kuleba បំពេញទស្សនកិច្ចរយៈពេល៤ថ្ងៃនៅប្រទេសចិនដ៏កម្របំផុតដើម្បីស្វែងរកជំនួយពីភាគីចិនឈានទៅបញ្ចប់សង្គ្រាមជាមួយរុស្ស៊ី ប្រធានាធិបតីរុស្ស៊ី លោក វ្ល៉ាឌីបៀ ពូទីន បាននិយាយនៅឯវេទិកាធុរកិច្ចថាមពល ចិន-រុស្ស៊ី លើកទី៦កាលពីថ្ងៃអង្គារ ថា កិច្ចសហប្រតិបត្តិការរវាងមហាអំណាចរុស្ស៊ីនិងចិនកាន់តែរឹងមាំនិងប្រកបដោយផលិតភាពជាពិសេសបំផុតគឺវិស័យថាមពល។
រុស្ស៊ីដែលពឹងផ្អែកយ៉ាងខ្លាំងទៅលើចិនក្នុងការនាំចេញផលិតផលឥន្ធនៈក្រោយក្រុមបច្ចឹមប្រទេសដាក់ទណ្ឌកម្មយ៉ាងចាស់ដៃបន្ទាប់ពីការលើកទ័ពលុកលុយប្រទេសអ៊ុយក្រែន បានមើលឃើញកិច្ចសហប្រតិបត្តិការជាមួយចិនកាន់តែសំខាន់ និងមានភាពរីកចម្រើនខ្លាំងលើវិស័យជាច្រើនជាពិសេសវិស័យថាមពល។
សារព័ត៌មានស៊ីនហ៊ូរបស់ចិនបានដកស្រង់សម្តីលោកពូទីនដូចបានថ្លែងថា៖«កិច្ចសហប្រិតិបត្តិការទ្វេភាគីក្នុងវិស័យ ប្រេងនិងឧស្ម័ន ធ្យូងថ្មនិងអគ្គិសនី កំពុងពង្រីកជាប្រព័ន្ធ» ដោយ លោក ពូទីន បានបន្ថែមថា៖«ការផ្គត់ផ្គង់ធនធានថាមពលរបស់ប្រទេសរុស្ស៊ីទៅកាន់ប្រទេសចិនបានរីកចម្រើនដល់កម្រិតចំនួនកំណត់ត្រាប្រវត្តិសាស្រ្ត»។
លោក ពូទីន បាននិយាយថា ទំនាក់ទំនងរវាងរុស្ស៊ីនិងចិនបានកំពុងងើបឡើងយ៉ាងខ្លាំងស្របជាមួយភាពជាដៃគូនៃកិច្ចសហប្រតិបត្តិការយុទ្ធសាស្រ្តគ្រប់ជ្រុងជ្រោយ និង ជាផ្នែកមួយសំខាន់នៃទំនាក់ទំនងទាំងនេះ បានក្លាយជាកិច្ចសហប្រតិបត្តិការថាមពលប្រពៃណី។
ប្រធានាធិបតី បានកត់សម្គាល់ដែរថា អ្នកជំនាញពីប្រទេសទាំងពីរកំពុងធ្វើការងាររួមគ្នាដើម្បីអភិវឌ្ឍន៍បច្ចេកវិទ្យាសម្រាប់ការទាញយក ការកែច្នៃ និង ការដឹកជញ្ជូនវត្ថុធាតុដើម ដោយផ្តោតលើការធ្វើឱ្យប្រសើរឡើងនូវសុវត្ថិភាពបរិស្ថាន។
ទីភ្នាក់ងារព័ត៌មានរ៉យទ័ររាយការណ៍កាលពីខែមេសា២០២៤ ឱ្យដឹងថា ប្រទេសចិនបាននាំចូល ឥន្ធនៈរួមទាំងឧស្ម័នផងពីប្រទេសរុស្ស៊ីតាមរយៈបំពង់បង្ហូរ និងការដឹកជញ្ជូនតាមសមុទ្រកើនឡើង១២,៥ភាគរយដែលមានបរិមាណ២,៥៥លានបារ៉ែលក្នុងមួយថ្ងៃនៅក្នុងខែមីនាឆ្នាំនេះធៀបរយៈពេលដូចគ្នានៃឆ្នាំមុន។
ពាណិជ្ជកម្មទ្វេភាគីក្នុងឆ្នាំ២០២៣របស់ប្រទេសចិន បានបង្ហាញថា មានតម្លៃ២៤០ពាន់លានដុល្លារ។ ប្រទេសចិនជាអតិថិជនទិញប្រេងច្រើនបំផុតក្នុងពិភពលោក បានក្លាយជាដៃគូសេដ្ឋកិច្ចធំបំផុតសម្រាប់រុស្ស៊ីដែលជាអ្នកនាំចេញប្រេង ដែលបច្ចុប្បន្ននេះស្ថិតក្រោមទណ្ឌកម្មរបស់លោកខាងលិច។
ទីក្រុងមូស្គូបង្កើនការទិញទំនិញចិន រាប់ចាប់តាំងពីរថយន្តរហូតដល់ទូរស័ព្ទទំនើប ខណៈពេលដែលក្រុមហ៊ុនរបស់សហភាពអឺរ៉ុប និងសហរដ្ឋអាមេរិកល្បីៗចាកចេញពីទីផ្សាររុស្ស៊ី។
យោងរ៉យទ័រ ពាណិជ្ជកម្មចិននិងរុស្ស៊ីមានតម្លៃ២៤០,១ពាន់លានដុល្លារ មានកំណើន២៦,៣ភាគរយធៀបឆ្នាំ២០២២។ យោងទីន្នន័យអគ្គរដ្ឋបាលគយប្រទេសចិន៕
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?