Connect with us

ព័ត៌មានអន្ដរជាតិ

ក្រុមហេសបូឡា​​​របស់​​លីបង់​បញ្ចេញវីដេអូ​ដ្រូន​​​​​ថ្មី​ដែល​បង្ហាញ​នូវ​​​មូលដ្ឋានទ័ព​អាកាសអ៊ីស្រាអែល

បានផុស

នៅ

ក្រុមប្រដាប់អាវុធ«ហេសបូឡា​»របស់​ប្រទេស​លីបង់​ដែល​ជា​សត្រូវ​​​ធំ​របស់​អ៊ីស្រាអែល​ បានចាក់ផ្សាយវីដេអូដែល​ថត​បាន​ដោយ​យន្តហោះ​គ្មាន​មនុស្សបើក​(ដ្រូន) ដោយ​​បង្ហាញឲ្យ​ឃើញ​ទី​កន្លែងការពារដែនអាកាស យន្តហោះ និងកន្លែងផ្ទុកប្រេងឥន្ធនៈនៅឯមូលដ្ឋានអាកាស Ramat David របស់អ៊ីស្រាអែលចម្ងាយជិត៥០​គីឡូម៉ែត្រចូលទៅក្នុងទឹកដីអ៊ីស្រាអែល។ នេះបើយោងតាមការចេញផ្សាយរបស់សារព័ត៌មាន​ Al Jazeera នៅថ្ងៃទី២៥ខែកក្កដានេះ។

(រូបភាព៖ Hezbollah)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​បង្ហាញ​រូប​ភាព​នេះ​​ក៏​ចង់​​​បញ្ជាក់​​​ថាតើ«អ៊ីស្រាអែលឈានដល់កម្រិតណា»។

ខ្សែអាត់វីដេអូនោះរួមមានស្លាកសញ្ញាដែលចង្អុលបង្ហាញអំពីហេដ្ឋារចនាសម្ព័ន្ធយោធា រួមទាំងប្រព័ន្ធការពារដែនអាកាស Iron Dome រយៈចម្ងាយខ្លី ដែលត្រូវបានរចនាឡើងដើម្បីកម្ទេចគ្រាប់រ៉ុកែត។ វីដេអូនេះក៏រួមបញ្ចូលនូវរូបភាពពេលយប់ ដែលក្រុមហេសបូឡា​អះអាង​ថា​ ត្រូវបានថតមុនរូបភាពផ្សេងទៀតកាលពីដើមខែកក្កដា។ នៅលើវីដេអូក្រុមនេះបានដាក់ចំណងជើងថា វាគ្រាន់តែជា «ផ្នែកមួយចំនួន» ដែលដ្រូនថតយកបានប៉ុណ្ណោះ។

​នេះ​​ជា​វីដេអូទីបី​​​ដែលចេញដោយក្រុមហេសបូឡាក្នុងគោលបំណងបង្ហាញថាតើអ៊ីស្រាអែលឈានដល់កម្រិតណា រួមទាំងចង់បង្ហាញពីសមត្ថភាពយោធា និងចារកម្មរបស់ខ្លួន ខណៈវីដេអូទីមួយបង្ហាញពីទីក្រុងកំពង់ផែ Haifa របស់អ៊ីស្រាអែល និងទីពីរគឺបង្ហាញពីតំបន់ Golan Heights ដែលអ៊ីស្រាអែលកាន់កាប់។

យ៉ាងណាមិញអ្នកនាំពាក្យយោធាអ៊ីស្រាអែលបាននិយាយនៅក្នុងសេចក្តីថ្លែងការណ៍មួយនៅលើបណ្តាញ​សង្គម​​ X ថាវីដេអូនេះត្រូវបានថតដោយយន្តហោះដ្រូនឈ្លបយក​ការណ៍​ ហើយប្រតិបត្តិការរបស់មូលដ្ឋានខ្លួនមិនត្រូវបានរងការប៉ះពាល់អ្វីនោះទេ។ យោងតាមប្រព័ន្ធផ្សព្វផ្សាយអ៊ីស្រាអែលក្នុងរយៈពេលប៉ុន្មានថ្ងៃកន្លងមកនេះ ក្រុមហេសបូឡាបាននិងកំពុងពង្រីកគោលដៅរបស់ខ្លួននៅភាគខាងជើងអ៊ីស្រាអែលបន្ថែមទៀត។

(រូបភាព៖ Hezbollah)

វីដេអូ​នេះ​ត្រូវ​បាន​បញ្ចេញ​ចំពេល​ដែលមាន​ភាព​តានតឹង​បាន​កើន​ឡើង​ចំពោះ​សង្គ្រាម​របស់​អ៊ីស្រាអែល​នៅ​តំបន់​ហ្គាហ្សា និង​ជុំវិញ​ការ​បាញ់​គ្នា​ជា​ញឹក​ញាប់​ឆ្លង​កាត់​ព្រំដែន​លីបង់​ជាមួយ​អ៊ីស្រាអែល។ ក្រុមហេសបូឡាក៏បានចាប់ផ្តើមបាញ់គ្រាប់រ៉ុកែតទៅកាន់ប្រទេសអ៊ីស្រាអែល កាលពីថ្ងៃទី៨ខែតុលា​ឆ្នាំ​មុន ហើយថាខ្លួននឹងបន្តរហូតដល់មានបទឈប់បាញ់នៅហ្គាហ្សា។

ជុំវិញភាពតានតឹងផ្នែកយោធារវាងអ៊ីស្រាអែល និងក្រុមហេសបូឡារហូត​ដល់​ពេល​នេះ នៅក្នុងប្រទេសលីបង់ មាន​យុទ្ធជនហេសបូឡាជិត ៣៥០នាក់និងជនស៊ីវិលជាង១០០នាក់ រួមទាំងគ្រូពេទ្យ កុមារ និងអ្នកកាសែត ខណៈដែលនៅអ៊ីស្រាអែល មានជនស៊ីវិលអ៊ីស្រាអែល១០នាក់ កម្មករកសិកម្មបរទេសម្នាក់ និងទាហានអ៊ីស្រាអែល ២០ នាក់ត្រូវបានសម្លាប់៕

(រូបភាព៖ Hezbollah)

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ នាទីutes មុន

អ៊ីស្រាអែល​​សម្លាប់​មនុស្ស​ជិត ៩០០​នាក់ ចាប់​តាំង​ពី​​​លែង​អនុវត្ត​​បទ​ឈប់​បាញ់​នៅ​តំបន់ហ្គាហ្សា

ព័ត៌មានជាតិ១៦ នាទីutes មុន

វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា

កីឡា១៧ នាទីutes មុន

មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣

ជីវិតកម្សាន្ដ២៣ នាទីutes មុន

តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos

ព័ត៌មានជាតិ២៥ នាទីutes មុន

មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម

ព័ត៌មានអន្ដរជាតិ២០ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៩ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ២០ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ២០ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ៣ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

Sokha Hotels

ព័ត៌មានពេញនិយម