ព័ត៌មានអន្ដរជាតិ
ប្រជាជនជប៉ុនបន្តធ្លាក់ចុះ១៥ឆ្នាំជាប់ៗគ្នា បង្កជាបញ្ហាប្រឈមធំៗចំនួន២
ឆ្នាំ២០២៣ គឺជាកំណត់ត្រាថ្មីសម្រាប់ជប៉ុន ដែលមានការធ្លាក់ចុះចំនួនប្រជាជនច្រើនបំផុតមិនធ្លាប់មានពីមុនមក បើគិតចាប់តាំងពីទស្សវត្សរ៍ឆ្នាំ១៩៦០។ តួលេខធ្លាក់ចុះនេះ បានក្លាយជាការដាក់សម្ពាធបន្ថែមទៅលើប្រព័ន្ធសន្តិសុខសង្គមរបស់ជប៉ុន ក៏ដូចជាការធ្លាក់ចុះនៃទីផ្សារការងារ។
ប្រជាជនជប៉ុន បានធ្លាក់ចុះចំនួន ៨៦១ ០០០នាក់នៅក្នុងឆ្នាំ២០២៣ ដែលធ្វើឲ្យចំនួនប្រជាជនសរុបនៅក្នុងប្រទេសអាស៊ីមួយនេះនៅសល់ត្រឹមតែ ១២១,៦លាននាក់ប៉ុណ្ណោះ។ បើយោងតាមក្រសួងកិច្ចការផ្ទៃក្នុងជប៉ុន វាជាការធ្លាក់ចុះរយៈពេល១៥ឆ្នាំជាប់ៗគ្នា។
ដោយឡែក ចំនួនប្រជាជនបរទេសដែលទៅនៅជប៉ុន បានកើនឡើងជាលើកដំបូងដល់ចំនួន ១១% ដែលចំនួនសរុបបច្ចុប្បន្នមានប្រមាណ ៣លាននាក់។ យ៉ាងណាមិញ តួលេខនេះមិនអាចជួយបង្គ្រប់នៃលំហូរធ្លាក់ចុះនៃជនជាតិជប៉ុនបាននោះឡើយ ខណៈដែលចំនួនសរុបជនជាតិជប៉ុនបានបន្តធ្លាក់ចុះដល់ ០,៤%ឯណោះ។
ការថយចុះចំនួនប្រជាជន បានបង្កបញ្ហាប្រឈមជាច្រើនសម្រាប់ជប៉ុន រួមទាំងកង្វះខាតកម្លាំងពលកម្មផងដែរ ខណៈអត្រាអ្នកអត់ការងារធ្វើរបស់ជប៉ុនមានមិនដល់ ៣% ដែលជាកម្រិតទាបបំផុតក្នុងចំណោមប្រទេសអភិវឌ្ឍន៍។ អាជីវកម្មជាច្រើនកំពុងប្រឈមមុខនឹងឧបសគ្គធ្ងន់ធ្ងរនៃកង្វះខាតកម្លាំងពលកម្ម។ នៅក្នុងវិស័យសេវាកម្ម មនុស្សម្នាក់នៅជប៉ុនមានឱកាសការងារដល់ជិត៣កន្លែងឯណោះ ហើយកន្លែងដែលខ្វះខាតកម្លាំងច្រើនជាងគេគឺក្រុមហ៊ុនសំណង។
យោងតាមរបាយការណ៍របស់ក្រុមហ៊ុនស្រាវជ្រាវ Teikoku Databank ក្រុមហ៊ុនចំនួន២៦០នៅជប៉ុន បានក្ស័យធននៅឆ្នាំ២០២៣ ដោយសារពួកគេមិនអាចរកបានបុគ្គលិកគ្រប់គ្រាន់ ដើម្បីបន្តប្រតិបត្តិការ។
សម្រាប់ឆ្នាំ២០២៣ ប្រជាជនជប៉ុន ដែលដល់វ័យធ្វើការ មានចំនួនស្ទើរតែដូចគ្នា បើធៀបនឹងឆ្នាំ២០២២កន្លងទៅ ថ្វីដ្បិតមានកំណើនជនបរទេសមួយចំនួនចូលទៅធ្វើការនៅក្នុងប្រទេសជប៉ុនក៏ដោយ។
ក្តីបារម្ភមួយទៀតសម្រាប់ជប៉ុន គឺសម្ពាធលើប្រព័ន្ធសន្តិសុខសង្គមរបស់ប្រទេសជាតិ ដោយអ្នកបង់ពន្ធកាន់តែមានចំនួនតិចជាងមុន សម្រាប់គាំទ្រដល់ការកើនឡើងនៃចំនួនជនចាស់ជរា។ សេដ្ឋកិច្ចវិទូជប៉ុន លោក Takero Doi បានព្យាករកាលពីឆ្នាំ២០១៨កន្លងទៅថា ចំណូលពន្ធ និងចំណូលបានពីធានារ៉ាប់រងរបស់ជប៉ុន នឹងថយចុះប្រហែល ១០% នៅឆ្នាំ២០៤០ខាងមុខ ដែលនោះទំនងធ្វើឲ្យកាន់តែមានភាពស្មុគស្មាញសម្រាប់ការផ្តល់ហិរញ្ញប្បទានពង្រីកការចំណាយសន្តិសុខសង្គម៕
ដោយ៖ ឈាង
តម្លៃប្រេងសាំងលក់រាយធ្លាក់ចុះ ១០០ រៀល
ក្រោមបទចោទដូចគ្នា Duterte ត្រូវចាប់ខ្លួន ខណៈ Min Aung Hlaing បន្តកាន់អំណាច
រដ្ឋសិក្សារៀបចំបុណ្យភ្នំ ថែមពីលើបុណ្យសមុទ្រ បុណ្យទន្លេ ដើម្បីទាញប្រយោជន៍ពីភ្ញៀវទេសចរជូនពលរដ្ឋ
ករណីឃាតកម្មលើស្ត្រីម្នាក់នៅដីឡូត៍ក្នុងខណ្ឌឬស្សីកែវ ជនដៃដល់ជាអតីតប្ដីជនរងគ្រោះ ហើយបានទៅចងកសម្លាប់ខ្លួននៅស្រុកកំណើត
កម្ពុជាដាក់ទិសដៅ ដឹកអ្នកដំណើរតាមផ្លូវអាកាស ៧,៥ លាននាក់នៅឆ្នាំ ២០២៥
ឆ្លងចរន្តអគ្គិភ័យឆាបឆេះផ្ទះប្រជាពលរដ្ឋអស់៣ខ្នង នៅខណ្ឌដង្កោ
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
អតីតប្រធានាធិបតីហ្វីលីពីន លោក Duterte ត្រូវបានចាប់ខ្លួន ពីបទឧក្រិដ្ឋកម្មប្រឆាំងមនុស្សជាតិ
ការផ្សាយថាយុវតីម្នាក់ស្លាប់ព្រោះពត់ធ្មេញ៖ គណៈទន្តពេទ្យកម្ពុជា ចេញមកបញ្ជាក់ថាអ្នកជំងឺស្លាប់ព្រោះជំងឺពីកំណើត
កូរ៉េខាងជើងបាញ់មីស៊ីលចូលសមុទ្រលឿង ខណៈអាមេរិក-កូរ៉េខាងត្បូងកំពុងធ្វើសមយុទ្ធ
-
សន្តិសុខសង្គម១ សប្តាហ៍ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ១ សប្តាហ៍ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម៣ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ១ សប្តាហ៍ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៥ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៦ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៥ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍១ សប្តាហ៍ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង