ព័ត៌មានអន្ដរជាតិ
បណ្ដាញរថភ្លើងបារាំងរងការវាយប្រហារប៉ុន្មានម៉ោង មុនចាប់ផ្ដើមព្រឹត្តិការណ៍អូឡាំពិក
បណ្តាញរថភ្លើងល្បឿនលឿន TGV ដ៏មមាញឹកបំផុតរបស់បារាំង បានរងការវាយប្រហារនៅថ្ងៃសុក្រនេះ ដែលបង្កឲ្យមានភាពចលាចល នៅមុនពិធីបើកព្រឹត្តិការណ៍កីឡាអូឡាំពិកនៅទីក្រុងប៉ារីស បើទោះជាបារាំងបានដាក់ពង្រាយកងកម្លាំងទ័ព និងប៉ូលិសរាប់ម៉ឺននាក់ដើម្បីការពារប្រឆាំងនឹងការគំរាមកំហែងក៏ដោយ។
ប្រតិបត្តិករផ្លូវរថភ្លើងរដ្ឋ SNCF បាននិយាយថា ការវាយប្រហារត្រូវបានធ្វើឡើងលើប្រអប់ផ្ដល់សញ្ញារបស់រថភ្លើងនៅតាមបណ្តោយខ្សែផ្លូវ ដែលតភ្ជាប់ទីក្រុងប៉ារីសជាមួយទីក្រុងផ្សេងៗទៀតដូចជា ទីក្រុង Lille នៅភាគខាងជើង, ទីក្រុង Bordeaux នៅភាគខាងលិច និងទីក្រុង Strasbourg នៅភាគខាងកើត។ ទន្ទឹមនោះ ការវាយប្រហារមួយផ្សេងទៀតបានកើតឡើងនៅលើខ្សែរថភ្លើងរវាងទីក្រុងប៉ារីស និងទីក្រុង Marseille តែត្រូវបានរារាំងទាន់ពេលវេលា។ មនុស្សរាប់ម៉ឺននាក់ត្រូវបានជាប់គាំងខ្លួនមិនអាចធ្វើដំណើរទៅណាបាន។
ក្រុមហ៊ុន SNCF បានជំរុញឲ្យអ្នកដំណើរទាំងអស់ពន្យារពេលការធ្វើដំណើររបស់ពួកគេ ខណៈការជួសជុលកំពុងដំណើរការ។ ការរំខាននេះ អាចមានរយៈពេលយ៉ាងហោចណាស់ទៅដល់ចុងសប្តាហ៍ឯណោះ ហើយរថភ្លើងដែលកំពុងចេញដំណើរ ត្រូវបានហៅឲ្យត្រឡប់ចូលស្ថានីយដើមវិញ។
បច្ចុប្បន្ន មិនទាន់មានអះអាងថាជាទង្វើរបស់ក្រុមវាយប្រហារណាមួយនោះទេ ឬក៏មានការបង្ហាញថាវាជាប់ទាក់ទិននឹងរឿងនយោបាយដែរឬក៏អត់។
រដ្ឋមន្ត្រីដឹកជញ្ជូនលោក Patrice Vergriete បានប្រាប់អ្នកយកព័ត៌មាននៅឯស្ថានីយរថភ្លើង Gare du Nord ថា ការវាយប្រហារនេះគឺជាអំពើឧក្រិដ្ឋកម្ម។ ចំណែកឯលោក Valerie Pecresse ប្រធានតំបន់ប៉ារីស បាននិយាយថា ទង្វើបង្ករឿងនេះមិនមែនជារឿងចៃដន្យទេ តែវាមានគោលបំណងធ្វើឲ្យមានអស្ថិរភាពនៅក្នុងប្រទេសបារាំង។
សូមបញ្ជាក់ថា ព្រឹត្តិការណ៍អូឡាំពិកនៅប៉ារីស នឹងប្រារព្ធចាប់ពីថ្ងៃទី២៦ ខែកក្កដា រហូតដល់ថ្ងៃទី១១ ខែសីហាខាងមុខ។ ព្រឹត្តិការណ៍លើកនេះ ធ្វើឡើងចំពេលមានការព្រួយបារម្ភផ្នែកសន្តិសុខ និងភាពតានតឹងភូមិសាស្ត្រនយោបាយជុំវិញសង្គ្រាមនៅអ៊ុយក្រែន និងសង្គ្រាមនៅហ្គាហ្សា។ ក្រុមឆ្វេងនិយមនៅបារាំង បានប្រឆាំងនឹងការវាយប្រហាររបស់អ៊ីស្រាអែលលើក្រុមហាម៉ាសក្នុងតំបន់ហ្គាហ្សា។
ជាវិធានការការពារ រដ្ឋមន្ត្រីក្រសួងមហាផ្ទៃបារាំង ប្រកាសនឹងផ្ដល់សេវាកម្មការពារពិសេសចំពោះក្រុមអត្តពលិកអ៊ីស្រាអែលរយៈពេល២៤ម៉ោងពេញក្នុង១ថ្ងៃរហូតដល់ចប់ព្រឹត្តិការណ៍កីឡាអូឡាំពិក ដើម្បីបង្ការកុំឲ្យកើតមានហេតុការណ៍អាក្រក់ដូចកាលពី៥២ឆ្នាំមុននៅក្នុងប្រទេសអាល្លឺម៉ង់ ដែលកាលណោះក្រុមភេរវករប៉ាឡេស្ទីនបានសម្លាប់អត្តពលិកអ៊ីស្រាអែលចំនួន១១នាក់៕
ដោយ៖ ឈាង
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?