ព័ត៌មានអន្ដរជាតិ
រលកកម្ដៅនៅម៉ារ៉ុក ប្រល័យជីវិតមនុស្ស២១នាក់ក្នុងរយៈពេល២៤ម៉ោង
យោងតាមសេចក្ដីថ្លែងការណ៍របស់ក្រសួងសុខាភិបាលម៉ារ៉ុក មនុស្សយ៉ាងហោចណាស់ចំនួន២១នាក់នៅទីក្រុង Beni Mellal បានបាត់បង់ជីវិតនៅក្នុងរយៈពេលត្រឹម២៤ម៉ោងប៉ុណ្ណោះ បន្ទាប់ពីទទួលរងការវាយប្រហារដោយសាររលកកម្ដៅ។ នេះបើយោងតាមការចុះផ្សាយដោយសារព័ត៌មាន CGTN កាលពីថ្ងៃទី២៦ខែកក្កដាឆ្នាំ២០២៤។
នាយកដ្ឋានឧតុនិយមម៉ារ៉ុក បាននិយាយថា រលកកម្ដៅបានប៉ះពាល់ដល់ប្រទេសជាច្រើននៅអាហ្វ្រិកខាងជើងចាប់តាំងពីថ្ងៃចន្ទរហូតដល់ថ្ងៃពុធ ដោយសីតុណ្ហភាពបានហក់ឡើងដល់ ៤៨អង្សាសេនៅក្នុងតំបន់មួយចំនួន។ ចំណែកនៅទីក្រុង Beni Mellal ការស្លាប់ភាគច្រើនគឺពាក់ព័ន្ធនឹងក្រុមមនុស្សដែលមានជំងឺរ៉ាំរ៉ៃ និងមនុស្សចាស់ ដោយសារតែការចុះខ្សោយនៃស្ថានភាពសុខភាពរបស់ពួកគេ ខណៈកម្ដៅនៅទីនោះបានកើនដល់ ៤៣អង្សាសេឯណោះ។
យ៉ាងណា នាយកដ្ឋានឧតុនិយម បានបញ្ជាក់ថា រលកកម្ដៅអាចនឹងថមថយក្នុងរយៈពេលប៉ុន្មានថ្ងៃខាងមុខ។ តួយ៉ាងដូចជានៅទីក្រុង Marrakesh ត្រូវបានគេរំពឹងថានឹងធ្លាក់ចុះចំនួន១០អង្សាសេនៅក្នុងថ្ងៃអាទិត្យសប្ដាហ៍នេះ។
សូមបញ្ជាក់ថា ម៉ារ៉ុក បានជួបប្រទះនឹងគ្រោះរាំងស្ងួតចំនួន៦ឆ្នាំជាប់ៗគ្នា ដែលធ្វើឲ្យអាងស្តុកទឹកនៅក្នុងប្រទេសនេះបានស្រកចុះជាបន្តបន្ទាប់ ហើយបានបង្កការគំរាមកំហែងដល់វិស័យកសិកម្មសំខាន់ៗ។ មនុស្សប្រហែលជិត ១៦ម៉ឺននាក់ បានបាត់បង់ការងារនៅក្នុងវិស័យកសិកម្ម។
រលកកម្ដៅអាក្រក់បំផុតនៅម៉ារ៉ុក បានកើតឡើងកាលពីខែសីហាឆ្នាំ២០២៣នៅទីក្រុង Agadir ដែលកាលណោះសីតុណ្ហភាពបានកើនដល់ ៥០,៤អង្សាសេ៕
ដោយ៖ ឈាង
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?