ព័ត៌មានអន្ដរជាតិ

ទឹកជំនាន់វាយប្រហារកូរ៉េខាងជើង ប៉ះពាល់មនុស្សរាប់ពាន់នាក់

បានផុស

៦ ខែ មុន

នៅ

ថ្ងៃចន្ទ ២៩ កក្កដា ២០២៤

ដោយ

ប្រទេសកូរ៉េខាងជើងបានប្រើប្រាស់ឧទ្ធម្ភាគចក្រយោធា ដើម្បីជម្លៀសមនុស្សជាង ៥០០០ នាក់ពីគ្រោះទឹកជំនន់យ៉ាងធ្ងន់ធ្ងរនៅភាគពាយព្យនៃប្រទេសជិតព្រំដែនចិន បន្ទាប់ពីការវាយប្រហារដោយទឹកភ្លៀងខ្លាំងមិនធ្លាប់មានក្នុងរយៈពេលជិត៣ទសវត្សរ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មានកណ្តាលកូរ៉េខាងជើង (KCNA) បានចែករំលែករូបថត លោក គីម ជុងអ៊ុន ដែលបានកំពុងត្រួតពិនិត្យការជួយសង្គ្រោះរបស់យោធាកាលពីថ្ងៃអាទិត្យ ដើម្បីយកអ្នកស្រុកចេញពីទីក្រុង Sinuiju និងទីក្រុង Uiju តាមរយៈឧទ្ធម្ភាគចក្រយោធា។

ទីភ្នាក់ងារនេះបាននិយាយថា ភ្លៀងធ្លាក់ខ្លាំងកាលពីថ្ងៃសៅរ៍បានបណ្តាលឱ្យទន្លេនៅព្រំដែនកូរ៉េខាងជើងនិងប្រទេសចិនហក់ឡើងយ៉ាងឆាប់រហ័សលើសពីកម្រិតប្រកាសអាសន្ន ហើយបានបង្កើតជាវិបត្តិធ្ងន់ធ្ងរ។ ជាមួយគ្នានេះ លោក គីម បាន ស្តីបន្ទោសមន្ត្រីរបស់ខ្លួនចំពោះការខកខានរបស់ពួកគេក្នុងការរៀបចំទប់ទល់ និងឆ្លើយតបទៅនឹងភ្លៀងធ្លាក់ខ្លាំងនាពេលថ្មីៗនេះ ទោះបីជាមានបទបញ្ជាពីមុនដើម្បីបង្កើនវិធានការទប់ទល់នឹងគ្រោះមហន្តរាយធម្មជាតិក៏ដោយ។

KCNA មិនបានរាយការណ៍ពីករណីស្លាប់ណាមួយឬទំហំនៃការខូចខាតដែលបង្កដោយទឹកជំនន់នោះទេ។

រ៉េខាងជើងមានភ្លៀងធ្លាក់ខ្លាំងមិនធ្លាប់មានកាលពីដើមខែនេះក្នុងទីក្រុង Kaesong ដែលបានជួបប្រទះនូវភ្លៀងធ្លាក់កម្រិតទឹកឡើងដល់៤៦៣mm មិនធ្លាប់មានក្នុងរយៈពេលមួយថ្ងៃ ហើយនេះគឺជាកម្រិតទឹកភ្លៀងខ្ពស់បំផុតមិនធ្លាប់មានក្នុងប្រទេសកូរ៉េខាងជើងក្នុងរយៈពេល២៩ឆ្នាំ។

ទន្ទឹមនោះទឹកជំនន់នៅកូរ៉េខាងជើងតែងតែបង្កឱ្យមានការខូចខាតយ៉ាងធ្ងន់ធ្ងរដោយសារប្រព័ន្ធបង្ហូរទឹកមិនល្អ ការកាប់បំផ្លាញព្រៃឈើ និងហេដ្ឋារចនាសម្ព័ន្ធមានការខូចខាត។ លើសពីនេះកាលពី២០២០ ព្យុះទីហ្វុងនិងភ្លៀងធ្លាក់ខ្លាំងនៅកូរ៉េខាងជើង ស្ថិតក្នុងចំណោមការលំបាកដែល លោកគីម និយាយថា បានបង្កើតវិបត្តិជាច្រើន រួមជាមួយនឹងការរឹតត្បិតទាក់ទងនឹងជំងឺរាតត្បាតខ្លាំង និងការដាក់ទណ្ឌកម្មរបស់អង្គការសហប្រជាជាតិលើកម្មវិធីអាវុធនុយក្លេអ៊ែររបស់គាត់៕