ព័ត៌មានអន្ដរជាតិ

តំបន់មជ្ឈិមបូព៌ាប្រឈមការផ្ទុះសង្គ្រាមគ្រប់ច្រក

បានផុស

៩ ខែ មុន

នៅ

ថ្ងៃចន្ទ ២៩ កក្កដា ២០២៤

ដោយ

ភាពតានតឹងហាក់រីករាលដាលយ៉ាងខ្លាំងនៅតំបន់មជ្ឈិមបូព៌ា បន្ទាប់ពីការវាយប្រហារមួយសម្លាប់កុមារនិងយុវជន១២នាក់នៅលើទីលានកីឡាបាល់ទាត់មួយកន្លែងក្នុងតំបន់ដែលគ្រប់គ្រងដោយអ៊ីស្រាអែល ដែលចោទទៅលើក្រុមសកម្មប្រយុទ្ធហេសបូឡាមានមូលដ្ឋាននៅប្រទេសលីបង់។

នាយករដ្ឋមន្ត្រីអ៊ីស្រាអែល Benjamin Netanyahu និយាយក្នុងពេលកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃសៅរ៍ កុមារនិងយុវជន១២នាក់ត្រូវបានសម្លាប់នៅទីលានកីឡាបាល់ទាត់ក្នុងតំបន់ Majdal Shams ដោយការបាញ់គ្រាប់រុក្កែតដែលអ៊ីស្រាអែលចោទក្រុមហេសបូឡាក្នុងប្រទេសលីបង់ជាអ្នកបង្កឡើង ហើយអ៊ីស្រាអែលព្រមានសងសឹក។

នៅថ្ងៃចន្ទនេះ រដ្ឋាភិបាលអាល្លឺម៉ង់បានអំពាវនាវឱ្យគ្រប់ភាគីក្នុងជម្លោះនៅមជ្ឈិមបូព៌ា ជាពិសេសប្រទេសអ៊ីរ៉ង់ ទប់ស្កាត់ការរីករាលដាល បន្ទាប់ពីការវាយប្រហារដោយគ្រាប់រុក្កែត។

អ្នកនាំពាក្យរដ្ឋាភិបាលអាល្លឺម៉ង់ ត្រូវបានស្រង់សម្តីដោយទីភ្នាក់ងារព័ត៌មានរ៉យទ័រ ដូចបាននិយាយថា៖«ទីក្រុងប៊ែរឡាំងសន្និដ្ឋានយ៉ាងប្រាកដថា ការវាយប្រហារដ៏ព្រៃផ្សៃនៅទីលានបាល់ទាត់នៅ Golan Heights ធ្វើឡើងដោយក្រុមហេសបូឡាមានមូលដ្ឋាននៅលីបង់គាំទ្រដោយអ៊ីរ៉ង់។

ក្រោយការវាយប្រហារភ្លាមៗ រដ្ឋាភិបាលអ៊ីស្រាអែលបានបង្ហាញការខិងសម្បារយ៉ាងខ្លាំង ដោយនិយាយថា ក្រុមហេសបូឡានឹងបង់ថ្លៃយ៉ាងធ្ងន់ធ្ងរចំពោះការវាយប្រហារនេះ ខណៈអ្នកនាំពាក្យយោធាអ៊ីស្រាអែលត្រូវទីភ្នាក់ងារព័ត៌មានអន្តរជាតិដកស្រង់សម្តី ដោយបានហៅការវាយប្រហារនោះជាការវាយប្រហារដ៉ធ្ងន់ធ្ងរបំផុតលើជនស៊ីវិលចាប់តាំងពីការវាយប្រហារកើតឡើងដំបូងកាលពីថ្ងៃទី៧ខែតុលាឆ្នាំ២០២៣។

សេចក្តីរាយការណ៍ ក៏បានបង្ហាញថា ក្រុមសកម្មប្រយុទ្ធហ៊ូទីដែលគាំទ្រដោយអ៊ីរ៉ង់ក៏ធ្វើចលនាគួរឱ្យព្រួបារម្ភក្នុងអំឡុងពេលនេះ៕

ដោយ រ៉ាន់ រើយ