ព័ត៌មានអន្ដរជាតិ
លោក Trump ប្តឹងឲ្យរាប់សន្លឹកឆ្នោតឡើងវិញក្នុងរដ្ឋ Wisconsin និងដាក់ពាក្យបណ្តឹងនៅរដ្ឋផ្សេងទៀត
យុទ្ធនាការរបស់លោក Trump បាននិយាយថា លោកប្រធានាធិបតីនឹងស្នើសុំឲ្យមានការរាប់សន្លឹកឆ្នោតឡើងវិញនៅរដ្ឋ Wisconsin ដោយលើកឡើងពីភាពមិនប្រក្រតីជាច្រើននៅរដ្ឋនោះ។
យុទ្ធនាការនេះក៏បានដាក់ពាក្យបណ្តឹងនៅរដ្ឋ Michigan ឲ្យបញ្ឈប់ការរាប់សន្លឹកឆ្នោតនៅទីនោះផងដែរព្រោះពួកគេអះអាងថា ខ្លួនត្រូវបានបដិសេធសិទ្ធិចូលសង្កេតមើលការបើកហឹបឆ្នោតនិងការរាប់សន្លឹកឆ្នោត។
នៅក្រុង Detroit នៃរដ្ឋ Michigan ប៉ូលិសត្រូវបានកោះហៅកាលពីរសៀលថ្ងៃពុធឲ្យមកយាមទ្វារចូលកន្លែងរាប់សន្លឹកឆ្នោតខណៈអ្នកតវ៉ាខ្លះនៅខាងក្រៅបានទាមទារចូលពិនិត្យមើលដំណើរការនេះ។ យោងតាមកាសែត Detroit Free-Press បានឲ្យដឹងថា មានមនុស្សប្រមាណ២០០នាក់កំពុងសង្កេតមើលការបោះឆ្នោតនៅខាងក្នុងអគាររួចទៅហើយ។
ក្រុមមន្រ្តីត្រូវបានគេមើលឃើញថា បានបិទបង្អួចមជ្ឈមណ្ឌល TCF ដែលជាកន្លែងសន្លឹកឆ្នោតប្រៃសណីយ៍កំពុងត្រូវបានគេរាប់។
យុទ្ធនាការរបស់លោក Trump ក៏បានដាក់បណ្តឹងចំនួនពីរនៅក្នុងរដ្ឋ Pennsylvania ដើម្បីបញ្ឈប់រាល់ការរាប់សន្លឹកឆ្នោតផងដែររហូតដល់មានតម្លាភាព។
នៅព្រឹកព្រលឹមថ្ងៃពុធ លោក Trump បានប្រកាសពីសេតវិមានថា លោកបានឈ្នះឆ្នោតហើយនិងថែមទាំងបាននិយាយផងដែរថា លោកនឹងយកបញ្ហាការបោះឆ្នោតនេះទៅតុលាការកំពូល៕
ប្រែសម្រួលដោយ៖ Vann Vann
ប្រភព៖ BBC
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត