ព័ត៌មានអន្ដរជាតិ

ក្រោយប្រទះឃើញជំងឺប៉េស្តពពែ អាជ្ញាធរក្រិករឹតបន្តឹងនៅទូទាំង

បានផុស

៥ ខែ មុន

នៅ

ថ្ងៃអង្គារ ៣០ កក្កដា ២០២៤

ដោយ

អាជ្ញាធរប្រទេសក្រិក ស្ថិតនៅតំបន់អឺរ៉ុបកាលពីថ្ងៃចន្ទ បានបញ្ជាឱ្យមានការរឹតបន្តឹងលើការសម្លាប់សត្វពពែនិងចៀមនៅទូទាំងប្រទេស ដើម្បីប្រយុទ្ធប្រឆាំងនឹងការផ្ទុះឡើងនៃមេរោគដ៏កាចសាហាវដែលអាចជាផលប៉ះពាល់ថ្មីដល់ឧស្សាហកម្មបសុសត្វក្នុងស្រុក។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី៣០ខែ កក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងកសិកម្ម និងអភិវឌ្ឍន៍ជនបទក្រិកបានប្រកាសហាមឃាត់ការសម្លាប់សត្វពពែ និងចៀមសម្រាប់ឧស្សាហកម្ម ក៏ដូចជាការផ្លាស់ទីបន្តពូជរបស់ពួកវា ខណៈការផ្សព្វផ្សាយវិធានការបានចូលជាធរមានរូចទៅហើយនៅក្នុងផ្នែកខ្លះនៃភាគកណ្តាលប្រទេសក្រិកដែលជាកន្លែងផ្ទុះឡើងនៃជំងឺនេះត្រូវបានរាយការណ៍ជាលើកដំបូង។

រហូតមកដល់ពេលនេះមានសត្វពពែប្រហែល ៧០០០ក្បាលដែលបានឆ្លងជំងឺត្រូវបានសម្លាប់ចោលដើម្បីទប់ស្កាត់ការឆ្លងនៅក្នុងតំបន់ប្រជុំជន Thessaly ដែលរងគ្រោះខ្លាំងបំផុតជាមួយនឹងសត្វចំនួន១២០០ទៀត នឹងត្រូវសម្លាប់បន្ថែមនៅដើមសប្តាហ៍នេះ។ តំបន់ Thessaly ក៏ធ្លាប់រងការវាយប្រហារដោយព្យុះដ៏ខ្លាំងក្លាមួយកាលពីខែកញ្ញាឆ្នាំមុនដែលបណ្តាលឱ្យមានទឹកជំនន់ធ្ងន់ធ្ងរ និងការខូចខាតយ៉ាងធ្ងន់ធ្ងរដល់ការចិញ្ចឹមសត្វ។

គួរបញ្ជាក់ថាប៉េស្តពពែមានមេរោគ PPR គឺជាជំងឺឆ្លងខ្លាំងដែលប៉ះពាល់ដល់សត្វពពែនិងចៀមដែលបណ្តាលឱ្យមានជំងឺធ្ងន់ធ្ងរនិងស្លាប់។ ទោះបីជាយ៉ាងណាវាមិនមានផលប៉ះពាល់ដល់សុខភាពមនុស្សឡើយ។

ទន្ទឹមនោះអង្គការសុខភាពសត្វពិភពលោកដែលជាស្ថាប័នអន្តររដ្ឋាភិបាលដែលមានមូលដ្ឋាននៅទីក្រុងប៉ារីស ពិពណ៌នាអំពីពីមេរោគ PPR ថា វាបណ្ដាលឱ្យមានជំងឺធ្ងន់ធ្ងរនិងអត្រាមរណភាពខ្ពស់ចំពោះសត្វ។ ជាមួយគ្នានេះ វានឹងបង្កផលប៉ះពាល់ដល់សេដ្ឋកិច្ចជាខ្លាំងនៅក្នុងផ្នែកខ្លះនៃទ្វីបអាហ្រ្វិក មជ្ឈិមបូព៌ា និងអាស៊ី ដែលពពែ និងចៀមជាប្រភពអាហារដ៏សំខាន់៕