ព័ត៌មានអន្ដរជាតិ

ឥណ្ឌាកំពុងរងគ្រោះដោយសារបំណាក់ដី មនុស្សស្លាប់កើនដល់ជិត៦០នាក់

បានផុស

៦ ខែ មុន

នៅ

ថ្ងៃអង្គារ ៣០ កក្កដា ២០២៤

ដោយ

តួលេខអ្នកស្លាប់ដោយសារសារការបាក់ដីនៅប្រទេសឥណ្ឌាបានឡើងដល់ជិត៦០នាក់ ចំពេលការជួយសង្គ្រោះបានជាប់គាំង បន្ទាប់ពីមានបំណាក់ដីជាបន្តបន្ទាប់បង្កឡើងដោយភ្លៀងធ្លាក់ឥតឈប់ឈរវាយប្រហារតំបន់ភ្នំក្នុងរដ្ឋ Kerala ភាគខាងត្បូងប្រទេសឥណ្ឌា។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី៣០ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បំណាក់ដីបានវាយប្រហារជុំវិញតំបន់ Meppadi និងតំបន់ Chooralmala ក្នុងស្រុក Wayanad នៅម៉ោងប្រហែល២ព្រឹកថ្ងៃអង្គារ ខណៈកិច្ចខិតខំប្រឹងប្រែងជួយសង្គ្រោះត្រូវរារាំងដោយសារភ្លៀងបន្តធ្លាក់ខ្លាំង។

ទាហានជាង ២០០ នាក់ត្រូវបានដាក់ពង្រាយទៅកាន់តំបន់រងគ្រោះ ហើយឧទ្ធម្ភាគចក្រពីរគ្រឿងរបស់កងទ័ពអាកាសឥណ្ឌាក៏ត្រូវបានចល័តសម្រាប់កិច្ចខិតខំប្រឹងប្រែងជួយសង្គ្រោះផងដែរ។ យ៉ាងណាមិញទីភ្នាក់ងារឧតុនិយមរបស់ប្រទេសឥណ្ឌាកំពុងព្យាករណ៍ថានឹងមានភ្លៀងធ្លាក់បន្ថែមទៀតនៅក្នុងប៉ុន្មានម៉ោងខាងមុខនេះ។

គួរបញ្ជាក់ថាភ្លៀងមូសុងនៅទូទាំងអាស៊ីខាងត្បូងចាប់ពីខែមិថុនា ដល់ខែកញ្ញា បាននាំមកនូវការស្លាប់ និងការបំផ្លិចបំផ្លាញយ៉ាងធ្ថន់ធ្ងរក្នុងឆ្នាំនេះ។ ជាមួយគ្នានេះចំនួនគ្រោះទឹកជំនន់ និងបំណាក់ដីបានកើនឡើងក្នុងរយៈពេលប៉ុន្មានឆ្នាំចុងក្រោយនេះ ខណៈអ្នកជំនាញថាការប្រែប្រួលអាកាសធាតុកំពុងធ្វើឱ្យបញ្ហាពិភពលោកកាន់តែធ្ងន់ធ្ងរឡើង៕