ព័ត៌មានអន្ដរជាតិ
កូរ៉េខាងត្បូង ថា កូរ៉េខាងជើងស្វះស្វែងរកថ្នាំពីក្រៅប្រទេសព្យាបាលជំងឺលោក គីម
ក្រុមចារកម្មបានប្រាប់សមាជិកសភាកូរ៉េខាងត្បូងកាលពីថ្ងៃទី២៩ខែកក្កដាថា លោក គីម ជុងអ៊ុន បានឡើងគីឡូម្ដងទៀត ហើយទំនងជាមានបញ្ហាសុខភាពធ្ងន់ធ្ងរមួយចំនួនពាក់ព័ន្ធនឹងភាពធាត់នេះ ដូចជា ជំងឺលើសសម្ពាធឈាម និងជំងឺទឹកនោមផ្អែម។ ចារកម្មក្រុងសេអ៊ូល បានបន្ថែមថា ក្រុមមន្ត្រីកូរ៉េខាងជើង កំពុងស្វែងរកប្រភេទថ្នាំថ្មីនៅឯក្រៅប្រទេសដើម្បីព្យាបាលជំងឺមេដឹកនាំរបស់ខ្លួន។
លោក គីម ដែលមានវ័យ៤០ឆ្នាំ ត្រូវគេដឹងឮថាជាមនុស្សចូលចិត្តផឹកស្រា និងជក់បារី។ មួយវិញទៀត ក្រុមគ្រួសាររបស់លោកធ្លាប់មានប្រវត្តិជំងឺបេះដូង ដោយទាំងឪពុក និងជីតា ដែលជាអតីតមេដឹកនាំកូរ៉េខាងជើង សុទ្ធតែទទួលមរណភាពដោយសារជំងឺបេះដូង។ ក្រុមអ្នកសង្កេតការណ៍មួយចំនួន បាននិយាយថា លោក គីម មានកម្ពស់ប្រហែល ១,៧០ម៉ែត្រ ហើយពីមុនលោកមានទម្ងន់ ១៤០គីឡូក្រាម។ នៅក្នុងឆ្នាំ២០២១ គេសង្កេតឃើញថា លោក គីម បានស្រកទម្ងន់ខ្លះ ដែលទំនងមកពីការផ្លាស់ប្ដូរនូវរបបអាហារ។ យ៉ាងណា ក្នុងពេលថ្មីៗនេះ លោក គីម ហាក់ឡើងគីឡូសាជាថ្មីម្ដងទៀត។
ទីភ្នាក់ងារចារកម្មជាតិកូរ៉េខាងត្បូង បានប្រាប់ថា បច្ចុប្បន្ន លោក គីម ប្រហែលជាមានទម្ងន់ ១៤០គីឡូក្រាមដូចពីមុនវិញ ហើយលោកស្ថិតនៅក្រុមមនុស្សដែលងាយប្រឈមនឹងជំងឺបេះដូង។ ចារកម្មកូរ៉េខាងត្បូង បានបន្តថា លោក គីម មានរោគសញ្ញានៃជំងឺលើសសម្ពាធឈាម និងជំងឺទឹកនោមផ្អែមតាំងពីលោកមានវ័យខ្ទង់៣០ឆ្នាំមកម៉្លេះ ដែលគេជឿថាវាបណ្ដាលមកពីភាពធាត់បូករួមនឹងទម្លាប់ផឹកស្រា ជក់បារី និងការកើតមានបញ្ហាផ្លូវអារម្មណ៍។
សមាជិកសភាកូរ៉េខាងត្បូង២រូប រួមមានលោក Lee Seong Kweun និងលោកស្រី Park Sunwo បានប្រាប់ថា បើតាមដំណឹងពីចារកម្ម ក្រុមមន្ត្រីកូរ៉េខាងជើងបាននិងកំពុងព្យាយាមស្វែងរកថ្នាំថ្មីៗពីបរទេសសម្រាប់ព្យាបាលជំងឺលោក គីម។
កូរ៉េខាងជើង គឺជាប្រទេសលាក់ការណ៍សម្ងាត់មួយនៅលើពិភពលោក ដែលពុំមានអ្នកណានៅខាងក្រៅប្រទេសអាចដឹងពីស្ថានភាពសុខភាពពិតប្រាកដរបស់លោក គីម បាននោះឡើយ។ បញ្ហាសុខភាពរបស់មេដឹកនាំកូរ៉េខាងជើង គឺជាព័ត៌មានរស៊ើបដែលពិភពលោកចង់ដឹងចង់ឮ ខណៈមេដឹកនាំរូបនេះមិនទាន់មានការចាត់តាំងអ្នកស្នងតំណែងផ្លូវការនោះទេ។ បើតាមចារកម្មកូរ៉េខាងត្បូង កុមារី គីម ជូអេ ដែលជាកូនស្រីរបស់លោក គីម ជុងអ៊ុន អាចជាអ្នកបន្តវេនក្នុងគ្រួសារត្រកូលគីម ដែលនឹងត្រូវដឹកនាំប្រទេសកូរ៉េខាងជើង។ លោក Seong Kweun និយាយថា៖ «កូរ៉េខាងជើងបង្ហើបថា កុមារី គីម ជូអេ គឺជាបេក្ខភាពបន្តវេន ព្រោះបច្ចុប្បន្ន នាងកំពុងសិក្សាមេរៀនស្នងតំណែងពីឪពុក។ កូរ៉េខាងជើង កំពុងខិតខំឃោសនា និងព្យាយាមបង្ហាញវត្តមានកុមារីនេះជាសាធារណៈខ្លាំងណាស់ ដើម្បីស្ទាបស្ទង់ប្រតិកម្មពីមជ្ឈដ្ឋាននានាទៅលើរូបនាង»៕
ដោយ៖ ឈាង
ចុចអាន៖ កូរ៉េខាងត្បូង៖ កូនស្រីលោក គីម អាយុ១១ឆ្នាំ ត្រៀមឡើងដឹកនាំប្រទេស ស្នងតំណែងឪពុក
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?