ព័ត៌មានអន្ដរជាតិ
វៀតណាម កំពុងគិត ចង់កែច្បាប់រើសទាហាន
ក៏ព្រោះតែមានតម្អូញតម្អែរពីសំណាក់ប្រជាពលរដ្ឋមួយចំនួនពាក់ព័ន្ធច្បាប់រើសទាហាន ស្រាប់តែ ក្រសួងការពារជាតិវៀតណាម បានប្រកាសនាពេលថ្មីៗនេះថា ខ្លួនកំពុងពិចារណាកែប្រែច្បាប់ពីមុន ដែលហាមប្រាមអ្នកមានចាក់សាក់លើដងខ្លួន មិនឲ្យចូលបម្រើការក្នុងជួរកងទ័ព។
តាមការចុះផ្សាយរបស់កាសែត Tuoi Tre កាលពីថ្ងៃអង្គារទី៣០ខែកក្កដា, ក្រសួងបានធ្វើសេចក្តីប្រកាស បន្ទាប់ពីស្តាប់មតិរបស់ប្រជាពលរដ្ឋក្នុងខេត្ត Tay Ninh នៅភាគខាងត្បូង ក៏ដូចជាពីតំបន់មួយចំនួនទៀត ក្នុងរយៈពេលប៉ុន្មានឆ្នាំកន្លងមកនេះ។
មានសេចក្តីរាយការណ៍ថា ព្រោះតែមិនចង់ចូលធ្វើទាហាន យុវជនវៀតណាមមួយចំនួន នាំគ្នាទៅចាក់សាក់ ហើយដោយសារបញ្ហានេះ ពលរដ្ឋបានជំរុញក្រសួងការពារជាតិ គួររើសបុរសដែលមានចាក់ឲ្យចូលធ្វើទាហានដែរទៅ ដើម្បីការស្មើភាពគ្នានៅក្នុងសង្គម និងធានាថា មានអ្នកពោរពេញដោយសមត្ថភាពគ្រប់គ្រាន់ ត្រូវបានរើសឲ្យចូលបម្រើក្នុងជួរកងទ័ព។
យោងតាមក្រសួង, ច្បាប់បច្ចុប្បន្នទាក់ទងនឹងការចាក់សាក់ គឺជាផ្នែកមួយនៃស្តង់ដារនយោបាយនិងសីលធម៌ សម្រាប់ការជ្រើសរើសពលរដ្ឋឲ្យចូលបម្រើយោធា។ ប្រជាពលរដ្ឋនឹងមិនត្រូវបានជ្រើសរើសទេ ប្រសិនបើរាងកាយរបស់ពួកគេមានស្នាមសាក់។
ការចាក់សាក់នៅកន្លែងដែលអាចមើលឃើញដូចជាលើមុខ ក្បាល ក កំភួនដៃ ភ្លៅ ភាគច្រើននៃខ្នង ទ្រូង ឬពោះ គឺសុទ្ធតែត្រូវបានចាត់ទុកថា មិនអាចទទួលយកបាន។
ទោះបីជាយ៉ាងណាក៏ដោយ ក្នុងខែវិច្ឆិកាឆ្នាំ២០២០ ក្រសួងបានចេញសេចក្តីណែនាំដោយបញ្ជាក់ថា ប្រសិនបើការចាក់សាក់តូច លើកន្លែងមើលមិនឃើញ ហើយមិនប៉ះពាល់ដល់សីលធម៌ វិន័យ ឬបរិស្ថាននោះ ប្រជាពលរដ្ឋដែលមានស្នាមសាក់បែបនេះ ក៏នៅតែត្រូវបានពិចារណារើសចូលបម្រើក្នុងជួរយោធា ដដែល។
ដូច្នេះហើយ ឥឡូវ ក្រសួងកំពុងគិតគូរពីបញ្ហានេះមែនទែន ហើយគេរំពឹងថា ក្រសួងនឹងចេញសេចក្តីសម្រេច នាពេលដ៏ខ្លីខាងមុខនេះ៕
អត្ថបទ៖ សុខ សុវណ្ណ
ចុចអាន៖ វៀតណាម ជួបគ្រោះផ្ទួនៗ រញ្ជួយដីផង ទឹកជំនន់ផង ឥឡូវបាក់អណ្តូងរ៉ែ ស្លាប់កម្មករទៀត
-
សន្តិសុខសង្គម១ ថ្ងៃ ago
នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ១៩ ម៉ោង ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
ព័ត៌មានជាតិ២ ថ្ងៃ ago
ខ្លាធំនាំពីប្រទេសឥណ្ឌា នឹងបំពាក់ប្រព័ន្ធតាមដាន GPS មុនព្រលែងចូលព្រៃធម្មជាតិ
-
ព័ត៌មានជាតិ២ ថ្ងៃ ago
លោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ២ ថ្ងៃ ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
ព័ត៌មានអន្ដរជាតិ៦ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់
-
សន្តិសុខសង្គម៤ ថ្ងៃ ago
អាជ្ញាធរខេត្តក្រចេះ ឃាត់ខ្លួនបុរសដែលជាន់ទង់ជាតិខ្មែរ នៅលើទូកនេសាទ