ព័ត៌មានអន្ដរជាតិ
អាមេរិកប្រកាសថា ការស្លាប់មេក្រុមហាម៉ាសមិនជាប់ពាក់ព័ន្ធនឹងខ្លួនទេ
ថ្លែងទៅកាន់សារព័ត៌មាន Channel News Asia អំឡុងទស្សនកិច្ចនៅសិង្ហបុរីកាលពីថ្ងៃទី៣១ខែកក្កដា លោក Antony Blinken បាននិយាយថា សហរដ្ឋអាមេរិកមិនដឹង ឬក៏ជាប់ពាក់ព័ន្ធនឹងការធ្វើឃាតលោក Ismail Haniyeh មេដឹកនាំក្រុមសកម្មប្រយុទ្ធហាម៉ាសនៅរដ្ឋធានីតេហរ៉ង់ ប្រទេសអ៊ីរ៉ង់នោះឡើយ។
លោករដ្ឋមន្ត្រីការបរទេសអាមេរិក បាននិយាយថា៖ «នេះគឺជាអ្វីដែលយើងមិនបានដឹង ឬក៏ជាប់ពាក់ព័ន្ធនោះទេ»។ បន្ថែមពីនេះ លោក Blinken បានប្រាប់ថា វាជារឿងពិបាកនឹងប៉ាន់ស្មានអំពីផលប៉ះពាល់នៃការស្លាប់របស់លោក Haniyeh ទៅលើសង្គ្រាមដែលកំពុងកើតមាននៅតំបន់ហ្គាហ្សា។ លោក Blinken បានសង្កត់ធ្ងន់ទៅលើសារៈសំខាន់នៃកិច្ចចរចាបទឈប់បាញ់ ហើយបានរៀបរាប់ថា៖ «វាសំខាន់ខ្លាំងណាស់ដើម្បីជួយបញ្ចប់ការឈឺចាប់នៃប្រជាជនប៉ាឡេស្ទីននៅក្នុងតំបន់ហ្គាហ្សា។ វាសំខាន់ខ្លាំងណាស់ដែលត្រូវយកចំណាប់ខ្មាំងត្រឡប់មកផ្ទះវិញ រួមទាំងជនជាតិអាមេរិកមួយចំនួនផងដែរ»។ លោកបន្តថា ភាពចាំបាច់សម្រេចឲ្យបាននូវបទឈប់បាញ់ នៅតែជាជម្រើសល្អបំផុតសម្រាប់បញ្ចប់ភាពតានតឹងនៅតំបន់មជ្ឈិមបូព៌ា។
លោក Blinken បន្ថែមថា៖ «រឿងមួយក្នុងចំណោមនោះគឺថាយើងផ្ដោតសំខាន់លើការព្យាយាមធ្វើយ៉ាងណាឲ្យជម្លោះដែលកើតមាននៅហ្គាហ្សាមិនរីករាលដាល មិនឆ្លងទៅកន្លែងផ្សេង មិនកាន់តែរីកធំឡើង ហើយយើងនឹងបន្តធ្វើដូច្នេះផងដែរ»។
គួរបញ្ជាក់ថា លោក Haniyeh ត្រូវបានសម្លាប់កាលពីព្រឹកព្រលឹមថ្ងៃពុធ នៅក្នុងរដ្ឋធានីតេហេរ៉ង់ ខណៈលោកបានទៅចូលរួមក្នុងពិធីស្បថចូលកាន់តំណែងថ្មីរបស់ប្រធានាធិបតីអ៊ីរ៉ង់លោក Masoud Pezeshkian។ មេដឹកនាំជាច្រើននៅលើពិភពលោក បាននាំគ្នាថ្កោលទោសចំពោះការធ្វើឃាតលោក Haniyeh ហើយក៏បានបង្ហាញពីក្ដីបារម្ភថា ជម្លោះនៅមជ្ឈិមបូព៌ានឹងអាចកើនកម្ដៅរឹតតែខ្លាំងថែមទៀត។
ក្រុមហាម៉ាស ដែលមានការគាំទ្រពីអ៊ីរ៉ង់ បានបន្ទោសអ៊ីស្រាអែលក្នុងហេតុការណ៍លួចវាយប្រហារមេដឹកនាំរបស់ខ្លួន ហើយនិយាយថា លោក Haniyeh ត្រូវបានសម្លាប់ដោយក្រុមជនក្បត់ «Zionist»។ ចំណែកមេដឹកនាំកំពូលអ៊ីរ៉ង់ លោក Ayatollah Ali Khamenei ក៏បានសន្យាដាក់ទោសយ៉ាងខ្លាំងក្លាចំពោះអ៊ីស្រាអែលផងដែរ ដើម្បីជាការសងសឹកឲ្យលោក Haniyeh៕
ដោយ៖ ឈាង
ចុចអាន៖ ប្រតិកម្មអន្តរជាតិជុំវិញការស្លាប់របស់មេដឹកនាំកំពូលក្រុមហាម៉ាស
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
ព្រឹកនេះ អនុព័ន្ធការងារប្រចាំប្រទេសថៃ កំពុងបន្តតាមដានដោយផ្ទាល់នៅទីតាំងរលំអគារ ក្នុងទីក្រុងបាងកក ត្រៀមអន្តរាគមន៍ឲ្យទាន់ពេលវេលាជូនពលករខ្មែរនៅថៃ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?