ព័ត៌មានអន្ដរជាតិ

ម៉ុលដាវីបណ្តេញទូតរុស្ស៊ីចេញ ក្រោយចាប់ឃុំមន្ត្រីខ្លួន២នាក់

បានផុស

៦ ខែ មុន

នៅ

ថ្ងៃព្រហស្បតិ៍ ១ សីហា ២០២៤

ដោយ

ប្រទេសម៉ុលដាវីស្ថិតនៅក្នុងសហភាពអឺរ៉ុបនិងជាសមាជិករបស់អង្គការណាតូ ធ្លាក់ចូលក្នុងជម្លោះការទូតធ្ងន់ធ្ងរជាថ្មីជាមួយមហាអំណាចនុយក្លេអ៊ែររុស្ស៊ី បន្ទាប់ពីការបណ្តេញអ្នកការទូតរុស្ស៊ីម្នាក់ ដោយហៅឯកអគ្គរដ្ឋទូតរុស្ស៊ី ជា«បុគ្គលមិនគួរស្វាគមន៍ (Persona non grata) ក្រោយពីចោទប្រកាន់មន្ត្រីរបស់ខ្លួនថា បានសមគំនិតគ្នា។

លោក Oleg Vasnetsov ផ្តល់បទសម្ភាសន៍ដល់អ្នកសារព័ត៌មានពេលទៅដល់មូស្កូ។ Snipping

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីម៉ុលដាវីពីររូបរងការចោទប្រកាន់ពីបទក្បត់ជាតិនិងការសមគំនិតកាលពីដើមសប្តាហ៍នេះ។ ទីភ្នាក់ងារព័ត៌មានរ៉យទ័របានរាយការណ៍ថា មនុស្សទាំងពីរនាក់ត្រូវបានឃុំខ្លួនពីបទសង្ស័យផ្តល់ព័ត៌មានដល់អនុព័ន្ធការពាររបស់ស្ថានទូតរុស្ស៊ី។ ស្ថានការណ៍ចុងក្រោយនេះជាការដើរថយក្រោយនៃទំនាក់ទំនងរវាងប្រទេសទាំងពីរដែលធ្លាក់ចុះដុនដាបស្រាប់។

ក្រសួងការបរទេសម៉ុលដាវីបាននិយាយនៅក្នុងសេចក្តីថ្លែងការណ៍មួយថា៖«ព័ត៌មាននិងភស្តុតាងត្រូវបានទទួលដែលបញ្ជាក់ពីការប្រព្រឹត្តនៅលើទឹកដីនៃសាធារណរដ្ឋម៉ុលដាវី (ដោយអ្នកការទូតរុស្ស៊ី) នៃសកម្មភាពមិនឆបគ្នាជាមួយ (ស្ថានភាពការទូតរបស់ពួកគេ)” ។

ឯកអគ្គរដ្ឋទូតរុស្ស៊ីប្រចាំនៅទីក្រុង ជីស៊ីណូនៃប្រទេសម៉ុលដាវី លោក Oleg Vasnetsov បានប្រាប់អ្នកយកព័ត៌មានថា ទីក្រុងមូស្គូបានចាត់ទុកការបណ្តេញអ្នកការទូតរបស់ខ្លួនថា «មិនរាក់ទាក់» ហើយថារុស្ស៊ីនឹងឆ្លើយតបទៅនឹងចំណាត់ការកាលពីថ្ងៃព្រហស្បតិ៍របស់ម៉ុលដាវី។

ទីក្រុងមូស្គូបានរិះគន់ករណីក្បត់ជាតិ និងការសមគំនិតថ្មីដែលបានប្រកាសដោយប្រទេសម៉ុលដាវីកាលពីថ្ងៃពុធ ដោយពណ៌នាថាវាជា «ការបង្ហាញមួយផ្សេងទៀតនៃចេតនាប្រឆាំងរុស្ស៊ីដែលត្រូវបានចិញ្ចឹមក្លែងក្លាយនៅក្នុងប្រទេសម៉ុលដាវី»។

ទំនាក់ទំនងរវាងរុស្ស៊ី និងអតីតសាធារណរដ្ឋសូវៀតតូចមួយ ដែលស្ថិតនៅរវាងអ៊ុយក្រែន និងសមាជិកណាតូ រូម៉ានី បានធ្លាក់ចុះយ៉ាងខ្លាំង ខណៈដែលទីក្រុងជីស៊ីណូបានដឹកនាំផ្លូវដែលគាំទ្រអឺរ៉ុប និងបានចោទប្រកាន់ទីក្រុងមូស្គូពីការព្យាយាមធ្វើឱ្យមានអស្ថិរភាព។

ប្រទេសម៉ុលដាវីបានថ្កោលទោសយ៉ាងដាច់អហង្ការចំពោះការលុកលុយរបស់រុស្ស៊ីពេញទំហឹងទៅលើអ៊ុយក្រែន។

ក្រសួងការបរទេសរុស្ស៊ីនៅថ្ងៃព្រហស្បតិ៍នេះបានអះអាងថា ខ្លួននឹងឆ្លើយតបចំពោះសកម្មភាពរបស់ម៉ុលដាវី ដែលទូតរបស់ខ្លួនថា ជា«បុគ្គលមិនគួរស្វាគមន៍ (Persona non grata)។ ទោះយ៉ាងណា មិនទាន់ចំណាត់ការលម្អិតដែលផ្សព្វផ្សាយដោយទីភ្នាក់ងារព័ត៌មានរុស្ស៊ីនោះទេ៕