ព័ត៌មានអន្ដរជាតិ
ទឹកជំនន់នៅចិនសម្លាប់មនុស្សយ៉ាងតិច៣០នាក់និងបាត់ខ្លួនច្រើននាក់
ភ្លៀងធ្លាក់ខ្លាំងបណ្តាលឱ្យកើតជាទឹកជំនន់ដ៏ខ្លាំងដោយសារឥទ្ធិពលនៃព្យុះទីហ្វុង Gaemi បានបណ្តាលឱ្យមនុស្សយ៉ាងហោចណាស់៣០នាក់ស្លាប់និង៣៥នាក់បាត់ខ្លួននៅទីក្រុងចំនួន៨ក្នុងខេត្ត Hunan ភាគខាងត្បូងប្រទេសចិន។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Xinhua នៅថ្ងៃទី២ខែសីហានេះ។
គិតត្រឹមម៉ោង១២:០០ ថ្ងៃទី១ខែសីហា ផ្លូវថ្នល់ បណ្ដាញអគ្គិសនី និងសេវាទូរសព្ទនៅក្នុងទីប្រជុំជនចំនួនប្រាំបីក្នុងទីក្រុង Zixing បានទទួលរងនូវផលប៉ះពាល់ខ្លាំងបំផុតដោយព្យុះទីហ្វុង Gaemi ខណៈកិច្ចខិតខំប្រឹងប្រែងស្វែងរក និងជួយសង្គ្រោះកំពុងដំណើរការយ៉ាងសស្រាក់សស្រាំ។
ក្រសួងគ្រប់គ្រងគ្រោះមហន្តរាយរបស់ប្រទេសចិនបានឱ្យដឹងថា ដើម្បីឆ្លើយតបទៅនឹងទឹកជំនន់ដ៏ធ្ងន់ធ្ងរនៅក្នុងខេត្តHunan ប្រទេសចិនបានបង្កើនកម្រិតឆ្លើយតបក្នុងគ្រាអាសន្ន ដើម្បីឲ្យការជួយសង្គ្រោះកាន់តែប្រសើរឡើងនិងធានាសុវត្ថិភាពនៃការរស់នៅជាមូលដ្ឋានសម្រាប់ប្រជាជនដែលរងផលប៉ះពាល់។
ព្យុះទីហ្វុង Gaemi បានចាប់ផ្តើមបោកបក់ក្នុងប្រទេសចិននៅល្ងាចថ្ងៃព្រហស្បតិ៍ទី២៥ខែកក្កដា ជាមួយនឹងខ្យល់បក់បោកក្នុងល្បឿន១១០គីឡូម៉ែត្រក្នុងមួយម៉ោង។ ព្យុះនេះបានបន្តទៅភាគនិរតីនិងពាយ័ព្យកាត់ប្រទេសចិន ដោយនាំមកនូវភ្លៀងធ្លាក់និងកម្លាំងខ្យល់បក់បោកខ្លាំង ដោយអ្នកព្យាករណ៍បានព្យាករណ៍ថា ទឹកភ្លៀងអាចមានចាប់ពី១៥០ ទៅ ២៥០មីលីម៉ែត្រ ជាមួយនឹងបរិមាណរហូតដល់៤០០មីលីម៉ែត្រ នៅតំបន់ដែលមានកម្ពស់ខ្ពស់និងតាមបណ្តោយឆ្នេរសមុទ្រ។
ព្យុះនេះកាលពីមុនក៏បានបណ្តាលឱ្យមានទឹកជំនន់យ៉ាងខ្លាំងនៅក្នុងកោះតៃវ៉ាន់ និង រដ្ឋធានីហ្វីលីពីន បន្ទាប់ពីមានភ្លៀងធ្លាក់ខ្លាំង៕
អត្ថបទ៖ ប៊ុន សុភាព
-
ជីវិតកម្សាន្ដ៦ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ១ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៤ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម២ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានអន្ដរជាតិ៣ ម៉ោង ago
វៀតណាម ជួបគ្រោះផ្ទួនៗ ព្យុះទីហ្វុងផង រញ្ជួយដីផង
-
សេចក្ដីជូនដំណឹង៦ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ចរាចរណ៍២ ម៉ោង ago
រថយន្តដឹកអ្នកដំណើរ បុករះម៉ូតូ-រថយន្ត ចំនួន ៤ គ្រឿង ស្លាប់មនុស្ស ៣ នាក់
-
ព័ត៌មានអន្ដរជាតិ៥ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់