ព័ត៌មានអន្ដរជាតិ
[វិភាគអន្តរជាតិ] ចិនទំនងធ្វើជាវីរបុរសស្តារសន្តិភាព អ៊ុយក្រែន-រុស្ស៊ី និងពង្រឹងធុរកិច្ចជាមួយអឺរ៉ុប
មហាអំណាចចិនដែលប្រកៀកស្មាជាមួយមហាអំណាចរុស្ស៊ីដែលរងទណ្ឌកម្មយ៉ាងធ្ងន់ធ្ងរក្នុងសង្គ្រាមនៅអ៊ុយក្រែន អាចចាប់យកឱកាសផ្សះផ្សាអ៊ុយក្រែននិងរុស្ស៊ីឱ្យដើរលើវិថីថ្មីមួយឆ្ពោះទៅបញ្ចប់សង្គ្រាមបង្ហូរឈាមរវាងប្រទេសបងប្អូនសត្រូវទាំងពីរ និងក៏ជាកាលានុវត្តភាពស្តារនិងអភិវឌ្ឍន៍ប្រទេសអ៊ុយក្រែនដើម្បីផ្សារភ្ជាប់ខ្លួនជាមួយទីផ្សារអឺរ៉ុបតាមរយៈអ៊ុយក្រែន។
ក្នុងរយៈពេលមិនដល់១ឆ្នាំចុងក្រោយនេះ ប្រមុខក្រសួងការបរទេសនៃប្រទេសអ៊ុយក្រែនដែល«ស្រេកឃ្លានការបញ្ចប់សង្គ្រាមបំផុតនោះ» បានជួបប្រមុខក្រសួងការបរទេសចិនយ៉ាងហោចណាស់២លើកដោយលើកទី១នៅខែកុម្ភៈក្នុងប្រទេសអាល្លឺម៉ង់ និងលើកទី២នៅប្រទេសចិនផ្ទាល់ ដើម្បីស្នើឱ្យចិនបំពេញតួនាទីជាអ្នកផ្សះផ្សាសន្តិភាពរវាងអ៊ុយក្រែននិងរុស្ស៊ី។
ដោយខុសពីលើកមុនៗ អ៊ុយក្រែនក៏ដូចជាប្រទេសក្នុងសម្ព័ន្ធនៃអង្គការណាតូ ឬសហភាពអឺរ៉ុបដែលតែងតែចោទប្រកាន់ចិនថា នៅពីក្រោយនិងគាំទ្ររុស្ស៊ីក្នុងសង្គ្រាមអ៊ុយក្រែននោះ ក្នុងជំនួបចុងក្រោយនេះ ប្រមុខដឹកនាំអ៊ុយក្រែនបានអះអាងនូវភាពត្រឹមត្រូវរបស់ចិនដែលមិនបានផ្តល់អាវុធឱ្យរុស្ស៊ីទេ។
ក្រោយដំណើរទស្សនកិច្ចលើកដំបូងបំផុតរបស់ប្រមុខការទូតអ៊ុយក្រែន លោក Dmytro Kuleba នៅប្រទេសចិនក្នុងខែកក្កដាទើបកន្លងទៅនេះ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី បានទទួលស្គាល់ថា ចិនមិនបានគាំទ្ររុស្ស៊ីនិងផ្តល់អាវុធឱ្យរុស្ស៊ីក្នុងសង្គ្រាមរយៈពេលជាង២ឆ្នាំនេះទេ។ យោងការផ្សាយរបស់ unn.ua មានមូលដ្ឋាននៅប្រទេសអ៊ុយក្រែន។
ការលើកឡើងរបស់លោក ហ្សេឡេនស្គី ត្រូវគេមើលឃើញថា អ៊ុយក្រែនបានបន្ទាន់ឥរិយាបថនិងសុខចិត្តទទួលយកគោលការណ៍សន្តិភាពរបស់មហាអំណាចចិនដែលធ្លាប់ដាក់ចេញសំណើរសន្តិភាព១២ចំណុចកាលពីខួប១ឆ្នាំនៃការលើកទ័ពលុកលុយរបស់រុស្ស៊ី ប៉ុន្តែកាលនោះ អ៊ុយក្រែនបដិសេធ ដោយសារសម្ទុះនៃការគាំទ្រខ្លួននៅខ្លាំងនៅឡើយ ពីបណ្តាប្រទេសនានាជុំវិញពិភពលោកជាពិសេសមហាអំណាចអាមេរិកនិងបច្ចឹមប្រទេសអឺរ៉ុបក្នុងផ្តល់ជំនួយសម្រាប់ការប្រយុទ្ធទប់ទល់ជាមួយភាគីសត្រូវរុស្ស៊ី ដោយសារកាលនោះសង្គ្រាមសកលលោកមានតែមួយ។
ប៉ុន្តែចាប់តាំងពីសង្គ្រាមអ៊ីស្រាអែលនិងក្រុមហាម៉ាសបានផ្ទុះឡើងកាលពីខែតុលាឆ្នាំ២០២៣ សង្គ្រាមនៅប្រទេសអ៊ុយក្រែនបានធ្លាក់ចុះការគាំទ្រ បានធ្លាក់ចុះការចាប់អារម្មណ៍ ហើយអ៊ុយក្រែនកាន់តែចុះខ្សោយ ហើយក៏ងាកទៅរកចិនដើម្បីត្រួសត្រាយផ្លូវទៅរកការចរចាសន្តិភាព។
រហូតមកដល់ពេលនេះ ចិនជាភាគីដែលមានសក្តានុពលបំផុតក្នុងការនាំយកសន្តិភាពឱ្យអ៊ុយក្រែននិងរុស្ស៊ី ព្រោះថា ប្រធានាធិបតីរុស្ស៊ី លោក វ៉្លាឌីមៀ ពូទីន ធ្លាប់ប្រកាសចំហទទួលស្គាល់គោលការណ៍ទាំង១២ចំណុចរបស់ចិន ខណៈពេលនេះអ៊ុយក្រែនក៏បន្ទន់ឥរិយាបថទទួលយកចិនជាអ្នកសម្របសម្រួលសន្តិភាព។
ក្រោយជំនួបជាមួយលោក វ៉ាង យី រដ្ឋមន្ត្រីការទេសចិននៅទីក្រុងប៉េកាំងក្នុងខែកក្កដា រដ្ឋមន្ត្រីការបរទេសអ៊ុយក្រែន Dmytro Kuleba បានថ្លែងប្រាប់អ្នកសារព័ត៌មានថា៖«ខ្ញុំជឿជាក់ថា សន្តិភាពក្នុងប្រទេសអ៊ុយក្រែនគឺស្ថិតនៅក្នុងផលប្រយោជន៍យុទ្ធសាស្រ្ត ហើយតួនាទីរបស់ចិនជាកម្លាំងចលករសកលសំខាន់ណាស់ដើម្បីសន្តិភាព»។
ពេលធ្វើដំណើរទៅកាន់ប្រទេសចិនលើកដំបូង លោក Dmytro Kuleba មិនត្រឹមតែជួបជាមួយរដ្ឋមន្ត្រីការបរទេសចិនប៉ុណ្ណោះទេ ប៉ុន្តែថែមទាំងសហគមន៍ធុរកិច្ចចិន ដោយលោកបានពន្យល់ពីការជ្រុមជ្រែងរបស់ប្រទេសសមាជិកអឺរ៉ុបក្នុងការស្តារនិងកសាងអ៊ុយក្រែនឡើងវិញ ដែលចិនអាចរួមចំណែកនាំសន្តិភាពដល់ប្រទេសអ៊ុយក្រែន និងបង្កើនទំនាក់ទំនងធុរកិច្ចជាមួយក្រុមហ៊ុនអឺរ៉ុប៕
ដោយ រ៉ាន់ រើយ
អ្នកឧកញ៉ា ឃុន សៀ គោរពជូនពរ សម្ដេចទាំង ៧ ក្នុងឱកាសអបអរសាទរខួបអនុស្សាវរីយ៍លើកទី ៤៦ ទិវាជ័យជម្នះ ៧ មករា
បទអត្ថាធិប្បាយ៖ ជ័យជម្នះ ៧ មករា ១៩៧៩ គឺជាព្រឹត្តិការណ៍ប្រវត្តិសាស្ត្រនៃទំនាក់ទំនងកម្ពុជា និងវៀតណាម
អ្នកឧកញ៉ា ឃុន សៀ គោរពជូនពរ សម្ដេចអគ្គមហាសេនាបតីតេជោ ហ៊ុន សែន ក្នុងឱកាសអបអរសាទរខួបអនុស្សាវរីយ៍លើកទី ៤៦ ទិវាជ័យជម្នះ ៧ មករា
អាជ្ញាធរសម្រេចផ្អាកការសាងសង់សំណង់នានារបស់លោក ធាន វុទ្ធី ព្រោះគ្មានបច្ចេកទេស
អ្នកឧកញ៉ា ឃុន សៀ គោរពជូនពរ សម្ដេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ក្នុងឱកាសប្រកបដោយសិរីមង្គលប្រសេីរថ្លៃថ្លានៃចំណងអាពាហ៍ពិពាហ៍ខួប ១៩ ឆ្នាំ
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
ស្ពានឆ្លងទន្លេភ្ជាប់ទៅផ្លូវល្បឿនលឿន ដីឥដ្ឋ-ថ្មគរ ឈានទៅខួងគ្រឹះ ខណៈមានការសង់ស្ពានដែកបណ្តោះអាសន្នសម្រួលការងារសាងសង់
គោលការណ៍ការងារ, អ្នកនាំពាក្យ ប្រាប់លោក ហេង សិទ្ធី ឱ្យដាក់បណ្ដឹងមកក្រសួងយុត្តិធម៌ផ្ទាល់
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ