ព័ត៌មានអន្ដរជាតិ
អាមេរិក រៀបចំបញ្ជូនយន្តហោះនិងនាវាចម្បាំង ទៅការពារ អ៊ីស្រាអែល
ស្របពេលស្ថានការណ៍កាន់តែឡើងកម្តៅប្រៀបបាននឹងគ្រាប់បែកហៀបនឹងផ្ទុះ, មន្ទីរបញ្ចកោណ បានប្រកាសថា អាមេរិក កំពុងរៀបចំបញ្ជូនយន្តហោះនិងនាវាចម្បាំងបន្ថែមទៀត ទៅកាន់តំបន់មជ្ឈិមបូព៌ា ដើម្បីការពារអ៊ីស្រាអែល ខណៈមានការគំរាមកំហែងពីប្រទេសអ៊ីរ៉ង់ ក៏ដូចជាសម្ព័ន្ធរបស់ខ្លួនគឺក្រុមហាម៉ាសនិងហេសបូឡា។ នេះបើតាមការចុះផ្សាយរបស់ Reuters នៅថ្ងៃសៅរ៍ទី៣ខែសីហាឆ្នាំ២០២៤។
ប៉ុន្មានថ្ងៃមកនេះ អ៊ីរ៉ង់ បានគំរាមសងសឹកមិនប្រណីដៃ ចំពោះការធ្វើឃាតមេដឹកនាំក្រុមហាម៉ាសលោក Ismail Haniyeh នៅទីក្រុងតេហេរ៉ង់ ស្របពេលសង្គ្រាមអ៊ីស្រាអែល-ហ្គាហ្សា ក៏នៅតែពុះកញ្ជ្រោល គ្មានសញ្ញាថមថយសោះឡើយ។
ពាក់ព័ន្ធបញ្ហានេះ រដ្ឋមន្ត្រីការពារជាតិអាមេរិក លោក Lloyd Austin បានយល់ព្រមបញ្ជូននាវាចម្បាំងនិងនាវាពិឃាតដែលអាចបាញ់ទម្លាក់មីស៊ីលបាលីស្ទិក ក៏ដូចជាយន្តហោះចម្បាំងបន្ថែមទៅកាន់មជ្ឈិមបូព៌ាផងដែរ។
មន្ទីរបញ្ចកោណបាននិយាយក្នុងសេចក្តីថ្លែងការណ៍មួយថា «លោក Austin បានចេញបញ្ជាឲ្យពង្រឹងកម្លាំងយោធារបស់សហរដ្ឋអាមេរិកឲ្យកាន់តែប្រសើរឡើង ដើម្បីបង្កើនការគាំទ្រដល់ផ្នែកការពារជាតិអ៊ីស្រាអែល និងដើម្បីធានាថា សហរដ្ឋអាមេរិកបានត្រៀមខ្លួនដើម្បីឆ្លើយតបទៅនឹងឧបទ្ទវហេតុផ្សេងៗ»។
សេចក្តីប្រកាសនេះ កើតឡើងមួយថ្ងៃប៉ុណ្ណោះ បន្ទាប់ពីប្រធានាធិបតីអាមេរិក លោក Joe Biden ពិភាក្សាជាមួយនាយករដ្ឋមន្ត្រីអ៊ីស្រាអែលលោក Benjamin Netanyahu តាមទូរស័ព្ទ ហើយបញ្ជាក់ឡើងវិញម្ដងទៀត នូវការប្ដេជ្ញារបស់ទីក្រុងវ៉ាស៊ីនតោន ការពារសន្តិសុខអ៊ីស្រាអែលប្រឆាំងការគំរាមកំហែងពីអ៊ីរ៉ង់ និងក្រុមបក្ខពួករបស់ទីក្រុងតេហេរ៉ង់។
សូមបញ្ជាក់ជាថ្មី ប៉ុន្មានម៉ោងមុនពេលលោក Haniyeh ត្រូវបានធ្វើឃាត អ៊ីស្រាអែលក៏ប្រកាសដែរថា ខ្លួនបានសម្លាប់មេដឹកនាំជាន់ខ្ពស់ក្រុមហេសបូឡាគឺលោក Shukr ក្នុងរដ្ឋធានី បេរូត នៃប្រទេសលីបង់។ អ៊ីស្រាអែលជឿថា លោក Shukr ជាអ្នករៀបចំការវាយប្រហារដោយគ្រាប់រ៉ុកកែតលើតំបន់ Golan Heights ដែលបានសម្លាប់មនុស្ស១២នាក់ កាលពីថ្ងៃទី២៧ខែកក្កដា។ យ៉ាងណា កាលនោះ ក្រុមហេសបូឡាបានបដិសេធថាមិនជាប់ពាក់ព័ន្ធនឹងការវាយប្រហារមួយនេះទេ។
ការវាយសងសឹករបស់ហេសបូឡាទៅលើអ៊ីស្រាអែល ត្រូវគេរំពឹងថានឹងកើតមានឡើង ព្រោះពេលកន្លង ក្រុមសកម្មប្រយុទ្ធនេះធ្លាប់វាយបកដោយការបាញ់ស្រោចរ៉ុកកែតជាច្រើនគ្រាប់ចូលក្នុងទឹកដីអ៊ីស្រាអែល ក្រោយពីមេបញ្ជាការជាន់ខ្ពស់របស់ខ្លួនត្រូវបានអ៊ីស្រាអែលសម្លាប់៕
អត្ថបទ៖ សុខ សុវណ្ណ
ចុចអាន៖ លោក បៃដិន ប្រកាសនៅចាំការពារអ៊ីស្រាអែល ក្រោយការស្លាប់មេដឹកនាំហាម៉ាស
អភិបាលខេត្តកំពង់ធំឱ្យកម្លាំងកងទ័ពត្រៀមអន្តរាគមន៍ជួយសង្គ្រោះពលរដ្ឋរងគ្រោះដោយទឹកជំនន់
ខេត្តកំពត ត្រៀមខ្លួនរួចរាល់ដើម្បីអបអរសាទរថ្ងៃបើកការដ្ឋានព្រែកជីកហ្វូណនតេជោ
ជំងឺមហារីក ផ្តាច់ជីវិតប្រជាជនវៀតណាម ជាង ១២ម៉ឺននាក់ ក្នុងមួយឆ្នាំ
មន្ត្រីការបរទេសអាមេរិក ប្ដេជ្ញាជំរុញបន្ថែមលើការលើកកម្ពស់សិទ្ធិជនពិការនៅកម្ពុជា
ការសិក្សារកឃើញថា វ៉ាក់សាំងកូវីដ-១៩ កាត់បន្ថយការគាំងបេះដូង
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
គ្រូតៃជីដ៏ល្បី សុខៗក៏ក្លាយជាតួសម្ដែងក្នុងក្លឹបរាត្រី ផ្អើលបណ្ដាញសង្គម ចិន
ក្រយាព្រះស្ងោយលាក់កំបាំងក្នុងទីក្រុងហាមឃាត់ ដែលអធិរាជចិន ៣ អង្គ សព្វព្រះរាជហឫទ័យខ្លាំង
ផ្ទុះការរិះគន់ កីឡាការិនី Angela វ៉ៃបាន៤៦វិនាទីសុំចុះចាញ់ប៉ះដៃគូភេទទី៣
គ្រោះថ្នាក់ចរាចរណ៍ដែលឆក់ជីវិតមនុស្ស ៩ នាក់នៅ កូរ៉េខាងត្បូង ពេលនេះប៉ូលិសបញ្ចាក់ការពិត
-
សន្តិសុខសង្គម៤ ថ្ងៃ agoនគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ៤ ថ្ងៃ ago១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
ព័ត៌មានជាតិ៥ ថ្ងៃ agoខ្លាធំនាំពីប្រទេសឥណ្ឌា នឹងបំពាក់ប្រព័ន្ធតាមដាន GPS មុនព្រលែងចូលព្រៃធម្មជាតិ
-
ព័ត៌មានជាតិ២ ថ្ងៃ agoរដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៥ ថ្ងៃ agoលោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ៥ ថ្ងៃ agoមន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
សេដ្ឋកិច្ច១៧ ម៉ោង agoខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៦ ថ្ងៃ agoបណ្ឌិត គិន ភា៖ មានគំនិតជាតិនិយមល្អហើយ តែអ្នកបន្លំខ្លួនធ្វើជាអ្នកជាតិនិយមដើម្បីផលប្រយោជន៍ផ្ទាល់ខ្លួន មានច្រើនណាស់