ព័ត៌មានអន្ដរជាតិ
អ៊ុយក្រែន ចាប់ផ្ដើមដាក់ពង្រាយយន្តហោះចម្បាំង F-16 ប្រើប្រាស់
ប្រធានាធិបតីអ៊ុយក្រែន លោក វ៉្លាឌឺមៀរ ហ្សេលេនស្គី បាននិយាយកាលពីថ្ងៃទី៤ខែសីហាថា អ្នកបើកយន្តហោះអ៊ុយក្រែនបានចាប់ផ្តើមហោះហើរ F-16 សម្រាប់ប្រតិបត្តិការនៅក្នុងប្រទេស ក្រោយពីរង់ចាំយន្តហោះចម្បាំងផលិតដោយសហរដ្ឋអាមេរិកនេះអស់រយៈពេលជាង២៩ខែ បន្ទាប់ពីការឈ្លានពានរបស់រុស្ស៊ី។
មេដឹកនាំអ៊ុយក្រែន បាននិយាយ៖ «យន្តហោះ F-16 ស្ថិតនៅក្នុងប្រទេសអ៊ុយក្រែន។ យើងធ្វើវាបានហើយ។ ខ្ញុំមានមោទកភាពចំពោះកម្លាំងរបស់យើងដែលចេះជំនាញយន្តហោះទាំងនេះ ហើយបានចាប់ផ្តើមប្រើវាសម្រាប់ប្រទេសរបស់យើង»។
ការមកដល់នៃយន្តហោះចម្បាំងទាំងនេះគឺជាព្រឹត្តិការណ៍ដ៏សំខាន់មួយសម្រាប់អ៊ុយក្រែនបន្ទាប់ពីការរង់ចាំអស់ជាច្រើនខែ បើទោះជាប្រភពដែលឲ្យ និងចំនួនយន្តហោះជាក់លាក់នៅមិនទាន់បង្ហាញឲ្យដឹងនោះទេ។ មួយវិញទៀត គេក៏នៅមិនទាន់ដឹងថាឥទ្ធិពលនៃ F-16 ធំធេងប៉ុណ្ណាដែរនៅក្នុងការពង្រឹងវិស័យការពារដែនអាកាស និងនៅលើសមរភូមិរបស់អ៊ុយក្រែន។
F-16 បានបំពាក់កាណុងគ្រាប់ទំហំ ២០មិល្លិម៉ែត្រ ហើយអាចផ្ទុកគ្រាប់បែក គ្រាប់រ៉ុកកែត និងគ្រាប់មីស៊ីល។
លោក ហ្សេលេនស្គី បានបញ្ជាក់ថា អ៊ុយក្រែននៅតែមិនមានអ្នកបើកយន្តហោះគ្រប់គ្រាន់ដែលបានទទួលការបណ្តុះបណ្តាល ដើម្បីប្រើប្រាស់ F-16 នៅឡើយទេ ហើយ F-16 ដែលមកដល់ក៏មិនទាន់គ្រប់គ្រាន់អាចបំពេញតម្រូវការអ៊ុយក្រែនបានពេញលេញផងដែរ។ លោក ហ្សេលេនស្គី ថា៖ «រឿងវិជ្ជមានគឺថាយើងកំពុងរំពឹងថានឹងមានយន្តហោះ F-16 បន្ថែមទៀត … ឥឡូវនេះកម្លាំងជាច្រើនកំពុងហ្វឹកហាត់»។
កន្លងមក អ៊ុយក្រែនបានពឹងផ្អែកលើប្រភេទយន្តហោះចម្បាំងចាស់ៗតាំងពីសម័យសូវៀត ហើយត្រូវបានបាញ់ទម្លាក់ដោយយន្តហោះចម្បាំងទំនើបថ្មីៗរបស់រុស្ស៊ី។
ពាក់ព័ន្ធនឹងរឿងដឹកជញ្ជូន F-16 មកដល់ទឹកដីអ៊ុយក្រែន រុស្ស៊ីបានអះអាងថា ខ្លួនបាននិងកំពុងកំណត់គោលដៅដែលអាចជាឃ្លាំងផ្ទុកយន្តហោះចម្បាំងដ៏ទំនើបទាំងនេះ ហើយរុស្ស៊ីប្តេជ្ញាថានឹងបាញ់ទម្លាក់ពួកវាឲ្យអស់ដើម្បីកុំឲ្យជះឥទ្ធិពលដល់សង្រ្គាមដែលកំពុងកើតមាន។
អ្នកនាំពាក្យវិមានក្រឹមឡាំងលោក Dmitry Peskov បាននិយាយកាលពីថ្ងៃទី១ខែសីហាថា យន្តហោះចម្បាំង F-16 ដែលប្រទេសលោកខាងលិច បញ្ជូនទៅកាន់អ៊ុយក្រែន នឹងមិនអាចជួយផ្លាស់ប្តូរស្ថានភាពនៅសមរភូមិបានឡើយ ព្រោះថា វាមិនមែនជា «ថ្នាំវេទមន្ត» ទេ។ លោក Peskov សង្កត់ធ្ងន់ថា ទីក្រុងកៀវ ក៏ដឹងរឿងនេះដែរ។ យន្តហោះទាំងនេះ នឹងត្រូវបាញ់ទម្លាក់និងកម្ទេច ហើយនឹងថយចំនួនបន្តិចម្តងៗ៕
ដោយ៖ ឈាង
ចុចអាន៖ រុស្ស៊ី៖ F-16 មិនមែន «ថ្នាំវេទមន្ត» សម្រាប់ អ៊ុយក្រែន ទេ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
ព្រឹកនេះ អនុព័ន្ធការងារប្រចាំប្រទេសថៃ កំពុងបន្តតាមដានដោយផ្ទាល់នៅទីតាំងរលំអគារ ក្នុងទីក្រុងបាងកក ត្រៀមអន្តរាគមន៍ឲ្យទាន់ពេលវេលាជូនពលករខ្មែរនៅថៃ
រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?