ព័ត៌មានអន្ដរជាតិ
អ៊ីរ៉ង់ ចាប់ខ្លួនមនុស្សជាង២០នាក់ ពាក់ព័ន្ធការធ្វើឃាត មេក្រុមហាម៉ាស
តាមការចុះផ្សាយរបស់ Al Awsat នៅថ្ងៃចន្ទទី៥ខែសីហា ឆ្នាំ២០២៤, មកទល់ពេលនេះ អ៊ីរ៉ង់ចាប់ខ្លួនមនុស្សជាង២០នាក់ហើយ រួមទាំងមន្ត្រីចារកម្មនិការពារជាតិផងដែរ ក្នុងការស៊ើបអង្កេតករណីធ្វើឃាតមេដឹកនាំក្រុមហាម៉ាស Ismail Haniyeh នៅក្នុងរដ្ឋធានី តេហេរ៉ង់។

មន្ត្រីអ៊ីរ៉ង់ពីរនាក់ដែលសុំមិនបញ្ចេញឈ្មោះ បាននិយាយថា អង្គភាពប្រឆាំងចារកម្មនៃកងឆ្មាំបដិវត្តឥស្លាមអ៊ីរ៉ង់ (IRGC) ត្រូវទទួលបន្ទុកការស៊ើបអង្កេត ហើយកំពុងតាមប្រមាញ់ជនសង្ស័យ ដែលជួយឃាតករ រៀបផែនការនិងធ្វើឃាតលោក Haniyeh។
តាមការអះអាង អ្នកដែលត្រូវបានចាប់ខ្លួន រួមមានទាំងមន្ត្រីចារកម្មជាន់ខ្ពស់, មន្ត្រីការពារជាតិ និងបុគ្គលិកនៅកន្លែងដែលលោក Haniyeh ត្រូវគេធ្វើឃាត។

IRGC និយាយថា ឃាតករបានបាញ់មីស៊ីលរយៈចម្ងាយខ្លីទម្ងន់ប្រហែល៧គីឡូក្រាម ចូលទៅក្នុងបន្ទប់របស់លោក Haniyeh ខណៈមកទល់ពេលនេះ អ៊ីស្រាអែលនៅតែមិនបញ្ជាក់ ឬបដិសេធថា ខ្លួនស្ថិតនៅពីក្រោយការធ្វើឃាតនេះដែរឬក៏អត់។
ទោះបីជាយ៉ាងណាក៏ដោយ លោក Benjamin Netanyahu បានប្រកាសត្រៀមខ្លួនរួចជាស្រេចអស់ហើយ ដើម្បីឆ្លើយតបវិញ ប្រសិនភាគីអ៊ីរ៉ង់ ពិតជាសងសឹកចំពោះការធ្វើឃាត មេដឹកនាំកំពូលក្រុមហាម៉ាសរូបនេះមែន។

លោក Netanyahu បានប្រាប់កិច្ចប្រជុំគណៈរដ្ឋមន្ត្រីកាលពីថ្ងៃអាទិត្យថា អ៊ីស្រាអែល ត្រៀមខ្លួនរួចជាស្រេចសម្រាប់សេណារីយ៉ូទាំងឡាយ ហើយនឹងឆ្លើយតបពេញទំហឹងចំពោះទង្វើហួសហេតុពីសំណាក់ចលនាប្រដាប់អាវុធទាំងអស់។
ពាក់ព័ន្ធបញ្ហានេះដែរ រដ្ឋមន្ត្រីការបរទេសអាមេរិក លោក Anthony Blinken បានជូនដំណឹងដល់ក្រុមប្រទេស G7 ថា អ៊ីរ៉ង់និងក្រុមហេសបូឡា អាចបើកការវាយប្រហារលើអ៊ីស្រាអែល ក្នុងរយៈពេល២៤ម៉ោងទៀត៕
អត្ថបទ៖ សុខ សុវណ្ណ

-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?