ព័ត៌មានអន្ដរជាតិ
អតីតមហាសេដ្ឋីអចលនទ្រព្យវៀតណាម ជាប់គុក២១ឆ្នាំ ពីបទឆបោកប្រាក់ ១៤៦លានដុល្លារ
តាមការចុះផ្សាយរបស់ CNA កាលពីថ្ងៃចន្ទទី៥ខែសីហាឆ្នាំ២០២៤, អតីតមហាសេដ្ឋីអចលនទ្រព្យនិងអាកាសចរណ៍វៀតណាមឈ្មោះ Trinh Van Quyet ត្រូវបានកាត់ទោសឲ្យជាប់ពន្ធនាគាររយៈពេល២១ឆ្នាំ ពីបទឆបោកប្រាក់និងរៀបចំទីផ្សារភាគហ៊ុនដែលមានតម្លៃ ១៤៦លានដុល្លារ។
![](https://www.kampucheathmey.com/wp-content/uploads/2024/08/image-267-1024x576.png)
ក្នុងសាលក្រម តុលាការប្រជាជនទីក្រុងហាណូយប្រកាសថា «តាមរយៈទីផ្សារភាគហ៊ុន ចុងចោទបានធ្វើការក្លែងបន្លំ នាំឲ្យមានភាពមិនទុកចិត្តចំពោះអ្នកវិនិយោគនិងទីផ្សារភាគហ៊ុន បង្កជាកំហឹងនៅក្នុងសង្គម។ ដូច្នេះការដាក់ទណ្ឌកម្មពាក់ព័ន្ធ គឺត្រូវបានទាមទារដាច់ខាត»។
តុលាការបានឲ្យដឹងថា លោក Quyet គឺជាម្ចាស់ក្រុមហ៊ុន FLC ដែលរមណីយដ្ឋានប្រណីត ទីលានវាយកូនហ្គោល និងក្រុមហ៊ុនដឹកជញ្ជូន Bamboo Airways ហើយការដែលគាត់ត្រូវបានកាត់ទោសធ្ងន់ធ្ងរបំផុតបែបនេះ គឺដោយសារតែគាត់ជាមេខ្លោងនៃការឆបោក រួមជាមួយមនុស្សចំនួន៤៩នាក់ផ្សេងទៀត។
![](https://www.kampucheathmey.com/wp-content/uploads/2024/08/image-268-1024x576.png)
មនុស្ស៤៩នាក់ផ្សេងទៀត រួមទាំងបងប្អូនស្រីរបស់ Quyet ពីរនាក់និងមន្ត្រីផ្សារហ៊ុន៤នាក់ផងនោះ គឺត្រូវបានកាត់ទោសឲ្យជាប់ពន្ធនាគារចន្លោះ១៥ខែដល់១៤ឆ្នាំ។ ពួកគេត្រូវបានចោទប្រកាន់ពីបទក្លែងបន្លំ រៀបឧបាយកលទីផ្សារភាគហ៊ុន រំលោភអំណាច និងការបោះពុម្ពផ្សាយព័ត៌មានទីផ្សារភាគហ៊ុនមិនត្រឹមត្រូវ។
តុលាការនិយាយថា ត្រឹមចន្លោះឆ្នាំ ២០១៧ ដល់ឆ្នាំ ២០២២ លោក Quyet បានញាត់លុយចូលហោប៉ៅដោយខុសច្បាប់ជាង ១៤៦ លានដុល្លារខណៈជនរងគ្រោះក្នុងករណីក្លែងបន្លំនេះ មានរហូតដល់ទៅ២៥ ០០០នាក់ឯណោះ៕
![](https://www.kampucheathmey.com/wp-content/uploads/2024/08/image-269-1024x576.png)
អត្ថបទ៖ សុខ សុវណ្ណ
ចុចអាន៖ ផ្ដន្ទាទោសស្ត្រីហាយសូ២នាក់ដាក់ពន្ធនាគារក្នុងសំណុំរឿងឆបោកប្រាក់
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ សប្តាហ៍ ago
នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ៧ ថ្ងៃ ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
សេដ្ឋកិច្ច៤ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៥ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ១ សប្តាហ៍ ago
លោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ១ សប្តាហ៍ ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
ព័ត៌មានជាតិ៥ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៣ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល