ព័ត៌មានអន្ដរជាតិ
តើម្នាក់ណាអាចក្លាយជាអនុប្រធានាធិបតីរបស់លោកស្រី ហារីស នៅថ្ងៃនេះ?
បេក្ខជនសក្តានុពលសម្រាប់តំណែងអនុប្រធានាធិបតីនៃគណបក្សប្រជាធិបតេយ្យដែលកំពុងដឹកនាំដោយ លោកស្រី កាម៉ាឡា ហារីស គឺនៅសល់តែពីររូបប៉ុណ្ណោះរហូតមកដល់ពេលនេះ ដែលរំកិលជិតទៅដល់ការប្រកាសជាផ្លូវការ ហើយត្រូវបង្ហាញជាសាធារណលើកដំបូងក្នុងកម្មវិធីល្ងាចនេះនៅសាកលវិទ្យាល័យ Pennsylvania។
បេក្ខជនសក្តានុពលទាំងពីររូបនោះមាន លោក Josh Shapiro បច្ចុប្បន្នជាអភិបាលរដ្ឋ Pennsylvania និងបេក្ខជនម្នាក់ទៀតឈ្មោះ លោក Tim Walz ជាអភិបាលរដ្ឋ Minnesota។ នេះបើយោងតាមការចេញផ្សាយរបស់ទីភ្នាក់ងារព័ត៌មានរ៉យទ័រដែលបានដកស្រង់ប្រភព៣នាក់ដែលដឹងរឿងនៃការជ្រើសរើសរបស់លោកស្រី កាម៉ាឡា ហារីស។
![](https://www.kampucheathmey.com/wp-content/uploads/2024/08/Tim-Walz-1-1024x579.jpg)
![](https://www.kampucheathmey.com/wp-content/uploads/2024/08/Josh-Shapiro-1-1024x439.jpg)
បណ្តាញទូរទស្សន៍ខ្សែកាប្លិ៍ (CNN) របស់សហរដ្ឋអាមេរិក ក៏បានបង្ហាញបេក្ខភាពសក្តានុពលទាំងពីររូបនេះដែរ។
លោកស្រី កាម៉ាឡា ហារីស បានក្លាយជាបេក្ខភាពប្រធានាធិបតីសហរដ្ឋអាមេរិកតំណាងគណបក្សប្រជាធិបតេយ្យសម្រាប់ការបោះឆ្នោតប្រធានាធិបតីនៅថ្ងៃទី៥វិច្ឆិកាចុងឆ្នាំនេះ បន្ទាប់ពី លោក ចូ បៃដិន ប្រកាសដកខ្លួនចេញពីការប្រកួតប្រជែងជាមួយអតីតគូប្រជែងបង្ហូរឈាមក្នុងការបោះឆ្នោតប្រធានាធិបតីកាលឆ្នាំ២០២០ គឺលោក ដូណាល់ ត្រាំ។
ក្រោយលោកប្រធានាធិបតី ចូ បៃដិន ប្រកាសបោះបង់ការប្រកួតប្រជែងនិងអំពាវនាវឲ្យមានការប្រមូលការគាំទ្រទៅលោកស្រីអនុប្រធានាធិបតី កាម៉ាឡា ហារីសកាលពីថ្ងៃទី២១ខែកក្កដា ប្រជាប្រិយភាពរបស់ លោកស្រី ហារីស ក៏ដូចជា គណបក្សប្រជាធិបតេយ្យ បានហក់ឡើងយ៉ាងខ្លាំង រហូតដល់លោកស្រីអាចប្រមូលមូលនិធិរាប់រយលានដុល្លារក្នុងរយៈេដ៏ខ្លីសម្រាប់រៀបចំយុទ្ធនាការនៅពេលខាងមុខ។
បេក្ខភាពអនុប្រធានាធិបតីតំណាងគណបក្សប្រជាធិបតេយ្យ នឹងត្រូវប្រកាសទី៦ខែសីហានេះ រួចហើយលោកស្រី កាម៉ាឡា ហារីស និងរៀបចំការបង្ហាញមុខបេក្ខភាពអនុប្រធានាធិបតីជាលើកដំបូងក្នុងពិធីជួបជុំក្នុងសាកលវិទ្យាល័យ Pennsylvania នៅល្ងាចនេះ៕
រ៉ាន់ រើយ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ សប្តាហ៍ ago
នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី
-
ព័ត៌មានជាតិ៧ ថ្ងៃ ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
សេដ្ឋកិច្ច៤ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៥ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ១ សប្តាហ៍ ago
លោកបណ្ឌិត គិន ភា៖«បើមិនបានជួយជាតិ សូមកុំឱ្យក្លាយជាបន្ទុករបស់ជាតិ»
-
ព័ត៌មានជាតិ១ សប្តាហ៍ ago
មន្ត្រីជាន់ខ្ពស់៖ស្លាប់ម្នាក់ និងបាត់ខ្លួនម្នាក់ ក្នុងហេតុការណ៍ធ្លាក់ឧទ្ធម្ភាគចក្រយោធា
-
ព័ត៌មានជាតិ៥ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៣ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល