ព័ត៌មានអន្ដរជាតិ
ទ័ពអាមេរិកនៅមជ្ឈិមបូព៌ា ប្រុងខ្លួន រងគ្រាប់មីស៊ីលបន្ថែមទៀត
ក្រោយកងទ័ពអាមេរិកច្រើននាក់ ត្រូវរបួសក្នុងការវាយប្រហារដោយមីស៊ីល លើមូលដ្ឋានទ័ពអាកាសរបស់ខ្លួននៅប្រទេសអ៊ីរ៉ាក់ កាលពីរាត្រីថ្ងៃចន្ទទី៥ខែសីហាឆ្នាំ២០២៤, សារព័ត៌មាន Axios បានរាយការណ៍ថា រដ្ឋាភិបាលទីក្រុងវ៉ាស៊ីន ដឹងមុនហើយថា ច្បាស់ជានឹងមានការវាយប្រហារបន្ថែមទៀត លើកងទ័ពរបស់ខ្លួននៅតំបន់មជ្ឈិមបូព៌ា ជាក់ជាមិនខាន ខណៈក្រុមហេសបូឡា និងអ៊ីរ៉ង់ ក៏ត្រៀមវាយប្រហារប្រទេសអ៊ីស្រាអែល ដែរ។
តាមប្រភពពីមន្ទីរបញ្ចកោណ រដ្ឋមន្ត្រីការពារជាតិអាមេរិក លោក Lloyd Austin បានពិភាក្សាអំពីការវាយប្រហារលើមូលដ្ឋានអាកាស Al-Asad ជាមួយសមភាគីអ៊ីស្រាអែល លោក Yoav Gallant ថែមទាំងរៀបចំយុទ្ធសាស្រ្តត្រៀមខ្លួន ចំពោះការសងសឹកពីសំណាក់អ៊ីរ៉ង់ និងក្រុមសកម្មប្រយុទ្ធ ហេសបូឡា ដែលមានមូលដ្ឋាននៅប្រទេសលីបង់ផងដែរ ក្រោយការធ្វើឃាត ប្រមុខផ្នែកនយោបាយក្រុមហាម៉ាសលោក Ismail Haniyeh និងមេបញ្ជាការហេសបូឡា Fouad Shukr នៅទីក្រុង បេរូត។
មន្ត្រីអាមេរិកម្នាក់ដែលសុំមិនបញ្ចេញឈ្មោះព្រោះនេះជាបញ្ហារសើប បានឲ្យដឹងថា «មន្ទីរបញ្ចកោណគិតទុកថា នឹងមានការវាយប្រហារកាន់តែច្រើនឡើងៗពីសំណាក់កងជីវពលគាំទ្រអ៊ីរ៉ង់ ប្រឆាំងនឹងកងកម្លាំងអាមេរិកនៅក្នុងតំបន់ នារយៈពេលប៉ុន្មានថ្ងៃខាងមុខនេះ ហើយសង្កត់ធ្ងន់ថា ស្ថានការណ៍កាន់តែតានតឹង ធ្វើឲ្យចលនាប្រដាប់អាវុធទាំងនោះ លែងអត់ធ្មត់ទៀតហើយ»។
មិនត្រឹមប៉ុណ្ណឹង ចារកម្មអាមេរិកក៏លើកឡើងពីសេណារីយ៉ូពាក់ព័ន្ធនឹងរលកនៃការវាយប្រហារទាំងពីក្រុមហេសបូឡា និងពីប្រទេសអ៊ីរ៉ង់ រួមជាមួយនឹងក្រុមនានាក្នុងតំបន់ផ្សេងទៀត ផងដែរ។
ទោះបីជាយ៉ាងណាក៏ដោយ គេនៅមិនទាន់ច្បាស់ថា ក្រុមណានឹងបើកការវាយប្រហារមុនគេជាបន្តទៀត ហើយការវាយប្រហារនោះនឹងមានទម្រង់បែបណា ឬទ្រង់ទ្រាយធំប៉ុនណា។
សូមបញ្ជាក់ថា កាលពីខែមេសា ទីក្រុងតេហេរ៉ង់ បានបាញ់មីស៊ីល និងបញ្ជូនយន្តហោះគ្មានមនុស្សបើកវាយប្រហារប្រទេសអ៊ីស្រាអែល ក្រោយការបាញ់មីស៊ីលលើស្ថានកុងស៊ុលអ៊ីរ៉ង់នៅទីក្រុងដាម៉ាស នៃប្រទេសស៊ីរី ដែលបានសម្លាប់មន្ត្រីជាន់ខ្ពស់មួយចំនួន។
ចំពោះ Al-Asad វិញ មូលដ្ឋានមួយនេះ តែងរងការបាញ់ប្រហារជាបន្តបន្ទាប់ពីសំណាក់កងជីវពល Shia អ៊ីរ៉ាក់នាពេលកន្លងមក។ វាក៏ត្រូវអ៊ីរ៉ង់បាញ់មីស៊ីលដាក់ នៅក្នុងខែមករាឆ្នាំ ២០២០ផងដែរ បន្ទាប់ពីអាមេរិក ប្រើយន្តហោះគ្មានមនុស្សបើក ធ្វើឃាតមេទ័ពកងឆ្មាំបដិវត្តឥស្លាម លោកឧត្តមសេនីយ៍ Qassem Soleimani ក្នុងទីក្រុងបាកដាដ៕
អត្ថបទ៖ សុខ សុវណ្ណ
ចុចអាន៖ មីស៊ីល វាយប្រហារមូលដ្ឋានទ័ពអាមេរិក នៅអ៊ីរ៉ាក់ របួសទាហានច្រើននាក់
-
ព័ត៌មានអន្ដរជាតិ១ សប្តាហ៍ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
ជីវិតកម្សាន្ដ១ ថ្ងៃ ago
២រសៀលថ្ងៃនេះ! សពលោក កៅ សីហា នឹងត្រូវបូជា នៅវត្តព្រែកឯង
-
ព័ត៌មានអន្ដរជាតិ៣ ថ្ងៃ ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៦ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា៣ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ជីវិតកម្សាន្ដ២២ ម៉ោង ago
ធ្លាយពាក្យចចាមអារ៉ាមថា Michael Jackson នៅមានជីវិត ត្រៀមវិលមកបកអាក្រាត Diddy
-
ជីវិតកម្សាន្ដ៣ ថ្ងៃ ago
តាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ
-
ព័ត៌មានអន្ដរជាតិ៣ ថ្ងៃ ago
សង្គ្រាមលោកលើកទី៣លេចឡើងស្ទង់ៗ