ព័ត៌មានអន្ដរជាតិ
វៀតណាម ចាប់ខ្លួនជនជាតិចិនមួយក្រុម បម្រុងចូលកម្ពុជា ធ្វើការជាមួយបណ្តាញឆបោកតាមអនឡាញ
តាមការចុះផ្សាយរបស់ VN Express កាលពីថ្ងៃអង្គារទី៦ខែសីហាឆ្នាំ២០២៤ ឆ្មាំព្រំដែនវៀតណាម បានឃាត់ខ្លួនបុរសជនជាតិចិនមួយក្រុមមានគ្នា៦នាក់ ដែលចូលប្រទេសនេះដោយខុសច្បាប់ ហើយបម្រុងនឹងបន្តដំណើរចូលប្រទេសកម្ពុជា ដើម្បីចូលធ្វើការឲ្យបណ្តាញឆបោកតាមអនឡាញ។
បញ្ជាការឆ្មាំព្រំដែនខេត្ត Quang Tri បាននិយាយថា ជនជាតិចិនទាំង៦នាក់នេះ បានចូលវៀតណាមតាមច្រកតូចមួយ ក្បែរច្រកព្រំដែនអន្តរជាតិ Lao Bao ក្នុងស្រុក Huong Hoa ជាប់ព្រំដែនឡាវ ហើយបច្ចុប្បន្ន ជនជាតិចិនទាំង៦នាក់នេះ ត្រូវបានភាគីវៀតណាម ឃុំខ្លួនជាបណ្តោះអាសន្នសិន។
នេះមិនមែនជាលើកដំបូងឡើយដែលវៀតណាម ចាប់បានជនជាតិចិន ដែលចូលមកដោយខុសច្បាប់ ពោលគឺថា កាលពីមុនវៀតណាម ក៏ចាប់បានដូចករណីនេះដែរ។ មានព័ត៌មានថា ជនជាតិចិន បានចូលប្រទេសវៀតណាម ដោយមានជំនួយពីសំណាក់ម្ចាស់សណ្ឋាគារមួយដែលគេមិនទាន់បញ្ចេញឈ្មោះ នៅតំបន់ត្រីកោណមាស។
ជនជាតិចិនទាំងនេះ បានរៀនចំណេះជំនាញនិងបច្ចេកទេសឆបោកតាមអនឡាញនៅក្នុងតំបន់ត្រីកោណមាស ហើយបម្រុងចេញពីវៀតណាម ចូលកម្ពុជា ដើម្បីធ្វើការជាមួយក្រុមឧក្រិដ្ឋជន។
តំបន់ត្រីកោណមាស ជាទីតាំងល្បីល្បាញចំពោះការផលិត ព្រមទាំងជួញដូរអាភៀន និងហេរ៉ូអ៊ីន។ ទីតាំងភូមិសាស្រ្តរបស់វា គឺគ្របដណ្តប់ពីភាគខាងជើងប្រទេសថៃ ភាគខាងលិចឡាវ និងភាគខាងកើតប្រទេសមីយ៉ាន់ម៉ា ហើយទីនោះជាតំបន់ភ្នំនិងដាច់ស្រយាល ធ្វើឲ្យរដ្ឋាភិបាលនានាពិបាកគ្រប់គ្រង៕
អត្ថបទ៖ សុខ សុវណ្ណ
ចុចអាន៖ កម្ពុជាបណ្ដេញជនជាតិចិនម្នាក់ចេញពីប្រទេស ក្រោយសិង្ហបុរីផ្តន្ទាទោសដាក់ពន្ធនាគារពីបទសម្អាតប្រាក់
-
ព័ត៌មានជាតិ១ សប្តាហ៍ ago
១០ឆ្នាំចុងក្រោយ ទ័ពអាកាសកម្ពុជាជួបឧបទ្ទវហេតុធ្លាក់ឧទ្ធម្ភាគចក្រ២លើក ស្លាប់មនុស្ស៧នាក់
-
សេដ្ឋកិច្ច៥ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ៦ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៦ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៤ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
ចរាចរណ៍៣ ថ្ងៃ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
-
វប្បធម៌ ជំនឿ២ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ព័ត៌មានអន្ដរជាតិ១ សប្តាហ៍ ago
មនុស្សរាប់ម៉ឺននាក់នៅភាគខាងត្បូងមីយ៉ាន់ម៉ា ត្រូវជម្លៀស ព្រោះទឹកជំនន់វាយប្រហារ