ព័ត៌មានអន្ដរជាតិ
មេដឹកនាំកូរ៉េខាងជើង បញ្ជូនយុវជន៣០ម៉ឺននាក់ទៅជួយក្នុងតំបន់ទឹកជំនន់
យុវជនកូរ៉េខាងជើងរាប់សិបម៉ឺននាក់ នឹងត្រូវបញ្ជូនទៅរស់នៅ និងស្ដារឡើងវិញនូវហេដ្ឋារចនាសម្ព័ន្ធនៅក្នុងតំបន់គ្រោះមហន្តរាយទឹកជំនន់ដ៏អាក្រក់នៅតាមព្រំដែនជាប់ជាមួយប្រទេសចិន ដែលនេះគឺជាផ្នែកមួយនៃយុទ្ធនាការរបស់លោក គីម ជុងអ៊ុន ដើម្បីបណ្តុះការស្ដាប់ឱវាទរបស់យុវជនចំពោះខ្លួនតាមរយៈការប្រឹងប្រែងបញ្ចេញកម្លាំងពលកម្មជួយជាតិ។
ទីភ្នាក់ងារព័ត៌មានរដ្ឋកូរ៉េខាងជើង KCNA បានរាយការណ៍នៅថ្ងៃពុធនេះថា កងកម្លាំងដែលត្រៀមបញ្ជូនទៅនេះ ត្រូវគេឲ្យឈ្មោះថា «Paektusan Hero Youth Shock Brigade» ហើយត្រូវធ្វើដំណើរទៅកាន់តំបន់ Sinuiju និងតំបន់ Uiju នៃខេត្ត North Phyongan។ មេដឹកនាំកូរ៉េខាងជើង បាននិយាយថា គម្រោងស្ដារឡើងវិញនេះ នឹងក្លាយជា «យុទ្ធនាការសាងសង់បដិវត្តន៍ដ៏ធំសម្បើមមួយសម្រាប់ផ្តល់នូវការលើកមុខមាត់យ៉ាងពេញលេញ» ដល់តំបន់ដែលរងគ្រោះព្រោះគ្រោះមហន្តរាយនៅក្នុងតំបន់អាងស្តុកទឹកទន្លេ Amnok។
ពេលចុះទៅតំបន់រងគ្រោះកាលពីសប្ដាហ៍មុន លោក គីម បានបញ្ជាឲ្យយុវជនកងពលតូច ទាហាន និងសមាជិកបក្ស សាងសង់ផ្ទះសម្បែងថ្មីចំនួន ៤៤០០ខ្នង ក្រោយទឹកជំនន់បានបំផ្លិចបំផ្លាញផ្ទះប្រជាជនអស់ចំនួន ៤១០០ខ្នង និងដីកសិកម្មទំហំ ៣០០០ហិកតា កាលពីចុងខែកក្កដា។
លោក គីម បានអះអាងថា យុវជនជិត៣០ម៉ឺននាក់បាន «ស្ម័គ្រចិត្ត» សម្រាប់គម្រោងនេះតាមបញ្ជារបស់លោក ដោយនិយាយថាពួកគេត្រូវបានលើកទឹកចិត្តដោយសេចក្ដីស្នេហាជាតិ ការលះបង់ក្នុងការលើកកម្ពស់សង្គមនិយម និងការយល់ដឹងពី «ការតស៊ូដើម្បីទប់ទល់ឧបសគ្គដែលរារាំងការឈានទៅមុខរបស់ពួកគេ»។ លោក គីម បានបន្ថែមថា៖ «ការសាទរក្នុងការស្ម័គ្រចិត្តបែបនេះមិនអាចប្រទះឃើញនៅក្នុងប្រទេសផ្សេងទៀតទេ» ដោយបន្ថែមថាលោកចង់និយាយទៅកាន់ពិភពលោកដោយមោទកភាពដែលប្រទេសលោកមានយុវជនដ៏អស្ចារ្យបែបនេះ។
កាលពីដើមឆ្នាំ២០២៣ មេដឹកនាំកូរ៉េខាងជើង ធ្លាប់ប្រើប្រាស់យុវជនជាង ១០ម៉ឺននាក់ «គ្មានបទពិសោធន៍» ឲ្យទៅសាងសង់អគារកម្ពស់៨០ជាន់ និងអគារមួយចំនួនទៀតនៅរដ្ឋធានីព្យុងយ៉ាង។ កាលណោះ លោក គីម បានបញ្ជាក់ថា ការធ្វើឲ្យយុវជនទាំងនោះឆ្លងកាត់ «ការលំបាក» នឹងជួយពួកគេ «ត្រៀមខ្លួនកាន់តែរឹងមាំក្នុងនាមជាអ្នកស្នងបដិវត្តន៍»។ បើតាមសេចក្ដីរាយការណ៍ យុវជនកូរ៉េខាងជើងទាំងនោះ បានបញ្ចប់គម្រោងដ៏ធំនេះ នៅក្នុងខែឧសភាឆ្នាំ២០២៤ បន្ទាប់ពីបានរស់នៅក្នុងការដ្ឋានសំណង់ ហើយធ្វើការទាំងយប់ទាំងថ្ងៃអស់រយៈពេល១៥ខែ។
សូមបញ្ជាក់ថា ក្រៅតែពីខេត្ត North Phyongan ក៏ធ្លាប់មានសេចក្ដីរាយការណ៍ថា ខេត្ត២ផ្សេងទៀតនៅកូរ៉េខាងជើងក៏រងការខូចខាតព្រោះទឹកជំនន់ផងដែរ។ ខេត្តទាំង២ មានដូចជា ខេត្ត Jagang និងខេត្ត Ryanggang ហើយលោក គីម កាលពីថ្ងៃទី២៧ខែកក្កដាបានបញ្ជូនក្រុមយោធាទៅជួយ តែមិនមែនជាក្រុមយុវជនវ័យក្មេងនោះទេ ដោយហេតុថា នៅក្នុងខេត្ត Jagang សម្បូរទៅដោយរោងចក្រផលិតសព្វាវុធសំខាន់ៗរបស់កូរ៉េខាងជើង៕
ដោយ៖ ឈាង
នគរបាលនាយកដ្ឋានប្រឆាំងបទល្មើសសេដ្ឋកិច្ច ចុះដកហូតទឹកឃ្មុំក្លែងបន្លំប្រភពដើមប្រមាណជិត ២០តោន
កម្ពុជាមានក្រុមហ៊ុនវិនិយោគអាជីវកម្មរ៉ែមាស ១១ ក្រុមហ៊ុន ប្រតិបត្តិការនៅ ៦ ខេត្ត ទូទាំងប្រទេស
លោក តាន់ អ៊ីឈីតាន់ ចុះប្រគល់រង្វាន់ ១០០លានរៀល ដោយផ្ទាល់ដល់អ្នកមានសំណាងនៅស្រុកកំចាយមារ ខេត្តព្រៃវែង
កសិករម្នាក់ ដាំដំណាំមួយប្រភេទនៅក្នុងស្រុកទឹកឈូ ដែលផ្លែវា១គីឡូក្រាមអាចលក់តម្លៃបានជាង១ពាន់ដុល្លាអាមេរិក
អ្នកធ្លាប់ប្រើ ប.ស.ស.ថា គ្មានការកំណត់ចំនួនដងដូចការប្រឌិតព័ត៌មានឡើយ
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៤ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៦ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត