ព័ត៌មានអន្ដរជាតិ
ទ័ពអ៊ុយក្រែន ១ពាន់នាក់ សម្រុកឆ្លងដែន ចូលបាញ់ក្នុងដីរុស្ស៊ី មិនធ្លាប់មានសោះ
ក្នុងសន្និសីទវីដេអូជាមួយប្រធានាធិបតី វ្ល៉ាឌីមៀរ ពូទីន និងមន្ត្រីការពារជាតិ, មេទ័ពរុស្ស៊ី លោក Valery Gerasimov ប្រាប់ថា នៅព្រឹកថ្ងៃទី៦ខែសីហា កងទ័ពអ៊ុយក្រែន រហូតដល់ទៅ ១ ០០០ នាក់បានបើកការវាយលុកឆ្លងដែន ដើម្បីកាន់កាប់ស្រុក Sudzhansky នៃខេត្ត Kursk ខណៈបើយោងតាមសារព័ត៌មាន RT, ប្រតិបត្តិការនោះបណ្តាលឲ្យទាហានទីក្រុងកៀវ ៣០០នាក់បាត់បង់ជីវិត ប៉ុន្តែសេចក្តីរាយការណ៍នេះ មិនទាន់បញ្ជាក់ដោយភាគីអ៊ុយក្រែននោះទេ។
ការប្រយុទ្ធគ្នានោះ បានអូសបន្លាយតាំងពីយប់ថ្ងៃទី៦ ឈានដល់ព្រឹកថ្ងៃទី៧ ខែសីហា ប៉ុន្តែលោក Gerasimov និយាយថា យោធារុស្ស៊ី តបតដោយវាយបណ្តេញទ័ពអ៊ុយក្រែនឲ្យដកថយទៅដីរបស់ខ្លួនវិញ។
លោក Gerasimov អះអាងថា មានទាហានអ៊ុយក្រែន៣១៥នាក់ត្រូវបានសម្លាប់ និង២១៥នាក់រងរបួស។ ក្នុងនោះ អ៊ុយក្រែនក៏ខ្ទេចរថពាសដែកអស់៥៤គ្រឿងនិងរថក្រោះ៧គ្រឿងផងដែរ។
ស្របពេលជាមួយគ្នានោះ លោក Alexei Smirnov អភិបាលស្តីទីនៃតំបន់ Kursk លើកឡើងថា ក៏មានអ្នកស្លាប់នៅខាងទឹកដីរុស្ស៊ីដែរ ប៉ុន្តែមិនបញ្ចេញតួលេខច្បាស់ទេ ហើយអំពាវនាវឲ្យប្រជាជនបរិច្ចាគឈាមទៀតផង។
ជុំវិញរឿងនេះ លោក ពូទីន និយាយថា របបទីក្រុងកៀវ នៅតែបង្ករឿងទ្រង់ទ្រាយធំឥតឈប់ ដោយកំណត់គោលដៅលើជនស៊ីវិលដោយមិនរើសមុខ។ កងកម្លាំងអ៊ុយក្រែន កំពុងប្រើអាវុធជាច្រើនប្រភេទ រួមទាំងរ៉ុកកែតផងដែរ ដោយបាញ់មិនរើសមុខ ទៅលើអគារស៊ីវិល ផ្ទះ និងសូម្បីឡានពេទ្យ។
សូមបញ្ជាក់ថា តំបន់ Kursk គ្របដណ្តប់លើផ្ទៃដីជិត ៣០ ០០០ គីឡូម៉ែត្រការ៉េនិងមានប្រជាជនជាងមួយលាននាក់ ដែលមានទីតាំងស្ថិតនៅភាគខាងលិចប្រទេសរុស្ស៊ី ជាប់នឹងតំបន់ Sumy Oblast របស់អ៊ុយក្រែន ហើយនេះគឺជាការវាយលុកឆ្លងដែនទ្រង់ទ្រាយធំបំផុត ចាប់តាំងពីជម្លោះរុស្ស៊ី-អ៊ុយក្រែន ផ្ទុះឡើង៕
អត្ថបទ៖ សុខ សុវណ្ណ
ចុចអាន៖ អ៊ុយក្រែន ចាប់ផ្ដើមដាក់ពង្រាយយន្តហោះចម្បាំង F-16 ប្រើប្រាស់
-
សេដ្ឋកិច្ច៦ ថ្ងៃ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ១៧ ម៉ោង ago
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
ព័ត៌មានជាតិ៧ ថ្ងៃ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ៧ ថ្ងៃ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៥ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ៣ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៤ ថ្ងៃ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
-
ព័ត៌មានជាតិ១ សប្តាហ៍ ago
យុវជនចេញមុខពន្យល់រឿងCLVយ៉ាងសាមញ្ញ ដើម្បីកុំឱ្យយុវជនខ្លះជឿការញុះញង់ដោយគ្មានមូលដ្ឋាន