ព័ត៌មានអន្ដរជាតិ
ទឹកជំនន់បង្កគ្រោះធ្ងន់ធ្ងរនៅយេម៉ែន ខណៈមនុស្ស៣០បាត់បង់ជីវិត
ភ្លៀងធ្លាក់ជាច្រើនថ្ងៃជាប់ៗគ្នាក្នុងប្រទេសយេម៉ែន បានបង្កជាទឹកជំនន់បណ្តាលឱ្យមនុស្សយ៉ាងតិច៣០នាក់បាត់បង់ជីវិតនិងរាប់រយនាក់ត្រូវបានជម្លៀសចេញក្រោយទឹកជំនន់វាយប្រហារទីក្រុង Hodeidah ភាគខាងត្បូងប្រទេសយេម៉ែន។ យោងទីភ្នាក់ងារព័ត៌មានAP។

ទីក្រុង Hodeidah ស្ថិតនៅភាគនិរតីនៃទីក្រុងTaiz និងទីក្រុង Hajjah ភាគពាយ័ព្យ សុទ្ធតែរងការវាយប្រហារយ៉ាងធ្ងន់ធ្ងរដោយទឹកជំនន់ក្នុងសប្តាហ៍នេះ អំឡុងពេលមានភ្លៀងធ្លាក់ជាបន្តបន្ទាប់ក្នុងប្រទេសយេម៉ែន ដែលបណ្តាលឱ្យមានទឹកជំនន់យ៉ាងគំហុកហូរកាត់បំផ្លាញផ្ទះប្រមាណ៥០០ខ្នង ខណៈមនុស្ស៥នាក់បន្តបាត់ខ្លួននៅឡើយ។
ជាមួយគ្នានេះការិយាល័យមនុស្សធម៌របស់អង្គការសហប្រជាជាតិក្នុងប្រទេសយេម៉ែនបានឲ្យដឹងដែរថា ទឹកជំនន់កាលពីថ្ងៃសុក្រនៅក្នុងស្រុក Maqbnah ក្នុងទីក្រុង Taiz បានសម្លាប់មនុស្សចំនួន១៥នាក់ បំផ្លាញដីកសិកម្ម ខូចខាតផ្ទះសម្បែង និងហេដ្ឋារចនាសម្ព័ន្ធនានា។ អ្នកស្រុកមួយចំនួនត្រូវបានគេរាយការណ៍ថា បានជាប់គាំងនៅក្នុងផ្ទះរបស់ពួកគេនៅក្នុងស្រុក al-Mansuriyah ចាប់តាំងពីយប់ថ្ងៃអង្គារ ខណៈដែលផ្លូវត្រូវបានបិទ។

អាជ្ញាធរមូលដ្ឋាននៅតែមិនទាន់ទៅដល់តំបន់ដែលរងផលប៉ះពាល់ធ្ងន់ធ្ងរដោយសារទឹកជំនន់នៅឡើយ រយៈពេលពីរថ្ងៃនេះ ដែលធ្វើឲ្យអ្នកស្រុកមួយចំនួនដែលជាប់នៅក្នុងផ្ទះរបស់ពួកគេ មានការខ្វះខាតស្បៀងអាហារ។
ទន្ទឹមនោះមូលនិធិអង្គការសហប្រជាជាតិសម្រាប់ប្រជាជនយេម៉ែនក៏បានបង្ហាញតួរលេខលើប្រព័ន្ធផ្សព្វផ្សាយសង្គម X ថា ទឹកជំនន់បានប៉ះពាល់ដល់មនុស្សជាង ២៨០០០នាក់ដែលរស់នៅក្នុងសង្កាត់ចំនួន៤ក្នុងទីក្រុង Hajjah ហើយប្រហែល ៤១១២ គ្រួសារដែលត្រូវការជំនួយសង្គ្រោះបន្ទាន់។

រដូវវស្សានៅក្នុងប្រទេសយេម៉ែនចាប់ផ្តើមនៅចុងខែមីនា ហើយភ្លៀងធ្លាក់ខ្លាំងនៅក្នុងខែកក្កដារហូតដល់ពាក់កណ្តាលខែសីហា។ ប៉ុន្តែរដូវវស្សានៅក្នុងឆ្នាំនេះហាក់ដូចជាបង្កផលវិបាកកាន់តែធ្ងន់ធ្ងរបន្ថែមទៀតដល់ប្រទេសនេះ ខណៈសង្រ្គាមស៊ីវិលដ៏មហន្តរាយរបស់ប្រទេសយេម៉ែន បានចាប់ផ្តើមនៅក្នុងឆ្នាំ២០១៤នៅពេលដែលក្រុមហ៊ូធី បានដណ្តើមយករដ្ឋធានី Sanaa និងភាគច្រើននៃភាគខាងជើងនៃប្រទេសយេម៉ែន ហើយបានបង្ខំរដ្ឋាភិបាលដែលទទួលស្គាល់ជាអន្តរជាតិត្រូវនិរទេសខ្លួន ហើយបញ្ហាសង្គ្រាមនេះបានធ្វើឲ្យប្រទេសនេះមានវិបត្តិនានារួមទាំងសេដ្ឋកិច្ចផងដែរ៕

អត្ថបទ៖ ប៊ុន សុភាព

-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?