ព័ត៌មានអន្ដរជាតិ
WHO ត្រៀមបញ្ជូនវ៉ាក់សាំងជាង១លានដូសទៅហ្គាហ្សា ក្រោយរកឃើញវីរុសគ្រុនស្វិតដៃជើង
អង្គការសុខភាពពិភពលោក (WHO) បានប្រកាសកាលពីថ្ងៃទី៧ខែសីហាថា ខ្លួននឹងបញ្ជូនវ៉ាក់សាំងជំងឺគ្រុនស្វិតដៃជើងជាងមួយលានដូសទៅកាន់តំបន់ហ្គាហ្សា ដែលកំពុងរងគ្រោះដោយសារភ្លើងសង្គ្រាម។ ការប្រកាសរបស់ WHO ធ្វើឡើង បន្ទាប់ពីការប្រទះឃើញមានវីរុសគ្រុនស្វិតដៃជើងក្នុងទឹកសំណល់នៅលើទឹកដីប៉ាឡេស្ទីន។
ប្រធាន WHO លោក Tedros Adhanom Ghebreyesus បាននិយាយថា ដើម្បីផ្ដល់វ៉ាក់សាំងឲ្យកុមារក្នុងហ្គាហ្សា បុគ្គលិកសុខាភិបាលត្រូវការឲ្យភាគីទាំងសងខាងនៃជម្លោះបញ្ឈប់សកម្មភាពបាញ់សម្លាប់គ្នាមួយរយៈ ដោយក្នុងនោះមានដូចជា បទឈប់បាញ់ ឬយ៉ាងហោចណាស់ «ភាពស្ងប់ស្ងាត់២ទៅ៣ថ្ងៃ»។ លោក Tedros បានបញ្ជាក់ទៀតថា វ៉ាក់សាំងរបស់ WHO នឹងទៅដល់ទឹកដីហ្គាហ្សាក្នុងរយៈពេលប៉ុន្មានសប្ដាហ៍ខាងមុខទៀត។
ប្រធាន WHO រូបនេះ បានបន្តថា៖ «ការរកឃើញជំងឺគ្រុនស្វិតដៃជើងនៅក្នុងទឹកសំណល់នៅតំបន់ហ្គាហ្សា គឺជាសញ្ញាប្រាប់ឲ្យដឹងថា មេរោគបានកំពុងសាយភាយនៅក្នុងសហគមន៍ ដោយធ្វើឲ្យកុមារដែលមិនបានចាក់វ៉ាក់សាំងប្រឈមនឹងហានិភ័យ»។
កាលពីថ្ងៃទី៣០ខែកក្កដា ក្រសួងសុខាភិបាលនៅហ្គាហ្សាដែលគ្រប់គ្រងដោយក្រុមហាម៉ាស បានប្រកាសថា ទឹកដីប៉ាឡេស្ទីនបានក្លាយជា «តំបន់រីករាលដាលនៃជំងឺគ្រុនស្វិតដៃជើង» ដោយបន្ទោសទៅលើការវាយលុករបស់យោធាអ៊ីស្រាអែល គិតចាប់តាំងពីថ្ងៃទី៧ខែតុលា ដែលបានបំផ្លិចបំផ្លាញមណ្ឌលសុខភាពអស់ជាច្រើនកន្លែង។
ក្រសួងសុខាភិបាលហ្គាហ្សា បានប្រាប់ថា វីរុសត្រូវបានរកឃើញនៅក្នុងសំណាកទឹកសំណល់ដែលបានយកនៅក្នុងតំបន់ Khan Younis នៅភាគខាងត្បូងនៃហ្គាហ្សា និងកន្លែងជាច្រើនទៀតនៅចំកណ្ដាលតំបន់ហ្គាហ្សា។ ភាគច្រើនវីរុសទាំងនោះជាញឹកញាប់ឆ្លងតាមរយៈទឹកសម្អុយ ហើយវាងាយឆ្លងខ្លាំងណាស់ ជាពិសេសក្មេងៗក្រោមអាយុ៥ឆ្នាំ។ វីរុសប្រភេទនេះអាចបណ្តាលរាងកាយខ្វិន និងស្វិត ហើយខ្លះឈានដល់ស្លាប់។
សង្រ្គាមនៅតំបន់ហ្គាហ្សា ផ្ដើមចេញពីការវាយប្រហារដែលមិនធ្លាប់មានពីមុនមករបស់ក្រុមហាម៉ាសកាលពីថ្ងៃទី៧ខែតុលាឆ្នាំ២០២៣ ទៅលើប្រទេសអ៊ីស្រាអែល ដែលបណ្តាលឲ្យមនុស្សស្លាប់ចំនួន ១១៩៨នាក់ ភាគច្រើនជាជនស៊ីវិល។ នេះបើយោងតាមតួលេខរបស់ទីភ្នាក់ងារព័ត៌មាន AFP ដោយផ្អែកលើតួលេខផ្លូវការរបស់អ៊ីស្រាអែល។ ទន្ទឹមនោះ ហាម៉ាសក៏បានចាប់ចំណាប់ខ្មាំងចំនួន ២៥១នាក់ផងដែរ ដែលក្នុងនោះ ១១១នាក់នៅតែកំពុងត្រូវបានឃុំខ្លួននៅក្នុងហ្គាហ្សា រួមទាំងមនុស្ស៣៩នាក់ដែលយោធាអ៊ីស្រាអែលនិយាយថាពួកគេបានបាត់បង់ជីវិតទៅហើយ។
ការសងសឹករបស់អ៊ីស្រាអែលនៅហ្គាហ្សា បានសម្លាប់មនុស្សយ៉ាងហោចណាស់ ៣៩ ៦៧៧នាក់ មានទាំងជនស៊ីវិលនិងក្រុមសកម្មប្រយុទ្ធ នេះបើយោងតាមក្រសួងសុខាភិបាលហ្គាហ្សា៕
ដោយ៖ ឈាង
ប្រធានកិត្តិយសនៃសមាគមមូលនិធិអភិរក្សដំរីអៃរាវត្តាខ្មែរ ទៅមើលផ្ទាល់ការថែទាំកូនដំរីឈ្មោះ«លំផាត់» នៅសួនសត្វភ្នំតាម៉ៅ
ជនជាតិចិនម្នាក់ ត្រូវនគរបាលបណ្ដេញចេញពីប្រទេសកម្ពុជា
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អភិបាលខេត្តស្វាយរៀងអរគុណសប្បុរសជនដែលធ្វើបុណ្យជាមួយការអប់រំ
ពលរដ្ឋមួយចំនួនចាត់ទុកការធ្វើបាតុកម្មនៅកូរ៉េជាការបំផ្លាញក្ដីសុខពលរដ្ឋ និងកិត្តិយសប្រទេសកម្ពុជា
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
មេណាតូ ជំរុញឲ្យ ហ្សេលេនស្គី ផ្សះផ្សាទំនាក់ទំនងជាមួយលោក ត្រាំ
-
ព័ត៌មានអន្ដរជាតិ៥ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៧ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ