ព័ត៌មានអន្ដរជាតិ
ជប៉ុន ជួបគ្រោះរញ្ជួយដីកម្រិតធ្ងន់ ទាញសញ្ញាព្រមានរលកយក្សស៊ូណាមិ
តាមសេចក្តីរាយការណ៍របស់ NHK, នៅថ្ងៃព្រហស្បតិ៍ទី៨ខែសីហាឆ្នាំ២០២៤ គ្រោះរញ្ជួយដីដ៏ខ្លាំងមួយ បានវាយប្រហារតំបន់ឆ្នេរភាគខាងត្បូងប្រទេសជប៉ុន ឈានដល់ការព្រមានអំពីរលកយក្សស៊ូណាមិ។
ទីភ្នាក់ងារឧតុនិយមជប៉ុននិយាយថា គ្រោះរញ្ជួយដីនេះមានកម្រិត ៧.១រ៉ិចទ័រ ជាមួយជម្រៅប្រហែល៣០គីឡូម៉ែត្រ ដោយវាយប្រហារកោះ Kyushu។
តាមការព្យាកររបស់ទីភ្នាក់ងារខាងលើ រលកសមុទ្រអាចឈានដល់កម្ពស់១ម៉ែត្រ នៅតាមបណ្តោយឆ្នេរភាគខាងត្បូងកោះ Kyushu ក៏ដូចជាកោះ Shikoku នៅក្បែរនោះផងដែរ។
ស្របពេលជាមួយគ្នានោះ ប្រតិបត្តិកររោងចក្រនុយក្លេអ៊ែរនៅលើកោះទាំងពីរ ក៏កំពុងពិនិត្យមើលថាតើមានការខូចខាតដល់ម៉ាស៊ីនរ៉េអាក់ទ័រដែរឬទេ។
ទោះបីជាយ៉ាងណាក៏ដោយ ភ្លាមៗ មិនទាន់មានសេចក្តីរាយការណ៍អំពីមនុស្សស្លាប់ឬរបួស ហើយជប៉ុន ក៏មិនទាន់វាយតម្លៃអំពីការខូចខាតណាមួយដែរ។
សូមបញ្ជាក់ថា ជប៉ុន មានទីតាំងភូមិសាស្រ្តស្ថិតនៅលើខ្សែក្រវាត់ភ្នំភ្លើង «Ring of Fire» ដែលព័ទ្ធជុំវិញមហាសមុទ្រប៉ាស៊ីហ្វិក ហើយជាប្រទេសមួយក្នុងចំណោមប្រទេស ដែលងាយនឹងជួបគ្រោះរញ្ជួយដីបំផុតនៅលើពិភពលោក។
រម្លឹកទៅការរញ្ជួយដីនៅថ្ងៃទី១ខែមករា ក្នុងតំបន់ Noto ភាគពាយព្យប្រទេសជប៉ុន, កាលនោះគ្រោះមហន្តរាយ បានបណ្តាលឲ្យមនុស្សជាង២៤០នាក់ បាត់បង់ជីវិត៕
អត្ថបទ៖ សុខ សុវណ្ណ
ចុចអាន៖ វៀតណាម ព្រមានកើតរញ្ជួយដីបន្តទៀត នៅខេត្ត ជាប់ព្រំដែនកម្ពុជា
-
ព័ត៌មានអន្ដរជាតិ៦ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម១ សប្តាហ៍ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ១ សប្តាហ៍ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ២ ថ្ងៃ ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៥ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា២ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ជីវិតកម្សាន្ដ២ ថ្ងៃ ago
តាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ
-
ព័ត៌មានអន្ដរជាតិ២ ថ្ងៃ ago
សង្គ្រាមលោកលើកទី៣លេចឡើងស្ទង់ៗ