ព័ត៌មានអន្ដរជាតិ
ឥទ្ធិពលព្យុះនឹងប៉ះពាល់ដល់មនុស្ស១៧លាននាក់នៅអាមេរិក
ព្យុះកំបុតត្បូងដ៏មានឥទ្ធិពលបានបំផ្លាញសាលារៀនមួយ និងបានសម្លាប់មនុស្សម្នាក់ ខណៈដែលព្យុះនេះបង្កឲ្យមានភ្លៀងធ្លាក់ខ្លាំង និងជន់លិចសហគមន៍នៅខាងជើងនិងខាងត្បូងរដ្ឋ Carolina សហរដ្ឋអាមេរិក។ នេះបើយោងតាមការចេញផ្សាយរបស់ទីភ្នាក់ងារព័ត៌មានAPនៅថ្ងៃទី៩ខែសីហានេះ។
ព្យុះកំបុតត្បូងដែលកើតចេញពីព្យុះត្រូពិច Debby បានបំផ្លាញផ្ទះមួយនៅនៅ Lucama រដ្ឋ North Carolina ត្រឹមតែរយៈពេល១៥វិនាទីប៉ុណ្ណោះ។ ជាមួយគ្នានេះ សាលារៀន Springfield Middle ដែលមានផ្នែកខ្លះនៃជញ្ជាំង និងដំបូលសាលារៀនថ្នាក់ទី៦និងទី៧ បានរងការខូតខាតស្ទើរទាំងស្រុង។
ព្យុះកំបុតត្បូងគឺជាព្យុះមួយក្នុងចំណោមខ្យល់ព្យុះយ៉ាងហោចណាស់បីទៀតដែលត្រូវបានរាយការណ៍ថា បានបំផ្លិចបំផ្លាញខ្លាំងបំផតនៅរដ្ឋ North Carolina ត្រឹមតែមួយយប់ ខណៈមនុស្សម្នាក់ត្រូវបានគេប្រទះឃើញស្លាប់នៅក្នុងផ្ទះដែលរងការខូចខាតដោយការបំផ្លាញនៃព្យុះកំបុតត្បូងនេះ។
ការព្រមានអំពីព្យុះកំបុតត្បូងក៏បានបន្តចេញនៅទូទាំងរដ្ឋ North Carolina និង រដ្ឋ Virginia រហូតដល់យប់ថ្ងៃសុក្រ និងក៏មានការព្រមានពីឥទ្ធិពលរបស់វាអាចប៉ះពាល់មនុស្សជាង១៧លាននាក់នៅក្នុងផ្នែកខ្លះនៃរដ្ឋ Washington , Maryland, North Carolina, Virginia និង West Virginia។
ទន្ទឹមនឹងនេះ ទំនប់ទឹកមួយនៅភាគខាងជើងនៃទីក្រុង Fayetteville រដ្ឋ North Carolina បានបាក់កាលពីព្រឹកថ្ងៃព្រហស្បតិ៍ និងទឹកហូរហៀរពេញតំបន់នោះ ដោយជម្លៀសប្រជាជនចេញ ប៉ុន្តែគ្មាននរណាម្នាក់រងរបួស និងគ្មានសំណង់ណាមួយត្រូវបានខូចខាតនោះទេ។ ទោះបីជាយ៉ាងណា ទឹកជំនន់បន្ថែមទៀតត្រូវបានគេរំពឹងថានឹងកើតមាននៅ ខាងត្បូង និងខាងជើងរដ្ឋ Carolina ។
មជ្ឈមណ្ឌលព្យុះសង្ឃរាជាតិ (National Hurricane Center) បាននិយាយថា Debby គឺជាព្យុះត្រូពិចមួយជាមួយនឹងកម្លាំងខ្យល់អតិបរមាក្នុងល្បឿន៥៥គីឡូម៉ែត្រក្នុងមួយម៉ោង។ វាបានបោកបក់កាលពីព្រឹកថ្ងៃចន្ទនៅឈូងសមុទ្រនៃរដ្ឋ Florida ជាព្យុះសង្ឃរាប្រភេទទី ២បន្ទាប់មក Debby បានបោកបក់ជាលើកទីពីរនៅព្រឹកថ្ងៃព្រហស្បតិ៍នៅរដ្ឋ South Carolina ជាព្យុះត្រូពិច៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា