ព័ត៌មានអន្ដរជាតិ
អ៊ីស្រាអែលយល់ព្រមបន្តកិច្ចចរចាបទឈប់បាញ់ឡើងវិញនៅសប្ដាហ៍ក្រោយ
ការិយាល័យរបស់នាយករដ្ឋមន្ត្រីអ៊ីស្រាអែលលោក Benjamin Netanyahu បានប្រកាសកាលពីថ្ងៃទី៨ខែសីហាថា អ៊ីស្រាអែលបានយល់ព្រមបន្តកិច្ចចរចាបទឈប់បាញ់នៅតំបន់ហ្គាហ្សាជាថ្មីម្ដងទៀតនៅថ្ងៃទី១៥ខែសីហាសប្ដាហ៍ក្រោយ តាមការទាមទាររបស់ក្រុមអ្នកសម្របសម្រួលរួមមាន សហរដ្ឋអាមេរិក កាតា និងអេហ្ស៊ីប។
![](https://www.kampucheathmey.com/wp-content/uploads/2024/08/download-2-1.webp)
បន្ទាប់ពីការផ្អាកអស់រយៈពេលជាយូរតាំងពីខែវិច្ឆិកា អាមេរិក កាតា និងអេហ្ស៊ីប បានខិតខំប្រឹងប្រែង ដើម្បីទទួលបានបទឈប់បាញ់ជាលើកទី២នៅក្នុងសង្រ្គាមរយៈពេល១០ខែ ដែលបង្កឡើងដោយការវាយប្រហារមិនធ្លាប់មានពីមុនមករបស់ក្រុមសកម្មប្រយុទ្ធហាម៉ាសទៅលើប្រទេសអ៊ីស្រាអែលកាលពីថ្ងៃទី៧ខែតុលា។
នៅក្នុងសេចក្តីថ្លែងការណ៍រួមមួយកាលពីថ្ងៃទី៨ខែសីហា មេដឹកនាំប្រទេសអាមេរិក កាតា និងអេហ្ស៊ីប បានអញ្ជើញភាគីជម្លោះឲ្យចាប់ផ្តើមការចរចាឡើងវិញនៅថ្ងៃទី១៥ខែសីហានៅរដ្ឋធានី Doha ឬរដ្ឋធានី Cairo «ដើម្បីបិទចន្លោះប្រហោងដែលនៅសល់ទាំងអស់ ហើយចាប់ផ្តើមការអនុវត្តកិច្ចព្រមព្រៀងដោយគ្មានការពន្យារពេលបន្ថែមទៀត»។
ប្រទេសទាំង៣ បាននិយាយថា កិច្ចព្រមព្រៀងក្របខ័ណ្ឌ «ឥឡូវនេះនៅលើតុ ដោយនៅសល់តែព័ត៌មានលម្អិតនៃការអនុវត្ត» ប៉ុណ្ណោះដែលត្រូវបញ្ចប់ ហើយអ្នកសម្របសម្រួល «បានរៀបចំដើម្បីបង្ហាញសំណើផ្សះផ្សាចុងក្រោយ» ដើម្បីដោះស្រាយបញ្ហាដែលនៅសេសសល់។
ការិយាល័យរបស់លោក Netanyahu បានបញ្ជាក់ថា អ៊ីស្រាអែលនឹងបញ្ជូនក្រុមអ្នកចរចានៅថ្ងៃទី១៥ខែសីហា «ទៅកាន់កន្លែងដែលបានព្រមព្រៀងគ្នាដើម្បីបញ្ចប់ព័ត៌មានលម្អិតនៃការអនុវត្តកិច្ចព្រមព្រៀង»។
ការបញ្ឈប់អរិភាពនាពេលខាងមុខ មានពាក់ព័ន្ធនឹងការដោះលែងចំណាប់ខ្មាំងដែលឃុំខ្លួននៅហ្គាហ្សា និងការចែកចាយជំនួយ ដូចដែលមានចែងនៅក្នុងដំណាក់កាលដំបូងនៃកិច្ចព្រមព្រៀងបទឈប់បាញ់ ដែលរៀបចំឡើងដោយប្រធានាធិបតីអាមេរិក លោក ចូ បៃដិន តាមសំណើរបស់អ៊ីស្រាអែល កាលពីចុងខែឧសភាកន្លងទៅ។
មន្ត្រីជាន់ខ្ពស់អាមេរិករបស់លោក បៃដិន បាននិយាយក្រោយពីការសន្ទនាតាមទូរសព្ទរវាងលោក បៃដិន, មេដឹកនាំអេហ្ស៊ីប និងមេដឹកនាំកាតា ក្នុងសប្ដាហ៍នេះថា៖ «កិច្ចព្រមព្រៀងនេះទំនងជាមិនអាចរួចរាល់ ដើម្បីចុះហត្ថលេខានៅថ្ងៃព្រហស្បតិ៍ក្រោយទេ។ វានៅមានកិច្ចការចាំបាច់ជាច្រើនទៀតត្រូវធ្វើ»។
មន្ត្រីអ៊ីស្រាអែលមួយរូប បានប្រាប់អ្នកយកព័ត៌មានក្នុងលក្ខខណ្ឌមិនបញ្ចេញឈ្មោះថា ការលើកឡើងដែលថា លោក Netanyahu កំពុងជាប់គាំងលើកិច្ចព្រមព្រៀងបទឈប់បាញ់ គឺជារឿងមិនពិតនោះទេ។ ការបញ្ជាក់បែបនេះរបស់មន្ត្រីអ៊ីស្រាអែល ធ្វើឡើងបន្ទាប់ពីក្រុមហាម៉ាសចាត់តាំងលោក Yahya Sinwar ដែលជាមេខ្លោងនៃការវាយប្រហារថ្ងៃទី៧ខែតុលា ឲ្យធ្វើជាមេដឹកនាំថ្មីរបស់ខ្លួន ដែលជាហេតុបង្កការភ័យខ្លាចថា កិច្ចចរចានឹងកាន់តែលំបាកជាងមុនមិនខាន៕
ដោយ៖ ឈាង
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
សេដ្ឋកិច្ច១ សប្តាហ៍ ago
ខេត្ត៤ របស់កម្ពុជានៅក្នុងតំបន់អភិវឌ្ឍត្រីកោណ CLV មានគម្រោងវិនិយោគ ១០៥ សរុបទឹកប្រាក់ ៣,៧ ពាន់លានដុល្លារ
-
ព័ត៌មានជាតិ១ សប្តាហ៍ ago
រដ្ឋបាលខេត្តកណ្ដាលបំភ្លឺ ចំពោះការផ្សាយថា “បង្គោលព្រំដែនបានហែលទឹកឆ្លងទន្លេមកដុះជាប់ជញ្ជាំងសាលាឃុំខ្មែរ (ព្រែកជ្រៃ ស្រុកកោះធំ)”
-
ព័ត៌មានជាតិ១ ថ្ងៃ ago
អាកាសធាតុអំណោយផល ចំណោតដែលរអិលផុងខ្លាំងផ្លូវជាតិលេខ ៤៨ ត្រូវកែសម្រួលល្អឡើងវិញ
-
ព័ត៌មានជាតិ១ សប្តាហ៍ ago
ពលរដ្ឋស្រុកថ្មគោល ២២ គ្រួសារ សុំសម្ដេចទាំងទ្វេជួយកាត់ឆ្កៀលដីធ្លាប់អាស្រ័យផលជាង ២០ ឆ្នាំ
-
ជីវិតកម្សាន្ដ៦ ថ្ងៃ ago
ថៃ អតិជាតិបុត្រ ចេញមុខទទួលរឿងជំពាក់លុយគេ និងសន្យាសងម្ចាស់បំណុល
-
វប្បធម៌ ជំនឿ៤ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍៥ ថ្ងៃ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់