ព័ត៌មានអន្ដរជាតិ
នាយករដ្ឋមន្ត្រីជប៉ុន លុបចោលទស្សនកិច្ចនៅអាស៊ីកណ្ដាល ក្រោយការព្រមានពី «មហាគ្រោះរញ្ជួយដី»
នាយករដ្ឋមន្រ្តីជប៉ុនលោក Fumio Kishida កាលពីថ្ងៃទី៨ខែសីហាបានលុបចោលដំណើរទៅកាន់តំបន់អាស៊ីកណ្តាល បន្ទាប់ពីក្រុមអ្នកវិទ្យាសាស្ត្របានព្រមានថា ជប៉ុននឹងអាចកើតមាន «មហាគ្រោះរញ្ជួយដី» ហើយគួរតែត្រៀមខ្លួនទុកជាមុនចំពោះគ្រោះមហន្តរាយធម្មជាតិមួយនេះ។
លោក Kishida ដំបូងឡើយត្រូវធ្វើដំណើរនៅថ្ងៃទី៩ខែសីហានេះទៅកាន់ប្រទេសកាហ្សាក់ស្ថាន អ៊ូសបេគីស្ថាន និងម៉ុងហ្គោលី ហើយមានគម្រោងចូលរួមកិច្ចប្រជុំកំពូលក្នុងតំបន់ថែមទៀតផង។ លោក Kishida បានប្រាប់អ្នកយកព័ត៌មានថា៖ «ក្នុងនាមជានាយករដ្ឋមន្រ្តីដែលមានទំនួលខុសត្រូវខ្ពស់បំផុតសម្រាប់ការគ្រប់គ្រងវិបត្តិ ខ្ញុំបានសម្រេចចិត្តថា ខ្ញុំគួរតែស្នាក់នៅប្រទេសជប៉ុនយ៉ាងហោចណាស់មួយសប្តាហ៍»។
នាយករដ្ឋមន្ត្រីជប៉ុន បានបន្ថែមថា បន្ទាប់ពីទីភ្នាក់ងារឧតុនិយមជប៉ុនបានចេញសេចក្តីណែនាំ សាធារណជនប្រហែលមានអារម្មណ៍ «ព្រួយបារម្ភខ្លាំង» ខ្លាចកើតហេតុការណ៍ដូចគ្រោះរញ្ជួយដីកម្រិត៩រិចទ័រឆ្នាំ២០១១ ដែលបានបង្កឲ្យមានរលកយក្សស៊ូណាមិ និងគ្រោះមហន្តរាយនុយក្លេអ៊ែរ ហើយមានមនុស្សស្លាប់ដល់ទៅ ១៥ ០០០នាក់ឯណោះ។
ទីភ្នាក់ងារឧតុនិយមជប៉ុន បានប្រកាសថា៖ «លទ្ធភាពនៃការរញ្ជួយដីដ៏ធំថ្មីមួយគឺខ្ពស់ជាងធម្មតា ប៉ុន្តែនេះមិនមែនជាការចង្អុលបង្ហាញថា ការរញ្ជួយដីដ៏ធំនឹងកើតឡើងពិតប្រាកដនោះទេ»។
សូមបញ្ជាក់ថា កាលពីថ្ងៃទី៨ខែសីហា ជប៉ុនបានជួបប្រទះនឹងគ្រោះរញ្ជួយដីដ៏ខ្លាំងមួយ ដែលបានវាយប្រហារតំបន់ឆ្នេរភាគខាងត្បូងប្រទេស ឈានដល់ការព្រមានអំពីរលកយក្សស៊ូណាមិ។ គ្រោះរញ្ជួយដីនេះមានកម្រិត ៧,១រ៉ិចទ័រ ជាមួយជម្រៅប្រហែល៣០គីឡូម៉ែត្រ ដោយវាយប្រហារកោះ Kyushu តែមិនបង្កជាផលប៉ះពាល់ធ្ងន់ធ្ងរខ្លាំងនោះទេ គ្រាន់តែធ្វើឲ្យមនុស្សចំនួន៨នាក់រងរបួស។
ជប៉ុន ដែលជាប្រទេសសម្បូរប្រជុំកោះ មានប្រជាជនរស់នៅសរុបប្រមាណ ១២៥លាននាក់ ហើយប្រទេសនេះតែងជួបហេតុការណ៍រញ្ជួយដីខ្ទង់ ១៥០០ដងជារៀងរាល់ឆ្នាំ តែភាគច្រើនគឺជាការរញ្ជួយដីតូចតាចប៉ុណ្ណោះ។ ក្នុងករណីមានការរញ្ជួយដីខ្លាំង ក៏មិនសូវប៉ះពាល់ណាស់ណាដែរ ព្រោះជប៉ុនមានបច្ចេកទេសសំំណង់ការពារកម្រិតខ្ពស់ និងនីតិវិធីសង្គ្រោះបន្ទាន់ហ្មត់ចត់ល្អ៕
ដោយ៖ ឈាង
ប្រជាពលរដ្ឋនៅទូទាំងប្រទេសកម្ពុជា អបអរសាទរចំពោះការប្រារព្ធទិវាសន្តិភាពនៅកម្ពុជា
អនុរដ្ឋមន្ត្រីការបរទេសវៀតណាម កោតសរសើរ ចំពោះការរីកចម្រើនលើគ្រប់វិស័យរបស់រាជធានីភ្នំពេញ
អភិបាលខេត្តមួយនៃប្រទេសជប៉ុន ស្នើកម្លាំងពលកម្មជាច្រើនពីក្រសួងការងារ និងសុំឱ្យមានការជួបផ្គូផ្គងគ្នា រវាងក្រុមហ៊ុនសហគ្រាស និងកម្ពុជា
សង្ខេបព្រឹត្តិការណ៍សំខាន់នៅកម្ពុជាឆ្នាំ២០២៤
តម្លៃសន្តិភាព ជាអ្វីដែលពលរដ្ឋកម្ពុជាគ្រប់រូបត្រូវចងចាំ និងការពារ ខណៈពិភពលោកកំពុងជួបសង្គ្រាម
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
អ្នកនាង កាឆយ ទម្លាយរឿងឈឺចាប់ពីក្រោយសំណូមពរ “សុំកៅអី ១០” ទៅរាល់ម្ចាស់ដើមការ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៧ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៧ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ
-
សន្តិសុខសង្គម១ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់