ព័ត៌មានអន្ដរជាតិ

មហាសេដ្ឋីរុស្ស៊ីស្នើបញ្ចប់សង្គ្រាមជាមួយអ៊ុយក្រែនឲ្យបានឆាប់

បានផុស

២ ថ្ងៃ មុន

នៅ

ថ្ងៃសៅរ៍ ១០ សីហា ២០២៤

ដោយ

មហាសេដ្ឋីរ៉ែអាលុយមីញ៉ូមដ៏ធំបំផុតរបស់ប្រទេសរុស្ស៊ី ជឿជាក់ថា សង្គ្រាមដែលរុស្ស៊ីកំពុងតែប្រយុទ្ធក្នុងប្រទេសអ៊ុយក្រែនអស់រយៈពេល២៩ខែកន្លងមកនេះ នឹងគ្មានអ្នកឈ្នះនោះទេ ព្រមទាំងអំពាវនាវឲ្យបញ្ចប់ឲ្យបានឆាប់តាមដែលអាចធ្វើទៅបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូរទស្សន៍ NHK របស់ជប៉ុន បានសម្ភាសន៍ លោក Oleg Deripaska ដែលកំពុងធ្វើទស្សនកិច្ចនៅប្រទេសជប៉ុនសម្រាប់កិច្ចប្រជុំពាណិជ្ជកម្មអន្តរជាតិ ក្នុងក្រមខ័ណ្ឌ កិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) ដែលរៀបចំឡើងនៅប្រទេសជប៉ុន ដោយលោកបានសង្កត់ធ្ងន់លើការបញ្ចប់សង្គ្រាម។

តាមការចុះផ្សាយរបស់ NHK លោក Oleg Deripaska ត្រូវបានគេនិយាយថាជិតស្និទ្ធនឹងរដ្ឋបាលប្រធានាធិបតី វ្ល៉ាឌីមៀរ ពូទីន ដោយបាននិយាយក្នុងកិច្ចសម្ភាសន៍នោះថា ៖«នឹងគ្មានអ្នកឈ្នះក្នុងសង្គ្រាមជាមួយអ៊ុយក្រែនទេ ហើយវាគួរតែត្រូវបានបញ្ចប់ឱ្យបានលឿនតាមដែលអាចធ្វើទៅបាន»។

នៅពេលក្រោយមក លោកបានបង្ហោះសារ លើកស្ទួយការបញ្ចប់សង្គ្រាម ដោយសរសេរថា«សន្តិភាពមានសារៈសំខាន់ខ្លាំងណាស់»។

ប៉ុន្តែតាមការចុះរបស់ទីភ្នាក់ងារព័ត៌មានរ៉យទ័រ លោក Deripaska កំពុងរងការវាយប្រហារដ៏ខ្លាំងតាមបណ្តាញសង្គាមក្រោយគាត់បញ្ចេញសារដែលប្រឆាំងសង្គ្រាមនៅអ៊ុយក្រែនដ៏កម្រ បន្ទាប់ពីការចុះផ្សាយរបស់ព័ត៌មាន Nikkei Asia ដែលបានសម្ភាសន៍លោកក្នុងប្រទេសជប៉ុននោះដែរ។

មហាសេដ្ឋរូបនេះដែលតំណាងប្រទេសរុស្ស៊ីសម្រាប់ចូលកិច្ចប្រជុំនៅប្រទេសជប៉ុន បានពិពណ៌នាអំពីរបៀបដែលទណ្ឌកម្មរបស់លោកខាងលិចត្រូវបានអនុវត្តលើប្រទេរុស្ស៊ីបណ្តាលឱ្យការនាំចេញអាលុយមីញ៉ូមទៅកាន់ប្រទេសជប៉ុន និងកន្លែងផ្សេងទៀតធ្លាក់ចុះ។

លោក បាននិយាយថា ពួកគេ «ឈឺចាប់» និង “ការរឹតបន្តឹងខ្លាំង» ហើយថារុស្ស៊ីត្រូវ «ស្វែងរកដៃគូថ្មី»។

ក្នុងសង្គ្រាមជាង២៩ខែក្នុងប្រទេសអ៊ុយក្រែន រុស្ស៊ីបានបានរងទណ្ឌកម្មយ៉ាងខ្លាំងពីសំណាក់លោកខាងលិច ព្រមទាំងការបង្កកទ្រព្យសម្បត្តិរុស្ស៊ីរាប់ពាន់លានដុល្លារ។ លើសពីនេះ បច្ចឹមលោកបាននិយាយម្តងហើយម្តងទៀតថា ពួកគេនឹងប្រើប្រាស់ទ្រព្យសម្បត្តិរុស្ស៊ីដែលបង្កនោះសម្រាប់ការស្តារអ៊ុយក្រែនឡើងវិញ ពេលសង្គ្រាមបញ្ចប់៕