ព័ត៌មានអន្ដរជាតិ

អ៊ុយក្រែននិងរុស្ស៊ីត្រៀមសង្គ្រាមធំនៅ Sumy និងKursk

បានផុស

៨ ខែ មុន

នៅ

ថ្ងៃសៅរ៍ ១០ សីហា ២០២៤

ដោយ

អាជ្ញាធរអ៊ុយក្រែនបានបញ្ជាឱ្យជម្លៀសប្រជាជនជាច្រើនភូមិចេញពីតំបន់ Sumy ភាគខាងជើងប្រទេសអ៊ុយក្រែន ទន្ទឹមនឹងមានសេចក្តីរាយការណ៍ថា រុស្ស៊ីនឹងវាយបកក្នុងសង្គ្រាម បន្ទាប់ពីការប្រយុទ្ធឆ្លងដែនលើកដំបូងរបស់អ៊ុយក្រែនចូលតំបន់ Kurskរបស់រុស្ស៊ី។

រថយន្តយោធាខូចខាតក្នុងការប្រយុទ្ធរវាងរុស្ស៊ីនិងអ៊ុយក្រែននៅ Kursk។ Defense Force Forum

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារព័ត៌មានរ៉យទ័រ បានរាយការណ៍ថា ប្រជាជនដែលត្រូវជម្លៀសចេញពីចំណុចដែលសន្និដ្ឋានថានឹងកើតមានសង្គ្រាមដោយសារការវាយបករបស់ទាហានរុស្ស៊ី បន្ទាប់ពីយោធាអ៊ុយក្រែនវាយចូលទឹកដីរុស្ស៊ីកាលថ្ងៃទី៦សីហា។

សេចក្តីរាយការណ៍ក្នុងប៉ុន្មានម៉ោងមុន បានឱ្យដឹងថា កងកម្លាំងយោធានិងយុទ្ធោបករណ៍សឹករបស់រុស្ស៊ីបានដាក់ពង្រាយនៅតាមព្រំដែនដែលទំនងបង្កើនការវាយបកចូលទឹកដីអ៊ុយក្រែនវិញ ដែលជាផ្នែកមួយនៃការសងសឹកមកលើយោធាអ៊ុយក្រែនដែលបានរុលចូលទឹកដីរុស្ស៊ីកាលពីប៉ុន្មានថ្ងៃមុន។

ទីភ្នាក់ងារព័ត៌មានរ៉យទ័រ បានដកស្រង់សម្តី លោក Volodymyr Artiukh អភិបាលក្រុង Sumy ដែលបានបញ្ជាឱ្យជម្លៀសភូមិចំនួន២៨ចេញពីតំបន់ដែលមានចម្ងាយ១០គីឡូម៉ែត្រពីតំបន់ព្រំដែន។

អ្នកស្រុកប្រមាណ២០០០០នាក់នឹងត្រូវជម្លៀសចេញ៕