រកឃើញប្រអប់ខ្មៅរបស់យន្តហោះប្រេស៊ីល ដែលធ្លាក់ស្លាប់មនុស្ស ៦២នាក់

តាមការចុះផ្សាយរបស់ BBC នៅថ្ងៃអាទិត្យទី១១ខែសីហាឆ្នាំ២០២៤, ពេលនេះ អាជ្ញាធរប្រេស៊ីល បានរកឃើញប្រអប់ខ្មៅនៃយន្តហោះ ATR 72-500 ដែលធ្លាក់សម្លាប់មនុស្សចំនួន៦២នាក់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ការពិនិត្យទិន្នន័យមិនទាន់ត្រូវបានធ្វើឡើងនោះទេ ដូច្នេះគេនៅតែមិនទាន់ដឹងថាតើ យន្តហោះរបស់ក្រុមហ៊ុនអាកាសចរណ៍ Voepass ធ្លាក់ដោយសារអ្វី។

ស្របពេលជាមួយគ្នានោះដែរ បើតាមការបញ្ជាក់ពីអាជ្ញាធរ, សាកសពទាំងអស់ត្រូវបានរកឃើញនៅកន្លែងធ្លាក់ក្នុងរដ្ឋ São Paulo ខណៈក្រុមការងារកំពុងវិភាគដើម្បីកំណត់អត្តសញ្ញាណជនរងគ្រោះដែលមានបុរស៣៤នាក់ និងស្រ្តី២៨នាក់។ 

សូមបញ្ជាក់ថា យន្តហោះ ATR 72-500 បានធ្លាក់នៅទីក្រុង Vinhedo កាលពីថ្ងៃសុក្រទី៩ខែសីហាឆ្នាំ២០២៤ ក្រោយពេលហោះចេញពីទីក្រុង Cascavel នៃរដ្ឋ Parana។

ហេតុការណ៍នេះ គឺជាហេតុការណ៍ធ្លាក់យន្តហោះដ៏អាក្រក់បំផុតរបស់ប្រទេសប្រេស៊ីលចាប់តាំងពីឆ្នាំ ២០០៧មក នៅពេលយន្តហោះរបស់ក្រុមហ៊ុន TAM Express បានធ្លាក់និងផ្ទុះឆេះក្នុងអាកាសយានដ្ឋាន Congonhas នៃរដ្ឋ São Paulo ដោយសម្លាប់មនុស្សទាំងអស់១៩៩នាក់៕

អត្ថបទ៖ សុខ សុវណ្ណ

ចុចអាន៖ មនុស្ស​ស្លាប់​៦១​នាក់ ក្នុង​ហេតុការណ៍​ធ្លាក់​យន្តហោះ​នៅ​​ប្រេស៊ីល