ព័ត៌មានអន្ដរជាតិ
ណាតូ ព្រមានឆ្លើយតបចាស់ដៃ បើអ៊ីរ៉ង់ ហ៊ានបញ្ជូនមីស៊ីលឲ្យ រុស្ស៊ី
អង្គការណាតូបានព្រមានថា ខ្លួននឹងឆ្លើយតបចាស់ដៃប្រសិនបើអ៊ីរ៉ង់ ហ៊ានបញ្ជូនមីស៊ីល Ballistic រយៈចម្ងាយជិត ទៅឲ្យរុស្ស៊ី ដើម្បីប្រើក្នុងប្រទេសអ៊ុយក្រែនមែន។
![](https://www.kampucheathmey.com/wp-content/uploads/2024/08/image-642.png)
ការព្រមាននេះកើតឡើង ក្រោយពេលប្រភពចារកម្មអឺរ៉ុបចំនួន២ បានប្រាប់ទៅ Daily Mail កាលពីថ្ងៃសៅរ៍ទី១០ខែសីហាឆ្នាំ២០២៤ថា អ៊ីរ៉ង់ កំពុងបង្រៀនកងទ័ពរុស្ស៊ីច្រើននាក់ ឲ្យចេះប្រើមីស៊ីលរយៈចម្ងាយជិត Fath-360 ហើយទីក្រុងតេហេរ៉ង់ ទំនងជានឹងបញ្ជូនសព្វាវុធនាំផ្លូវដោយផ្កាយរណបរាប់រយគ្រាប់ ទៅឲ្យប្រទេសរុស្ស៊ី សម្រាប់សង្គ្រាមនៅអ៊ុយក្រែនទៀតផង។
អ្នកនាំពាក្យក្រុមប្រឹក្សាសន្តិសុខជាតិអាមេរិក បាននិយាយថា សហរដ្ឋអាមេរិក និងសម្ព័ន្ធមិត្តរបស់អង្គការណាតូ និងដៃគូ G7 បានត្រៀមខ្លួន ប្រសិនបើអ៊ីរ៉ង់ចង់ឆ្ពោះទៅមុខជាមួយនឹងការផ្ទេរអាវុធនោះ។
ស្របពេលជាមួយគ្នានោះដែរ អ្នកនាំពាក្យក្រុមប្រឹក្សាសន្តិសុខជាតិអាមេរិក និយាយថា ទីក្រុងវ៉ាស៊ីនតោន និងសម្ព័ន្ធមិត្តរបស់អង្គការណាតូ ព្រមទាំងដៃគូ G7 បានត្រៀមខ្លួនរួចជាស្រេចអស់ហើយដើម្បីឆ្លើយតប ប្រសិនបើអ៊ីរ៉ង់ ហ៊ានធ្វើបែបនេះមែន។
![](https://www.kampucheathmey.com/wp-content/uploads/2024/08/image-643-1024x682.png)
អ្នកនាំពាក្យនិយាយថា «ទង្វើបែបនេះ គឺបង្ហាញយ៉ាងច្បាស់អំពីការគាំទ្ររបស់អ៊ីរ៉ង់ ចំពោះសង្គ្រាមលុកលុយរបស់រុស្ស៊ីប្រឆាំងអ៊ុយក្រែន។ សេតវិមានព្រមានម្តងហើយម្តងទៀតអំពីភាពជាដៃគូសន្តិសុខកាន់តែស៊ីជម្រៅរវាងរុស្ស៊ីនិងអ៊ីរ៉ង់ ចាប់តាំងពីការចាប់ផ្តើមនៃប្រតិបត្តិការសឹកពេញទំហឹងរបស់រុស្ស៊ី លើអ៊ុយក្រែន»។
ទោះបីជាយ៉ាងណាក៏ដោយ ភាគីរុស្ស៊ី មិនទាន់ចេញមុខឆ្លើយតបចំពោះព័ត៌មាននេះទេ។
សូមបញ្ជាក់ថា មីស៊ីល Fath-360 មានរយៈចម្ងាយអតិបរមា ១២០ គីឡូម៉ែត្រ ហើយអាចបំពាក់ជាមួយក្បាលគ្រាប់ទម្ងន់១៥០គីឡូក្រាម៕
អត្ថបទ៖ សុខ សុវណ្ណ
ចុចអាន៖ អ៊ុយក្រែននិងរុស្ស៊ីត្រៀមសង្គ្រាមធំនៅ Sumy និងKursk
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៤ ថ្ងៃ ago
ក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
ព័ត៌មានជាតិ៣ ថ្ងៃ ago
អាកាសធាតុអំណោយផល ចំណោតដែលរអិលផុងខ្លាំងផ្លូវជាតិលេខ ៤៨ ត្រូវកែសម្រួលល្អឡើងវិញ
-
វប្បធម៌ ជំនឿ២ ម៉ោង ago
ទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ
-
វប្បធម៌ ជំនឿ៦ ថ្ងៃ ago
កៀកថ្ងៃសែនក្បាលទឹក ឆ្នាំទាំង ៣នេះ កាន់តែមានលាភសំណាងច្រើន ទាក់ទងលុយកាក់
-
ចរាចរណ៍១ សប្តាហ៍ ago
គ្រោះថ្នាក់ចរាចរណ៍ នៅស្រុកសំរោង បណ្តាលឱ្យប្តី ប្រពន្ធ និងកូនតូចៗ២នាក់ ស្លាប់គួរឱ្យរន្ធត់
-
សន្តិសុខសង្គម២ ថ្ងៃ ago
សាលាដំបូងរាជធានី បំភ្លឺជុំវិញការចាប់ខ្លួនលោក សាន អឿន
-
សន្តិសុខសង្គម៥ ថ្ងៃ ago
ស្ពានបាឡេឆ្លងកាត់រវាងឃុំអារក្សត្នោត ទៅឃុំទួលសំបួរ នៃស្រុកស្ទឹងត្រង់ ត្រូវបានទឹកជំនន់ទឹកភ្លៀងហូរច្រោះបាក់ស្រុតហើយ
-
ព័ត៌មានអន្ដរជាតិ២ ថ្ងៃ ago
ជប៉ុន ព្រមានថា មហាគ្រោះរញ្ជួយដី នឹងកើតឡើងក្នុងពេលមិនយូរទៀតទេ