ព័ត៌មានអន្ដរជាតិ
អង្គការសហប្រជាជាតិប្រាប់ឲ្យយោធាមីយ៉ាន់ម៉ាឈប់សម្លាប់អ្នកតវ៉ា
យ៉ាងហោចណាស់មនុស្ស៥៤នាក់ហើយត្រូវបានសម្លាប់ និងជាង១៧០០នាក់ត្រូវនាមឃុំខ្លួន ចាប់តាំងពីរដ្ឋប្រហារនៅមីយ៉ាន់ម៉ាកាលពីថ្ងៃទី១ ខែកុម្ភៈ។ នេះបើការឲ្យដឹងពីប្រធានអង្គការសិទ្ធិមនុស្សរបស់អង្គការសហប្រជាជាតិបាននិយាយនៅថ្ងៃព្រហស្បតិ៍ ទី៤ ខែមីនា ដោយបានទាមទារឲ្យយោធាមីយ៉ាន់ម៉ាឈប់សម្លាប់អ្នកគាំទ្រ។
ការអត្ថាធិប្បាយធ្វើឡើង បន្ទាប់ពីថ្ងៃថ្លុកឈាមនៃការតវ៉ាកើតមាននៅប្រទេសមីយ៉ាន់ម៉ាដែលបណ្តាលឲ្យមនុស្សហោចណាស់៣៨នាក់បានស្លាប់កាលពីថ្ងៃពុធនៅក្នុងការប៉ះទង្គិចដែលកម្លាំងសន្តិសសុខបើកការបាញ់រះលើហ្វូងបាតុករ។
ប្រធានអង្គការសិទ្ធិមនុស្សរបស់អង្គការសហប្រជាជាតិ លោកស្រី Michelle Bachelet បានជំរុញឲ្យកម្លាំងសន្តិសុខ«បញ្ឈប់ការបង្ក្រាបដ៏កាចសាហាវលើក្រុមបាតុករដោយសន្តិវិធី»។ យោធាមីយ៉ាន់ម៉ាត្រូវតែឈប់សម្លាប់ និងដាក់គុកអ្នកតវ៉ា។
លោកស្រីថា ៖«វាគួរឲ្យស្អប់ខ្ពើមណាស់ដែលកម្លាំងសន្តិសុខបាញ់រះគ្រាប់ពិតប្រឆាំងទៅក្រុមតវ៉ាដោយសន្តិវិធីទូទាំងប្រទេស»។
លោកស្រីមានការរន្ធត់ចិត្តចំពោះការវាយប្រហារដែលត្រូវបានរាយការណ៍គឺធ្វើទុក្ខបុកម្នេញទៅលើក្រុមបុគ្គលិកពេទ្យ និងរថយន្តសង្គ្រោះបន្ទាន់ដែលពួកគាត់បានព្យាយាមជួយជួយសង្គ្រោះដល់អ្នករបួស។
ការិយាយអង្គការសិទ្ធិមនុស្សអង្គការសហប្រជាជាតិបាននិយាយថា ខ្លួនមានព័ត៌មានដែលជាកិច្ចសហប្រតិបត្តិការគឺយ៉ាងហោចណាស់មនុស្ស៥៤នាក់ហើយត្រូវបានសម្លាប់ដោយប៉ូលិស និងយោធារបស់មីយ៉ាន់ម៉ាចាប់តាំងពីថ្ងៃទី១ ខែកុម្ភៈមក។
អង្គការសិទ្ធិមនុស្សអង្គការសហប្រជាជាតិសង្កត់ធ្ងន់ថា ៖«ទោះបីជាយ៉ាងណា តួលេខអ្នកស្លាប់អាចខ្ពស់ជាងនេះ ព្រោះថានេះជាចំនួនដែលខ្លួនអាចផ្ទៀតផ្ទាត់បានប៉ុណ្ណោះ»។
ការសម្លាប់នេះបានកើតឡើងខ្លាំងក្នុងរយៈពេលប៉ុន្មានថ្ងៃចុងក្រោយនេះ។
អង្គការសិទ្ធិមនុស្សបានបញ្ជាក់អ្នកស្លាប់៣០នាក់ក្នុងចំណោម៣៨នាក់ត្រូវបានរាយការណ៍ដោយអង្គភាពអង្គការសហប្រជាជាតិផ្សេងៗកាលពីថ្ងៃពុធ ដោយនិយាយថា ការសម្លាប់ដោយកម្លាំងសន្តិសុខបានកើកឡើងនៅទីក្រុងយ៉ាំហ្គោន ម៉ាន់ដាឡាយ សាហ្គាំង ម៉ាហ្គវេ និងម៉ុន។
មនុស្សម្នាក់ទៀតដែលបានរាយការណ៍គឺត្រូវបានសម្លាប់កាលពីថ្ងៃអង្គារ និង១៨នាក់ទៀតត្រូវបានសម្លាប់កាលពីថ្ងៃអាទិត្យ ជាមួយនឹង៥នាក់មុន។
ស្ថាប័នសិទ្ធិមនុស្សដដែលនិយាយថា ខ្លួនពិតជាលំបាកខ្លាំងក្នុងការកត់ត្រាពីចំនួនអ្នករបួស ប៉ុន្តែថា ហោចណាស់ មានមនុស្សរាប់រយនាក់បានរបួសកំឡុងពេលតវ៉ា។
របាយការណ៍និយាយថា ចាប់តាំងពីរដ្ឋប្រហារមក មនុស្សជាង១៧០០នាក់ត្រូវចាប់ខ្លួន និងឃុំឃាំងដោយចេតនាពាក់ព័ន្ធនឹងការចូលរួមរបស់ពួកគេក្នុងការតវ៉ា ឬពាក់ព័ន្ធនឹងសកម្មភាពនយោបាយ។
យ៉ាងហោចណាស់មនុស្ស៧០០នាក់ត្រូវបានឃុំខ្លួនកាលពីថ្ងៃពុព ដែលតាមសេចក្តីរាយការណ៍ថា ភាគច្រើនពួកគេត្រូវបានចាប់ខ្លួននៅពេលប៉ូលិសស និងយោធាធ្វើការស្រាវជ្រាវតាមផ្ទះ។
សេចក្តីរាយការណ៍បាននិយាយថា អ្នកដែលត្រូវបានចាប់ខ្លួនទាំងនោះរាប់បញ្ចូលទាំងសមាជិកសភា សកម្មជននយោបាយ និងសិទ្ធិមនុស្ស មន្ត្រីបោះឆ្នោត គ្រូបង្រៀន បុគ្គលិកសុខាភិបាល អ្នកកាសែត និងព្រះសង្ឃ។
លោកស្រី Bachelet បានព្រមានថា ការចាប់ខ្លួន និងឃុំខ្លួនជាច្រើនដែលបានធ្វើឡើងតាំងពីថ្ងៃទី១ ខែកុម្ភៈអាចជាការបាត់ខ្លួនដោយបង្ខំ និងបានអំពាវនាវឲ្យដោះលែងជាបន្ទាន់នូវរាល់អ្នកដែលបានចាប់ខ្លួន និងឃុំខ្លួនទាំងអស់។
តំណាងអង្គការសិទ្ធិមនុស្សរបស់អង្គការសហប្រជាជាតិក៏បានសម្តែងការព្រួយបារម្ភចំពោះគោលដៅអ្នកសារព័ត៌មានដែលហោចណាស់២៩នាក់ត្រូវបានចាប់ខ្លួនក្នុងរយៈពេលប៉ុន្មានថ្ងៃចុងក្រោយនេះ។ ក្នុងចំណោមពួកគេមាន៨នាក់ត្រូវបានចោទប្រកាន់ពីបទឧក្រិដ្ឋកម្មរាប់បញ្ចូលទាំងការញុះញង់ឲ្យមានការប្រឆាំង ឬស្អប់រដ្ឋាភិបាល និងការជួបជុំដោយខុសច្បាប់។
លោកស្រី Bachelet បាននិយាយថា ៖«ខ្ញុំជំរុញដល់អ្នកទាំងឡាយដែលមានព័ត៌មាន និងឥទ្ធិពល សូមគាំទ្រចំពោះកិច្ចខិតខំប្រឹងប្រែងអន្តរជាតិដើម្បីឲ្យមេដឹកនាំយោធាទទួលខុសត្រូវចំពោះការរំលោភបំពានសិទ្ធិមនុស្សដ៏ធ្ងន់ធ្ងរដែលបានប្រព្រឹត្តទាំងបច្ចុប្បន្ន និងពីអតីតកាល។ ពេលនេះគឺជាពេលដែលត្រូវបង្វែតុឆ្ពោះទៅរកយុត្តិធម៌ និងបញ្ឈប់ភាពច្របូកច្របល់របស់យោធាលើលទ្ធិប្រជាធិបតេយ្យនៅក្នុងប្រទេសមីយ៉ាន់ម៉ា»៕
ប្រែសម្រួល៖ វីរបុត្រ
ប្រភព៖ CNA
ព្រះសង្ឃ គង់ក្នុងវត្តទួលឃ្លាំង ចែកទានបន្តដល់ពលរដ្ឋកំពុងរងគ្រោះដោយទឹកជំនន់ នៅស្រុកកោះសូទិន
អាមេរិកមានកង្វល់រឿង ចិន រុស្ស៊ី និងអ៊ីរ៉ង់ប្រើបច្ចេកវិទ្យា AI ជ្រៀតចូលការបោះឆ្នោត
មន្ទីរសុខាភិបាលខេត្តក្រចេះ ត្រៀមរួចជាស្រេចដើម្បីអន្តរាគមន៍សង្គ្រោះពលរដ្ឋពេលទឹកជំនន់កើតឡើង
អនុគណៈកម្មការសុវត្ថិភាពចរាចរណ៍ផ្លូវគោកខេត្តសៀមរាប អំពាវនាវឱ្យពលរដ្ឋទាំងអស់គោរពច្បាប់ចរាចរណ៍ ដើម្បីកាត់បន្ថយគ្រោះថ្នាក់
លើកដំបូង! រុស្ស៊ី បាញ់មីស៊ីលល្បឿនលឿនជាងសំឡេង ៣គ្រាប់ វាយប្រហារ អ៊ុយក្រែន
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
រដ្ឋ Florida ជួបព្យុះសង្ឃរាកំណាច ប្រឈមហានិភ័យ បង្កគ្រោះមហន្តរាយធំធេង
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
Update ៖ អគ្គិភ័យឆេះឃ្លាំងស្តុកកង់អគ្គិសនីអស់ជិត ៤ ពាន់គ្រឿង ប្រើរថយន្តពន្លត់អគ្គិភ័យជិត ៣០ គ្រឿង
អាមេរិក ជូនរង្វាន់ ២០លានដុល្លារ បើអ្នកណាផ្តល់ព័ត៌មាន ឈានដល់ការចាប់ខ្លួន ជនជាតិអ៊ីរ៉ង់ម្នាក់
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ