ព័ត៌មានអន្ដរជាតិ
អ៊ុយក្រែន អះអាងថា កាន់កាប់ទឹកដីរុស្ស៊ីបាន១០០០គីឡូម៉ែត្រការ៉េហើយ
មេបញ្ជាការកំពូលអ៊ុយក្រែន បាននិយាយថា កងកម្លាំងរបស់ទីក្រុងកៀវគ្រប់គ្រងទឹកដីរុស្ស៊ីទំហំ១០០០គីឡូម៉ែត្រការ៉េ ដែលនេះគឺជាការវាយបកដ៏ធំបំផុតរបស់ពួកគេនៅក្នុងសង្រ្គាមរយៈពេល២ឆ្នាំកន្លះកន្លងទៅ។
មេបញ្ជាការកំពូល លោក Oleksandr Syrskyi បាននិយាយថា អ៊ុយក្រែនបន្តប្រតិបត្តិការវាយលុកនៅក្នុងតំបន់ Kursk អស់រយៈពេល៧ថ្ងៃមកហើយបន្ទាប់ពីខ្លួនអាចវាយលុកចូលដល់ដីរុស្ស៊ីជាលើកដំបូងកាលពីសប្ដាហ៍មុន។
ប្រធានាធិបតីអ៊ុយក្រែនលោក Volodymyr Zelensky បានលើកឡើងថា រុស្ស៊ីបាននាំសង្រ្គាមដល់អ្នកដទៃ ហើយឥឡូវនេះវាកំពុងត្រលប់ទៅរករុស្ស៊ីវិញម្ដង។ ពាក់ព័ន្ធនឹងការលើកឡើងនេះ មេដឹកនាំរុស្ស៊ី លោក វ្ល៉ាឌីមៀរ ពូទីន បានពណ៌នាការវាយលុកនេះថាជា «ការបង្ករឿងដ៏ធំ» ហើយបានបញ្ជាឲ្យកងកម្លាំងរុស្ស៊ីធ្វើយ៉ាងណាត្រូវបណ្ដេញសត្រូវរបស់ខ្លួនចេញពីទឹកដីទាល់តែបាន។
ចំនួនមនុស្សកាន់តែច្រើនឡើងត្រូវបានជម្លៀសចេញពីតំបន់ភាគខាងលិចនៃប្រទេសរុស្ស៊ី ដើម្បីសុវត្ថិភាពរបស់ពួកគេ ខណៈបច្ចុប្បន្នមានការជម្លៀសមនុស្សចំនួន ១២១ ០០០នាក់នៅតំបន់ Kursk រួចមកហើយ ដោយនៅសេសសល់មនុស្សប្រមាណ ២០០០នាក់ទៀតស្ថិតនៅក្នុងទឹកដីដែលកំពុងកាន់កាប់ដោយអ៊ុយក្រែន។
អភិបាលក្នុងតំបន់ Kursk បានប្រាប់ថា ស្ថានភាពនៅទីនោះកំពុងស្ថិតនៅក្នុងភាពលំបាក ហើយភូមិចំនួន២៨ បានធ្លាក់ទៅលើកងកម្លាំងអ៊ុយក្រែន ព្រមទាំងមានជនស៊ីវិល ១២នាក់ត្រូវបានសម្លាប់។
ទាហានអ៊ុយក្រែនបានបើកការវាយប្រហារដ៏គួរឲ្យភ្ញាក់ផ្អើលមួយកាលពីថ្ងៃអង្គារសប្ដាហ៍មុន ដោយវាយចូលដីរុស្ស៊ីបានចម្ងាយ៣០គីឡូម៉ែត្រ។
ការវាយលុកនេះ ត្រូវបានគេនិយាយថាជាការជំរុញទឹកចិត្តដល់ភាគីអ៊ុយក្រែន ប៉ុន្តែក្រុមអ្នកវិភាគយល់ឃើញថា វាជាយុទ្ធសាស្ត្រនាំមកនូវគ្រោះថ្នាក់ថ្មីដល់អ៊ុយក្រែនទៅវិញ។
ប្រភពយោធាអង់គ្លេសជាន់ខ្ពស់ដែលសុំមិនបញ្ចេញឈ្មោះ បានប្រាប់សារព័ត៌មាន BBC ថា ស្ថានការណ៍នេះអាចមានហានិភ័យដែលទីក្រុងមូស្គូនឹងខឹងសម្បារយ៉ាងខ្លាំងចំពោះការលុកលុយ ហើយរុស្ស៊ីនឹងអាចបង្កើនការវាយប្រហាររបស់ខ្លួនទ្វេដងលើប្រជាជនស៊ីវិល និងហេដ្ឋារចនាសម្ព័ន្ធរបស់ប្រទេសអ៊ុយក្រែន។
បើយោងតាមការចុះផ្សាយរបស់ RT ក្នុងកិច្ចប្រជុំជាមួយមន្ត្រីជាន់ខ្ពស់កាលពីថ្ងៃចន្ទទី១២ខែសីហាឆ្នាំ២០២៤ ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានប្រកាសថា លែងមានកិច្ចពិភាក្សាសន្តិភាពជាមួយអ៊ុយក្រែន ទៀតហើយ បន្ទាប់ពីកងទ័ពទីក្រុងបើកការវាយប្រហារលើជនស៊ីលនៅតំបន់ព្រំដែន Kursk។ តាមការលើកឡើងរបស់លោក សកម្មភាពថ្មីៗរបស់អ៊ុយក្រែនបែបនេះ បង្ហាញឲ្យឃើញច្បាស់ពីមូលហេតុដែលខ្លួនបដិសេធពិនិត្យសំណើដោះស្រាយជម្លោះរបស់រុស្ស៊ី ឬគោលការណ៍ដែលដាក់ជូនដោយភាគីអព្យាក្រឹត៕
ដោយ៖ ឈាង
បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចាប់អាណត្តិ
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
កងទ័ពស៊ូដង់បើកការវាយលុកដ៏ធំដើម្បីដណ្តើមយករដ្ឋធានី Khartoum វិញ
សម្ដេច ហ៊ុន សែន ប្រាប់ជប៉ុនថា នៅអាស៊ាន កម្ពុជាបានយកចិត្តទុកដាក់លើស្ត្រីខ្លាំងជាងគេ
ឆ្មក់បង្រ្កាបទីតាំងឆ្នោតវៀតណាមក្នុងផ្សារកាប់គោ ឃាត់ខ្លួនមនុស្ស៣នាក់
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
ឈៀងម៉ៃ កំពុងធ្ងន់ធ្ងរដោយគ្រោះទឹកជំនន់
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ៧ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព