ព័ត៌មានអន្ដរជាតិ
រុស្ស៊ី សួរថា ម្ដេចលោកខាងលិចស្ងាត់មាត់ឲ្យជ្រាប ពេលអ៊ុយក្រែនវាយដល់ដីរុស្ស៊ី
រុស្ស៊ី បានរិះគន់សម្ព័ន្ធមិត្តលោកខាងលិចរបស់អ៊ុយក្រែននៅអង្គការសហប្រជាជាតិកាលពីថ្ងៃអង្គារទី១៣ខែសីហា ដែលមិនធ្វើការថ្កោលទោសទៅលើការឈ្លានពានរបស់ទីក្រុងកៀវក្នុងតំបន់ Kursk លើទឹកដីប្រទេសរុស្ស៊ី ដោយចោទប្រកាន់កងកម្លាំងអ៊ុយក្រែនថាបានសម្លាប់ជនស៊ីវិល ហើយរុស្ស៊ីបានចោទសួរពីគោលបំណងអ្វីបានជាអ៊ុយក្រែនហ៊ានដល់ថ្នាក់វាយឆ្លងដែនចូលដល់ទឹកដីរបស់ខ្លួនយ៉ាងដូច្នេះ។
សម្ព័ន្ធមិត្តរបស់អ៊ុយក្រែននៅក្នុងក្រុមប្រឹក្សាសន្តិសុខអង្គការសហប្រជាជាតិ រួមទាំងសហរដ្ឋអាមេរិក បារាំង និងអង់គ្លេស បានបង្ហាញពីគោលជំហរយ៉ាងរឹងមាំគាំទ្រទីក្រុងកៀវ អំឡុងពេលកិច្ចប្រជុំក្រុមប្រឹក្សាក្រៅផ្លូវការមួយដែលត្រូវបានកោះហៅប្រជុំដោយប្រទេសរុស្ស៊ី។ សម្ព័ន្ធមិត្តអ៊ុយក្រែនទាំងអស់មិនបានលើកឡើងអំពីការវាយលុកនៅតំបន់ Kursk នោះឡើយ។
ឯកអគ្គរដ្ឋទូតរងអង្គការសហប្រជាជាតិរបស់រុស្ស៊ី លោក Dmitry Polyanskiy បានប្រាប់អង្គប្រជុំក្រុមប្រឹក្សាថា៖ «យើងមិនបានឮពាក្យថ្កោលទោសសូម្បីមួយម៉ាត់ ចំពោះសកម្មភាពទាំងនេះពីលោកខាងលិចដែលគាំទ្ររបបទីក្រុងកៀវ ដែលបន្តបិទបាំងឧក្រិដ្ឋកម្មដ៏គួរឲ្យស្អប់ខ្ពើមនៃអាយ៉ងរបស់ពួកគេ»។ បន្ថែមពីនេះ លោក Polyanskiy ក៏បានចោទជាសំណួរផងដែរចង់ដឹងពីមូលហេតុអ្វីបានជាអ៊ុយក្រែនចូលវាយដល់ទឹកដីរុស្ស៊ី ជាពិសេសគឺតំបន់ Kursk ទាំងដែលទីនោះពុំមានហេដ្ឋារចនាសម្ព័ន្ធ ឬសព្វាវុធយោធាទាល់តែសោះ។
លោក Klemen Ponikvar ដែលជាមន្ត្រីការទូតជាន់ខ្ពស់ស្លូវេនី បាននិយាយថា៖ «យើងនឹងមិនទទួលស្គាល់អ្នកឈ្លានពានថាជាជនរងគ្រោះទេ»។ លោក Klemen រួមទាំងសមាជិកមួយចំនួននៅក្នុងអង្គប្រជុំ បានចោទប្រកាន់រុស្ស៊ីពីភាពលាក់ពុត គោលនយោបាយមិនស្មើភាព និងខ្ជះខ្ជាយពេលវេលារបស់ក្រុមប្រឹក្សាសន្ដិសុខ។
ទាហានអ៊ុយក្រែនរាប់ពាន់នាក់ បានចាប់ផ្តើមធ្វើការវាយប្រហារដ៏គួរឲ្យភ្ញាក់ផ្អើលមួយកាលពីសប្តាហ៍មុននៅលើទឹកដីរុស្ស៊ី ហើយប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយថា អ៊ុយក្រែនធ្វើដូចនេះព្រោះមានគោលបំណងចង់បានការចរចា និងទប់ស្កាត់ការវាយសម្រុកបច្ចុប្បន្ននៃកងទ័ពជួរមុខរបស់រុស្ស៊ី។
សម្ព័ន្ធមិត្តលោកខាងលិចរបស់អ៊ុយក្រែន បានព្យាយាមបញ្ចៀសការកើនឡើងនៃជម្លោះមិនឲ្យក្លាយជាការប្រឈមមុខដោយផ្ទាល់រវាងរុស្ស៊ី និងអង្គការណាតូដែលដឹកនាំដោយសហរដ្ឋអាមេរិក។ ពួកគេ បានលើកឡើងថា ពួកគេមិនបានដឹងមុននោះទេថា អ៊ុយក្រែនវាយលុកចូលដល់ដីរុស្ស៊ីបែបនេះឡើយ។
រុស្ស៊ីបានចូលឈ្លានពានអ៊ុយក្រែនក្នុងឆ្នាំ២០២២ ហើយគ្រប់គ្រងទឹកដីមិនដល់មួយភាគប្រាំដែលអន្តរជាតិទទួលស្គាល់ថាជាទឹកដីរបស់អ៊ុយក្រែន។ ទាំងទីក្រុងកៀវ និងទីក្រុងមូស្គូបានបដិសេធមិនកំណត់គោលដៅលើជនស៊ីវិលក្នុងអំឡុងពេលសង្រ្គាមឡើយ។ សង្គ្រាមរវាងភាគីទាំងពីរ បានសម្លាប់មនុស្សរាប់ម៉ឺននាក់ និងបណ្ដាលឲ្យមានការជម្លៀសខ្លួនប្រជាជនអ៊ុយក្រែនរាប់លាននាក់។
ក្នុងអំឡុងពេលនៃកិច្ចប្រជុំក្រុមប្រឹក្សាក្រៅផ្លូវការកាលពីថ្ងៃអង្គារ មន្ត្រីការទូតអាមេរិក អង់គ្លេស និងបារាំង បាននាំគ្នាចោទប្រកាន់រុស្ស៊ីអំពីការរំលោភច្បាប់មនុស្សធម៌អន្តរជាតិ និងសិទ្ធិមនុស្សនៅអ៊ុយក្រែន។
មន្ត្រីការទូតអាមេរិក លោក Caleb Pine បាននិយាយថា៖ «មិនចាំបាច់សួរនាំទេថាតើប្រទេសណាបានប្រព្រឹត្តអំពើឃោរឃៅជាក់ស្ដែងជាច្រើន រួមទាំងឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិ នៅលើទឹកដីអធិបតេយ្យភាពរបស់អ៊ុយក្រែន។ ប្រទេសនោះគឺរុស្ស៊ី»។
ចំណែកឯមន្ត្រីការទូតបារាំង លោកស្រី Clarisse Paolini បានថ្លែងថា ប្រទេសបារាំងនៅតែបន្តគាំទ្រអធិបតេយ្យភាពឯករាជ្យ និងបូរណភាពទឹកដីរបស់អ៊ុយក្រែន នៅក្នុងព្រំដែនដែលត្រូវបានទទួលស្គាល់ជាអន្តរជាតិរបស់ខ្លួន។
មន្ត្រីការទូតអង់គ្លេស លោកស្រី Kate Jones បានរៀបរាប់ថា៖ «យើងនឹងមិនស្ទាក់ស្ទើរក្នុងការគាំទ្រអ៊ុយក្រែន ដរាបណាទទួលបានសន្តិភាពដោយយុត្តិធម៌ និងនិរន្តរភាព ដោយផ្អែកលើគោលការណ៍នៃធម្មនុញ្ញអង្គការសហប្រជាជាតិ និងច្បាប់អន្តរជាតិ»។
យ៉ាងណាមិញ មន្ត្រីការទូតមកពីប្រទេសស៊ីរី បេឡារុស និងកូរ៉េខាងជើង បានបង្ហាញពីការគាំទ្ររុស្ស៊ីនៅក្នុងកិច្ចប្រជុំក្រុមប្រឹក្សាសន្តិសុខក្រៅផ្លូវការ៕
ដោយ៖ ឈាង
សុគា គីមលាង ប្ដេជ្ញាថែរក្សាសម្បត្តិវប្បធម៌-អរិយធម៌បុព្វបុរសបន្សល់ទុកឲ្យកូនខ្មែរគ្រប់រូប
អាជ្ញាធរគ្រឿងញៀនពង្រឹងសមត្ថភាពជនបង្គោល មិត្តអប់រំមិត្ត ពីបញ្ហាគ្រឿងញៀនក្នុងវិស័យការងារ
ក្រសួងសុខាភិបាល ពង្រឹងផ្នែកស្តេរីលក្នុងមន្ទីរពេទ្យ អនុវត្តតាមស្តង់ដាររបស់ WHO
ថៃសម្លឹងបង្កើនការទាក់ទាញវិនិយោគិន ឱ្យបោះទុននៅច្រករបៀងសេដ្ឋកិច្ចភាគខាងកើត
ក្រសួងអប់រំផ្តល់ការអប់រំពហុភាសាដល់ខេត្ត៤នៅភាគឦសាន ដើម្បីឱ្យជនជាតិដើមភាគតិចទទួលបានការអប់រំដែលមានគុណភាព
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
Breaking News! តុលាការថៃ ដកតំណែងលោក សេដ្ឋា ក្រោយកាន់អំណាច មិនដល់មួយឆ្នាំផង
គម្រោងរំដោះទឹកជន់លិចរាជធានីភ្នំពេញសម្រេចបានជាង១២%, អាជ្ញាធរណែនាំឱ្យបង្កើតក្រុមការងារពិនិត្យលក្ខណៈបច្ចេកទេស
ខេត្តរបស់រុស្ស៊ីមួយទៀតប្រកាសអាសន្ន ព្រោះអ៊ុយក្រែន វាយលុកខ្លាំង
អ៊ុយក្រែនបន្តរុលចូលទឹកដីរុស្ស៊ី ក្រោយបាន F-16 ដើម្បីដាក់សម្ពាធរុស្ស៊ី ខណៈការចរចាអាចឆាប់
-
ព័ត៌មានជាតិ១ សប្តាហ៍ agoក្លាយជាមេបញ្ជាការរងអាវុធហត្ថរាជធានី២០ថ្ងៃ កូនប្រុសលោក រ័ត្ន ស្រ៊ាង ត្រូវទៅកាន់តួនាទីថ្មីជាមេបញ្ជាការអាវុធហត្ថខេត្តសៀមរាបវិញម្ដង
-
វប្បធម៌ ជំនឿ៤ ថ្ងៃ agoទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ
-
ព័ត៌មានជាតិ១ សប្តាហ៍ agoអាកាសធាតុអំណោយផល ចំណោតដែលរអិលផុងខ្លាំងផ្លូវជាតិលេខ ៤៨ ត្រូវកែសម្រួលល្អឡើងវិញ
-
ព័ត៌មានអន្ដរជាតិ៣ ថ្ងៃ agoរោងចក្រនុយក្លេអ៊ែរធំបំផុតនៅអឺរ៉ុប ត្រូវអគ្គិភ័យឆាបឆេះ
-
ព័ត៌មានជាតិ៣ ថ្ងៃ agoខេត្តភាគឦសានមណ្ឌលគិរី ពលរដ្ឋមានចំណូលខ្ពស់ឈរនៅលំដាប់ទី ៤ ទូទាំងប្រទេស
-
សន្តិសុខសង្គម៦ ថ្ងៃ agoសាលាដំបូងរាជធានី បំភ្លឺជុំវិញការចាប់ខ្លួនលោក សាន អឿន
-
ព័ត៌មានជាតិ៣ ថ្ងៃ agoសម្តេចតេជោ៖ ខ្ញុំមិនទាន់អស់អំណាចទេ ខ្ញុំត្រូវការពារប្រជាជនរបស់ខ្ញុំ និងទឹកដីដ៏កម្សត់
-
ព័ត៌មានជាតិ១៥ ម៉ោង agoសមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល