ព័ត៌មានអន្ដរជាតិ

យន្តហោះយោធាបារាំងបុកគ្នាកណ្តាលអាកាស បណ្តាលឱ្យពីឡុត២នាក់ស្លាប់

បានផុស

៤ ខែ មុន

នៅ

ថ្ងៃព្រហស្បតិ៍ ១៥ សីហា ២០២៤

ដោយ

យន្តហោះយោធាបារាំងពីរគ្រឿងបានបុកគ្នាពេលហោះហើរនៅលើអាកាសនៅភាគខាងកើតប្រទេស ដោយបុគ្គលិកយោធាពីរនាក់បានបាត់បង់ជីវិត និងម្នាក់ទៀតរងរបួស។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី១៥ខែសីហានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីបារាំងលោក Emmanuel Macron បានប្រកាសនៅលើបណ្តាញសង្គម X និងបានកំណត់អត្តសញ្ញាណអ្នកស្លាប់ពីរនាក់គឺ ប្រធានក្រុម Sebastien Mabire និងអនុសេនីយ៍ឯក Matthis Laurens នៅក្នុងឧបទ្ទវហេតុនៃការបោកគ្នានៃយន្តហោះ Rafale។

ចំណែកប្រព័ន្ធផ្សព្វផ្សាយបារាំងបាននិយាយថា ម្នាក់ក្នុងចំណោមអ្នកបាត់បង់ជីវិតទាំងពីរជាអ្នកហ្វឹកហាត់បើកយន្តហោះ និងម្នាក់ទៀតជាអ្នកបើកយន្តហោះអាជីព ហើយម្នាក់ដែលរួចផុតជីវិតក៏ជាអ្នកបើកយន្តហោះអាជីពផងដែរ។ យន្តហោះទាំងនោះមានមូលដ្ឋាននៅឯយានដ្ឋានយោធា Saint-Dizier នៅភាគឦសានប្រទេសបារាំង ខណៈព័ត៌មានលម្អិតនៅក្នុងហេតុការណ៍មិនទាន់ត្រូវបានដឹងច្បាស់នៅឡើយនោះទេ៕