ព័ត៌មានអន្ដរជាតិ
អាមេរិក និងប្រេស៊ីល ប្រាប់ពីដំណោះស្រាយមួយ ដើម្បីបញ្ចប់វិបត្តិនយោបាយនៅវ៉េណេស៊ុយអេឡា
ក្រោយមានភាពចម្រូងចម្រាសខ្លាំងក្នុងការបោះឆ្នោតនៅវ៉េណេស៊ុយអេឡាកាលពីចុងខែកក្កដាដែលឈានដល់ការធ្វើបាតុកម្មនោះ សហរដ្ឋអាមេរិកនិងប្រទេសប្រេស៊ីលបានលើកឡើងពីដំណោះស្រាយមួយសម្រាប់បក្សកាន់អំណាច និងបក្សប្រឆាំងនៅវ៉េណេស៊ុយអេឡា ដោយនោះគឺការរៀបចំការបោះឆ្នោតសាជាថ្មីម្ដងទៀត។
សហរដ្ឋអាមេរិក បានច្រានចោលនូវការអះអាងរបស់ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ (Nicolas Maduro) ដែលបានប្រកាសពីជោគជ័យសម្រាប់អាណត្តិទី៣របស់ខ្លួន ដោយចាត់ទុកថាវាជាការបន្លំសន្លឹកឆ្នោតទ្រង់ទ្រាយធំ។ លោក ម៉ាឌូរ៉ូ បានប្រកាសថា ខ្លួនទទួលសម្លេងគាំទ្រ ៥១,២% ទល់នឹង ៤០,២% បើធៀបនឹងបក្សប្រឆាំង។ យ៉ាងណាមិញ រដ្ឋាភិបាលកាន់អំណាចរបស់លោក ម៉ាឌូរ៉ូ មិនបានបង្ហាញពីទិន្នន័យលម្អិតនៃការរាប់សន្លឹកឆ្នោតនោះទេ ពោលគឺចេញផ្សាយតែលទ្ធផលជាតួលេខប៉ុណ្ណោះ។
ក្រៅតែពីការបដិសេធទទួលស្គាល់លទ្ធផលនេះ លោក ចូ បៃដិន ប្រធានាធិបតីអាមេរិក បានប្រកាសថា លោកគាំទ្រឲ្យមានការបោះឆ្នោតម្ដងទៀតនៅវ៉េណេស៊ុយអេឡា ខណៈបាតុកម្មកំពុងផ្ទុះឡើងខ្លាំងនៅទូទាំងប្រទេស ហើយមេបក្សប្រឆាំងបានអំពាវនាវឲ្យអ្នកគាំទ្របន្តបាតុកម្មរហូតដល់បក្សកាន់អំណាចយល់ព្រមទទួលស្គាល់ពីបរាជ័យរបស់ខ្លួន។ បក្សប្រឆាំង បានអះអាងថា ខ្លួនមានព័ស្ដុតាងជាឯកសារព្រីននៃទិន្នន័យឆ្នោត ដែលបញ្ជាក់ថាពួកគេទទួលសម្លេងគាំទ្រច្រើនជាង២ភាគ៣ឯណោះ គឺយកឈ្នះដាច់លើលោក ម៉ាឌូរ៉ូ តែម្ដង។
ចំណែកឯលោក Luiz Inacio Lula da Silva ប្រធានាធិបតីប្រេស៊ីល ក៏មិនខុសពីសហរដ្ឋអាមេរិកនោះដែរ ដោយកាលពីថ្ងៃព្រហស្បតិ៍បានស្នើឲ្យលោក ម៉ាឌូរ៉ូ រៀបចំការប្រកួតប្រជែងថ្មីមួយជាមួយបក្សប្រឆាំង ហើយត្រូវមានការចូលរួមពីអ្នកសង្កេតការណ៍អន្តរជាតិ។ លោក Lula បានប្រាប់ថា ការបោះឆ្នោតថ្មី ជាដំណោះស្រាយដ៏មានសក្ដានុពលសម្រាប់វិបត្តិនយោបាយក្នុងប្រទេសវ៉េណេស៊ុយអេឡា។
លោក Lula បាននិយាយថា៖ «លោក ម៉ាឌូរ៉ នៅមានពេលកាន់តំណែង៦ខែទៀត។ អាណត្តិរបស់គាត់នឹងបញ្ចប់ត្រឹមខែមករាឆ្នាំក្រោយ។ ដូច្នេះគាត់គឺជាប្រធានាធិបតីនៃសាធារណរដ្ឋ ដោយមិនគិតពីការបោះឆ្នោត។ ដូច្នេះបើគាត់មានសុភវិនិច្ឆ័យ គាត់អាចព្យាយាមអំពាវនាវទៅប្រជាជនវ៉េណេស៊ុយអេឡា ហើយប្រហែលជារៀបចំការបោះឆ្នោតថ្មី បង្កើតជាលក្ខណៈវិនិច្ឆ័យសម្រាប់ការចូលរួមរបស់បេក្ខជនទាំងអស់»។
មេដឹកនាំប្រទេសប្រេស៊ីល ក៏បានប្រាប់ផងដែរថា ការបង្កើតឲ្យមាន «រដ្ឋាភិបាលចម្រុះ» អាចជាដំណោះស្រាយមួយផ្សេងទៀតសម្រាប់ប្រទេសវ៉េណេស៊ុយអេឡា។
យ៉ាងណាមិញ ទាំងបក្សកាន់អំណាច និងបក្សប្រឆាំង បានច្រានចោលនូវគំនិតដែលលើកឡើងដោយលោក បៃដិន និងលោក Lula។
សូមបញ្ជាក់ថា ក្រុមប្រឹក្សាបោះឆ្នោតជាតិរបស់វ៉េណេស៊ុយអេឡា បានប្រកាសកាលពីថ្ងៃទី២៩ខែកក្កដាថា លោក ម៉ាឌូរ៉ូ បានយកឈ្នះក្នុងការបោះឆ្នោតសកល និងបន្តកាន់តំណែងរយៈពេល៦ឆ្នាំទៀត។ យ៉ាងណា លទ្ធផលនេះត្រូវបានជំទាស់ដោយគណបក្សប្រឆាំង ក៏ដូចជាសហរដ្ឋអាមេរិក បណ្ដាប្រទេសនៅអាមេរិកឡាទីន និងសហភាពអឺរ៉ុប ដោយចោទថាលទ្ធផលបោះឆ្នោតត្រូវបានក្លែងបន្លំ ព្រោះក្រុមប្រឹក្សាបោះឆ្នោតជាតិមិនបានបញ្ចេញព័ត៌មានលម្អិតនៃការរាប់សន្លឹកឆ្នោតនោះទេ៕
ដោយ៖ ឈាង
ដៀលគេអត់មើលកញ្ចក់! មហាជនប្រតិកម្មនឹងបុគ្គលម្នាក់ ក្រោយចំអន់សម្រស់ភរិយាលោក ជា សុជាតិ
អាជ្ញាធរសង្កាត់ស្ទឹងមានជ័យទី ២ ចុះរៀបចំសណ្ដាប់ធ្នាប់ និងណែនាំអាជីវករ ឈប់យកចំណីផ្លូវធ្វើជាកន្លែងអាជីវកម្ម
អភិបាលខេត្តពោធិ៍សាត់ប្រាប់គណៈកម្មការរដ្ឋសភា ពីកិច្ចខិតខំរបស់រដ្ឋបាលខេត្តក្នុងការដោះស្រាយទំនាស់ដីធ្លី
ក្រសួងព័ត៌មាន នឹងរៀបចំទិវាវិទ្យុពិភពលោកឆ្នាំ២០២៥ ដើម្បីបង្កើនការយល់ដឹងតួនាទីសំខាន់របស់វិទ្យុក្នុងការផ្តល់ព័ត៌មាន
វៀតណាមរំពឹងរលកនៃការវិនិយោគផ្ទាល់ពីបរទេស ឆ្នាំនេះ
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
អាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត
ផ្អាកបណ្ដាញសង្គម អតីតស្វាមី និងម្តាយក្មេក តួ សាន់ឆាយ ក្រោយបំពាននិងរកលុយពីអ្នកស្លាប់
ត្រាំ គំរាមហាម៉ាសឲ្យដោះលែងចំណាប់ខ្មាំងទាំងអស់ត្រឹមថ្ងៃសៅរ៍ បើមិនដូច្នោះលុបបទឈប់បាញ់ រួចវាយកម្ទេចក្រុមនេះតែម្ដង
លោកបណ្ឌិត ហ៊ឺ វីរៈ ៖ “ខ្មែរមិនដែលមានវប្បធម៌ជេរគ្នាទេ”
-
សន្តិសុខសង្គម១ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
ជីវិតកម្សាន្ដ២៣ ម៉ោង agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព