ព័ត៌មានអន្ដរជាតិ
រុស្ស៊ីកាត់ទោសស្ត្រីម្នាក់ឲ្យជាប់គុក១២ឆ្នាំ ព្រោះបរិច្ចាគលុយ៥២ដុល្លារជួយអ៊ុយក្រែន
ស្ត្រីម្នាក់ឈ្មោះ Ksenia Khavana កាលពីថ្ងៃទី១៥ខែសីហា ត្រូវតុលាការរុស្ស៊ីកាត់ទោសពីបទក្បត់ជាតិ ហើយត្រូវជាប់ពន្ធនាគាររយៈពេល១២ឆ្នាំ ក្រោយរកឃើញថានាងធ្លាប់បរិច្ចាគប្រាក់ចំនួន ៥២ដុល្លារជួយដល់ប្រទេសអ៊ុយក្រែន។
នាង Khavana មានសញ្ជាតិពីរគឺអាមេរិក និងរុស្ស៊ី។ នាងត្រូវបានចាប់ខ្លួននៅទីក្រុង Yekaterinburg កាលពីខែកុម្ភៈកន្លងទៅ មុនតុលាការបើកសវនាការរឿងក្ដីរបស់នាងកាលពីសប្ដាហ៍មុន។ Khavana មានអាយុ៣៣ឆ្នាំ គឺជាអតីតអ្នករាំរបាំបាឡេ ដែលបានទទួលសញ្ជាតិអាមេរិក ក្រោយពេលរៀបការជាមួយបុរសជនជាតិអាមេរិកម្នាក់ ហើយទៅរស់នៅឯទីក្រុង Los Angeles។ នាង Khavana បានវិលត្រឡប់ទៅរុស្ស៊ីវិញ ដើម្បីសួរសុខទុក្ខក្រុមគ្រួសាររបស់នាង។ ពេលទៅដល់ទីក្រុង Yekaterinburg ប៉ូលិសរុស្ស៊ីបានរឹបអូសទូរសព្ទនាង ហើយរកឃើញព័ស្តុតាងពីការចូលបរិច្ចាគប្រាក់ជួយដល់អ៊ុយក្រែន។
ទីភ្នាក់ងារសន្តិសុខសហព័ន្ធរុស្ស៊ី បាននិយាយថា Khavana «ប្រមូលប្រាក់យ៉ាងសកម្ម ក្នុងផលប្រយោជន៍សម្រាប់អង្គការអ៊ុយក្រែនមួយ ដែលក្រោយមកត្រូវបានប្រើប្រាស់ដើម្បីទិញការផ្គត់ផ្គង់ផ្នែកវេជ្ជសាស្រ្ដ សម្ភារៈ អាវុធ និងគ្រាប់រំសេវសម្រាប់កងកម្លាំងប្រដាប់អាវុធអ៊ុយក្រែន»។
អ្នកនាំពាក្យសន្តិសុខជាតិអាមេរិក លោក John Kirby បានប្រកាសថា ការចោទប្រកាន់ និងការកាត់ទោស Khavana គឺជាការផ្តន្ទាទោសដ៏ឃោរឃៅ ហើយមន្ត្រីអាមេរិកកំពុងធ្វើការដើម្បីទទួលបានកុងស៊ុលទាក់ទងទៅកាន់ Khavana។ លោក Kirby បានសង្កត់ធ្ងន់ថា ត្រឹមប្រាក់ ៥០ដុល្លារ «ហៅថាអំពើក្បត់ជាតិគឺជារឿងឆ្កួតលីលាមែនទែន»។
មេធាវីរបស់ Khavana គឺលោក Mikhail Mushailov បាននិយាយថា លោកគ្រោងនឹងប្តឹងឧទ្ធរណ៍ចំពោះសាលក្រមនេះ។ លោកមេធាវី បានថ្លែងថា Khavana ទទួលស្គាល់ថា នាងបានបរិច្ចាគប្រាក់ឲ្យមូលនិធិមួយប្រាកដមែន តែនាងមិនបានដឹងទេថា ប្រាក់ទាំងនោះត្រូវគេយកទៅប្រើប្រាស់ដើម្បីប្រឆាំងនឹងរុស្ស៊ីបែបនេះឡើយ។
សូមបញ្ជាក់ថា ចាប់តាំងពីការបញ្ជូនទាហានចូលវាយលុកអ៊ុយក្រែនក្នុងខែកុម្ភៈឆ្នាំ២០២២ រុស្ស៊ីបានធ្វើការបង្ក្រាបយ៉ាងសកម្មទៅលើអ្នកប្រឆាំង និងបានអនុម័តច្បាប់ថ្មីមួយ សម្រាប់ដាក់ទោសជនណាដែលទិតៀនប្រតិបត្តិការវាយលុករបស់រុស្ស៊ីនៅអ៊ុយក្រែន ក៏ដូចជាធ្វើឲ្យខូចកិត្តិយសយោធារុស្ស៊ី។ ក្ដីព្រួយបារម្ភបានកើនឡើងជាខ្លាំងបន្ទាប់ពីការបង្កើតច្បាប់នេះឡើង ហើយជាពិសេសគឺរុស្ស៊ីបានកំណត់ជនជាតិអាមេរិកជាគោលដៅចម្បងក្នុងការចាប់ឃាត់ខ្លួន៕
ដោយ៖ ឈាង
នាយករដ្ឋមន្ត្រីកម្ពុជា អបអរសាទរកូនស្រីរបស់លោក ថាក់ស៊ីន ដែលក្លាយជានាយករដ្ឋមន្ត្រីថៃ
ដើមដូង ១០ ដើម ដាំមុខវត្តកណ្តាល រំលឹកចងចាំស្នាដៃម្ចាស់កវីដងស្ទឹងសង្កែ លោក គង្គ ប៊ុនឈឿន
កូរ៉េទទួលស្គាល់អំពីការរីកចម្រើនយ៉ាងឆាប់រហ័សនៃការទូទាត់ឌីជីថលនៅកម្ពុជា
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
អាជ្ញាធរស្រុកចំនួន៣នៅខេត្តកោះកុង ប្រចាំការ ទប់ស្កាត់រាល់សកម្មភាពទាំងឡាយដែលបង្កអសន្តិសុខសណ្តាប់ធ្នាប់
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
យន្តហោះទម្លាក់គ្រាប់បែកល្បឿនលឿនជាងសំឡេង តម្លៃ៤០លានដុល្លាររបស់រុស្ស៊ី ធ្លាក់នៅ ស៊ីបេរី
Breaking News! កូនស្រីពៅលោក ថាក់ស៊ីន ក្លាយជានាយករដ្ឋមន្ត្រីថៃទី៣១
ថៃ ប្រឈមអស់សិទ្ធិធ្វើម្ចាស់ផ្ទះកីឡាក្នុងសាលអាស៊ី និងស៊ីហ្គេម
អាមេរិក បើកភ្លើងខៀវ ផ្តល់មីស៊ីលរយៈចម្ងាយឆ្ងាយដ៏ទំនើប ទៅឲ្យ អ៊ុយក្រែន
-
វប្បធម៌ ជំនឿ៥ ថ្ងៃ agoទំនាយឆ្នាំ២០២៥ របស់លោកយាយ Baba Vanga ព្រឺព្រួចជាងទំនាយមុនៗ
-
ព័ត៌មានអន្ដរជាតិ៤ ថ្ងៃ agoរោងចក្រនុយក្លេអ៊ែរធំបំផុតនៅអឺរ៉ុប ត្រូវអគ្គិភ័យឆាបឆេះ
-
ព័ត៌មានជាតិ២ ថ្ងៃ agoសមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
ព័ត៌មានជាតិ៤ ថ្ងៃ agoខេត្តភាគឦសានមណ្ឌលគិរី ពលរដ្ឋមានចំណូលខ្ពស់ឈរនៅលំដាប់ទី ៤ ទូទាំងប្រទេស
-
ព័ត៌មានអន្ដរជាតិ១ ថ្ងៃ agoប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
សន្តិសុខសង្គម៦ ម៉ោង agoឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
-
សន្តិសុខសង្គម៧ ថ្ងៃ agoសាលាដំបូងរាជធានី បំភ្លឺជុំវិញការចាប់ខ្លួនលោក សាន អឿន
-
ព័ត៌មានជាតិ៤ ថ្ងៃ agoសម្តេចតេជោ៖ ខ្ញុំមិនទាន់អស់អំណាចទេ ខ្ញុំត្រូវការពារប្រជាជនរបស់ខ្ញុំ និងទឹកដីដ៏កម្សត់