ព័ត៌មានអន្ដរជាតិ

Breaking News! កូនស្រីពៅលោក ថាក់ស៊ីន ក្លាយជានាយករដ្ឋមន្ត្រីថៃទី៣១

បានផុស

៦ ខែ មុន

នៅ

ថ្ងៃសុក្រ ១៦ សីហា ២០២៤

ដោយ

Chheang

សភាថៃ បានបោះឆ្នោតនៅថ្ងៃសុក្រទី១៦ខែសីហានេះ ឲ្យកូនស្រីពៅរបស់លោក ថាក់ស៊ីន ស៊ីណាវ៉ាត្រា គឺលោកស្រី ផែថងថាន ស៊ីណាវ៉ាត្រា (Paetongtarn Shinawatra) ក្លាយជានាយករដ្ឋមន្ត្រីថ្មីនៅក្នុងប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនយោបាយចំណូលថ្មី លោកស្រី ផែថងថាន អាយុ៣៧ឆ្នាំ នឹងក្លាយជានាយករដ្ឋមន្ត្រីស្ត្រីទីពីររបស់ប្រទេសថៃ និងជាវង្សត្រកូល ស៊ីណាវ៉ាត្រា ទីបីដែលកាន់តំណែងកំពូល ហើយជាការភ្ញាក់ផ្អើលមួយដែលថាត្រកូល ស៊ីណាវ៉ាត្រា អាចដណ្ដើមអំណាចសាជាថ្មីម្ដងទៀតបើទោះជាកំពុងមានភាពចលាចលនយោបាយក៏ដោយ។

ការតែងតាំងលោកស្រី ផែថងថាន ធ្វើឡើងបន្ទាប់ពីតុលាការធម្មនុញ្ញថៃកាលពីថ្ងៃពុធ បោះឆ្នោតដកតំណែងលោក សេដ្ឋា ថាវីស៊ីន ជានាយករដ្ឋមន្ត្រី ពាក់ព័ន្ធការរំលោភរដ្ឋធម្មនុញ្ញ ដោយតែងតាំងទណ្ឌិតឲ្យធ្វើការក្នុងគណៈរដ្ឋមន្ត្រី។ សាលក្រមរបស់តុលាការ គឺពាក់ព័ន្ធការដែលលោក សេដ្ឋា តែងតាំងអតីតមេធាវីមានទំនាក់ទំនងជាមួយគ្រួសារត្រកូល ស៊ីណាវ៉ាត្រា ឈ្មោះថា Pichit Chuenban ដែលធ្លាប់ជាប់ពន្ធនាគាររយៈពេល៦ខែ ពីបទមើលងាយតុលាការក្នុងឆ្នាំ២០០៨។

លោកស្រី ផែថងថាន នឹងត្រូវរង់ចាំការយល់ស្របពីព្រះមហាក្សត្រថៃ Maha Vajiralongkorn មុនពេលលោកស្រីអាចចូលកាន់តំណែងជាផ្លូវការ និងតែងតាំងគណៈរដ្ឋមន្ត្រី។ លោកស្រីនឹងក្លាយជានាយករដ្ឋមន្ត្រីស្ត្រីទីពីររបស់ប្រទេសថៃ បន្ទាប់ពីម្តាយមីងរបស់លោកស្រីគឺលោកស្រី យីងឡាក់ (Yingluck) និងជាបុគ្គលនយោបាយវ័យក្មេងជាងគេបំផុតក្នុងប្រវត្តិសាស្ត្រថៃ ដែលកាន់តំណែងជានាយករដ្ឋមន្ត្រី៕

ដោយ៖ ឈាង

ចុចអាន៖ ប្រវត្តិត្រួសៗរបស់កូនស្រីពៅលោកថាក់ស៊ីនដែលទំនងក្លាយជានាយករដ្ឋមន្ត្រីថៃទី៣១

Related Topics:ប្រទេសថៃ