មកស្គាល់ មេដឹកនាំពិភពលោក វ័យក្មេងបំផុត ទាំង១០រូប នាពេលបច្ចុប្បន្ន

​លោកស្រី ផែថងថាន ស៊ីណា​វ៉ាត្រា (Paetongtarn Shinawatra) បានក្លាយជានាយករដ្ឋមន្ត្រីទី៣១ និងបង្កើតប្រវត្តិសាស្រ្តថៃ ជានាយករដ្ឋមន្ត្រីមានវ័យក្មេងជាងគេបំផុតរបស់ប្រទេសនេះ នៅវ័យត្រឹម៣៧ឆ្នាំ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីទទួលបានសំឡេងគាំទ្រ៣១៩ ក្នុងការបោះឆ្នោតរបស់រដ្ឋសភា ដើម្បីឡើងកាន់អំណាចបន្តពីលោក សេដ្ឋា ថាវីស៊ីន ដែលត្រូវតុលាការធម្មនុញ្ញថៃ ចេញសាលក្រមដកហូតតំណែង ជុំវិញការតែងតាំងទណ្ឌិត ឲ្យចូលធ្វើការក្នុងគណៈរដ្ឋមន្ត្រី។

ស្របពេលពិភពលោកកំពុងផ្តោតការយកចិត្តទុកដាក់ចំពោះវ័យរបស់លោកស្រី ថ្ងៃនេះ កម្ពុជាថ្មី សូមបង្ហាញជូនប្រមុខដឹកនាំពិភពលោកបច្ចុប្បន្នទាំង១០រូប ដែលមានវ័យក្មេងបំផុត៖

1. នាយករដ្ឋមន្ត្រីបារាំង Gabriel Attal ៖ កើតថ្ងៃទី១៦ ខែមីនា ឆ្នាំ១៩៨៩ (អាយុ៣៥ឆ្នាំ)
2. ប្រធានាធិបតីស្តីទី បួគីណាហ្វាសូ Ibrahim Traoré ៖ កើតថ្ងៃទី១៤ ខែមីនា ឆ្នាំ១៩៨៨ (អាយុ៣៦ឆ្នាំ)
3. ប្រធានាធិបតីអេក្វាទ័រ Daniel Noboa ៖ កើតថ្ងៃទី៣០ ខែវិច្ឆិកា ឆ្នាំ១៩៨៧ (អាយុ៣៦ឆ្នាំ)
4. នាយករដ្ឋមន្ត្រីម៉ុងតេណេហ្គ្រោ Milojko Spajić ៖ កើតថ្ងៃទី២៤ ខែកញ្ញា ឆ្នាំ១៩៨៧ (អាយុ៣៦ឆ្នាំ)
5. ប្រធានាធិបតីម៉ុងតេណេហ្គ្រោ Jakov Milatović ៖ កើតថ្ងៃទី៧ ខែធ្នូ ឆ្នាំ១៩៨៦ (អាយុ៣៧ឆ្នាំ)
6. នាយករដ្ឋមន្ត្រី សាធារណរដ្ឋអៀរឡង់ ៖ កើតថ្ងៃទី១៧ ខែតុលា ឆ្នាំ១៩៨៦ (អាយុ៣៧ឆ្នាំ)
7. នាយករដ្ឋមន្ត្រីថៃ Paetongtarn Shinawatra ៖ កើតថ្ងៃទី២១ ខែសីហា ឆ្នាំ១៩៨៦ (អាយុ៣៧ឆ្នាំ)
8. ប្រធានាធិបតី​ឈីលី Gabriel Boric៖ កើត​ថ្ងៃ​ទី១១ ខែ​កុម្ភៈ ឆ្នាំ១៩៨៦ (អាយុ៣៨ឆ្នាំ)
9. នាយករដ្ឋមន្ត្រីអារ៉ាប៊ីសាអូឌីត Mohammed bin Salman ៖ ប្រសូតថ្ងៃទី៣១ ខែសីហា ឆ្នាំ១៩៨៥ (ព្រះជន្ម៣៨វស្សា)
10. ប្រធានាធិបតីឆាដ Mahamat Déby ៖ កើតថ្ងៃទី៤ ខែមេសា ឆ្នាំ១៩៨៤ (អាយុ៤០ឆ្នាំ)៕

អត្ថបទ៖ សុខ សុវណ្ណ

ចុចអាន៖ កូនស្រីពៅលោកថាក់ស៊ីន បង្កើតប្រវត្តិសាស្រ្តថៃ ក្លាយជានាយករដ្ឋមន្ត្រីក្មេងជាងគេបំផុត